സംസ്ഥാനത്ത് ലോക്ഡൗണ്‍ ദീര്‍ഘിപ്പിച്ച സാഹചര്യത്തില്‍ ഈ മാസം 28,29 ,31 തീയതികളില്‍ നറുക്കെടുപ്പ് നിശ്ചയിച്ചിരുന്ന നിര്‍മല്‍ -226 ,കാരുണ്യ -501 ,വിന്‍ വിന്‍ -618 ഭാഗ്യക്കുറികള്‍ കൂടി റദ്ദാക്കി.

നേരത്തെ 13 മുതല്‍ 27 വരെയുള്ള ഭാഗ്യക്കുറികള്‍ റദ്ദാക്കിയിരുന്നു .ഇതിനിടയില്‍ ഈ മാസം 14, 23 തീയതികളില്‍ നറുക്കെടുപ്പ് നിശ്ചയിച്ചിരുന്ന ഭാഗ്യമിത്ര BM 06 , ലൈഫ് വിഷു ബമ്ബര്‍ BR 79 ഭാഗ്യക്കുറികളുടെയും 10, 11, 12 തീയതികളില്‍ നറുക്കെടുക്കേണ്ടിയിരുന്ന പ്രതിവാര ഭാഗ്യക്കുറികളുടെയും നറുക്കെടുപ്പ് പിന്നീട് നടത്തുന്നതായിരിക്കുമെന്ന് ഭാഗ്യക്കുറി വകുപ്പ് അറിയിച്ചു. പുതുക്കിയ നറുക്കെടുപ്പ് തീയതി പിന്നീടറിയിക്കും. .ഈ മാസം 4, 5, 6, 7 തീയതികളിലെ പ്രതിവാര ഭാഗ്യക്കുറികളുടെ നറുക്കെടുപ്പും മാറ്റിവച്ചു. ഇവയും പിന്നീട് നടത്തുമെന്ന് ഭാഗ്യക്കുറി വകുപ്പ് അറിയിച്ചു.