എന്തോ വലുത് വരാനിരുന്നു... എഎ റഹീമിനെ വെല്ലുവിളിച്ചതിന് പിന്നാലെ പോരാളി ഷാജിയുടെ പേജ് കാണാനില്ല; ഗുഡ് ബൈ സഖാക്കളെ സ്ക്രീന് ഷോട്ട് പ്രചരിക്കുന്നു; സിപിഎമ്മിന്റെ ശക്തമായ പ്രതിരോധ കോട്ടയായി നിന്ന പോരാളി ഷാജിയുടെ വിടവാങ്ങലില് അമ്പരന്ന് സഖാക്കള്
ഡി.വൈ.എഫ്.ഐ സംസ്ഥാന പ്രസിഡന്റ് എ.എ റഹീമിനെതിരെ പൊങ്കാലയിട്ടതിന് പിന്നാലെ പോരാളി ഷാജിയുടെ ഫേസ്ബുക്ക് പേജ് അപ്രത്യക്ഷമായി.
റഹീമിനെക്കുറിച്ച് എഴുതിയ പോസ്റ്റും ഇപ്പോള് കാണുന്നില്ല. സോഷ്യല് മീഡിയയുല് സി.പി.എം അനുകൂല നിലപാടിലൂടെ പോരാളി ഷാജിയുടെ പോസ്റ്റുകള് വലിയ ശ്രദ്ധ പിടിച്ചുപറ്റിയിരുന്നു. റഹീമിനെതിരായ വിമര്ശനം വലിയ ചര്ച്ചയായത് പേജിന് തിരിച്ചടിയായെന്നും സൂചനയുണ്ട്.
ഗുഡ് ബൈ സഖാക്കളെ, കമിംഗ് സൂണ്' എന്നെഴുതിയ ഷാജിയുടെ സ്ക്രീന് ഷോട്ടുകള് പ്രചരിക്കുന്നുണ്ട്. പോസ്റ്റില് ബിനീഷ് കോടിയേരി ടാഗ് ചെയ്തിട്ടുണ്ടെന്നും കാണാം. എന്നാല് ഇത് ഷാജിയുടെ പേജിന്റെ സ്ക്രീന് ഷോട്ട് തന്നെയാണോയെന്ന് വ്യക്തമല്ല. 'പാര്ട്ടിക്കെതിരെ വരുന്ന വിമര്ശനങ്ങള് മുഖമില്ലാത്തവരുടെതാണെന്നും പോരാളി ഷാജി നിഗൂഢമായ അജ്ഞാത സംഘമെന്നുമുള്ള' റഹീമിന്റെ പരാമര്ശത്തിന് പിന്നാലെയാണ് ഷാജിയുടെ മറുപടി വന്നത്. റഹീമിന്റെ ഗുഡ് സര്ട്ടിഫിക്കറ്റും പാര്ട്ടിയുടെ ശമ്പളവും തനിക്ക് വേണ്ടെന്ന് ഷാജി പോസ്റ്റില് പറയുന്നു.
പോരാളി ഷാജിയെന്ന ഇടത് അനുകൂല ഫേസ്ബുക്ക് അക്കൗണ്ട് സി.പി.ഐ.എമ്മിന്റേതല്ലെന്ന് ഡി.വൈ.എഫ്.ഐ സംസ്ഥാന സെക്രട്ടറിയും പാര്ട്ടി നേതാവുമായ എ.എ റഹീം പറഞ്ഞിരുന്നു. മീഡിയവണ് സ്പെഷ്യല് എഡിഷന് ചര്ച്ചയ്ക്കിടെയായിരുന്നു അദ്ദേഹത്തിന്റെ പരാമര്ശം.
സി.പി.ഐ.എമ്മിനോ ഡി.വൈ.എഫ്.ഐക്കോ പോരാളി ഷാജിയുമായി ഒരു ബന്ധവുമില്ലെന്ന് എ.എ റഹീം പറഞ്ഞു. കെ.കെ ശൈലജയെ മന്ത്രിസ്ഥാനത്ത് തഴഞ്ഞതില് പോരാളി ഷാജിയെപ്പോലുള്ളവരും എതിര്പ്പറിയിച്ചിരുന്നു എന്ന് പറഞ്ഞപ്പോഴായിരുന്നു റഹീമിന്റെ മറുപടി.
ശൈലജ ടീച്ചറെ മന്ത്രിയാക്കാത്തതില് സോഷ്യല് മീഡിയയില് എതിര്പ്പുയര്ത്തുന്നത് എതിരാളികളാണെങ്കില് ഇത് അനുചിതമാണെന്ന് പറയാം. ഇത് നിങ്ങളുടെ ഒപ്പമുള്ള പോരാളി ഷാജിയെ പോലുള്ളവര്ക്കുപോലും മനസ്സിലായിട്ടില്ല എന്നായിരുന്നു അവതാരകന് അഭിലാഷ് മോഹന്റെ പരാമര്ശം. ഇതിന് മറുപടിയായാണ്, എ.എ റഹീമിന്റെ മറുപടി.
'നിങ്ങളീ പറഞ്ഞ പോരാളി ഷാജിയെന്ന കഥാപാത്രം അജ്ഞാതമായ കഥാപാത്രമാണ്. ഈ പാര്ട്ടിക്കോ ഡി.വൈ.എഫ്.ഐ എന്ന യുവജന സംഘടനയ്ക്കോ ഒരു ബന്ധവുമില്ലാത്ത ഏര്പ്പാടാണ്. അജ്ഞാതരായവര് ഇങ്ങനെ പലതും പറയും,'എന്നായിരുന്നു റഹീമിന്റെ പ്രതികരണം.
ഇതോടെയാണ് ശക്തമായ ഭാഷയില് പോരാളി ഷാജി രംഗത്തെത്തിയത്. വല്ലാതെ അഹങ്കരിക്കരുത് റഹീമേ...പാര്ട്ടിക്ക് വേണ്ടി എന്നും ഓശാന പാടാന് ലക്ഷങ്ങള് കൊടുത്ത് സോഷ്യല് മീഡിയയില് നിര്ത്തിയേക്കുന്നവരില് ഞാനില്ല... ഞാനെന്നല്ല ഇവിടത്തെ ലക്ഷക്കണക്കിന് സാധാരണ അനുഭാവികളുമില്ല... ഇടത് മുന്നണി ഇപ്രാവശ്യം മഹത്തായ വിജയം നേടിയിട്ടുണ്ടെങ്കില് അതിന് പിന്നില് മുഖമില്ലാത്ത,, അറിയപ്പെടാന് താത്പര്യമില്ലാത്ത,പാര്ട്ടി ആഞ്ജക്കായി കാത്ത് നില്ക്കാതെ സ്വന്തം സമയവും ജോലിയും മിനക്കെട്ട് ആശയങ്ങളും വികസന വാര്ത്തകളും പ്രചരിപ്പിക്കുന്ന,, പാര്ട്ടി പറയുന്നതിന് മുന്പേ ശത്രുക്കള്ക്ക് മുന്പില് പ്രതിരോധം തീര്ക്കുന്ന പതിനായിരക്കണക്കിന് മനുഷ്യരുടെ അധ്വാനമുണ്ട്..അവരാണ് ഈ വിജയത്തിന് പിന്നില്..
അല്ലാതെ മാസ ശമ്പളം വാങ്ങി കമ്പ്യൂട്ടറില് മാസത്തില് പത്ത് കളര് പോസ്റ്റുമിട്ട് നടക്കുന്ന നിങ്ങടെ സ്വന്തം കോണാണ്ടര്മാരല്ല.. ഞാന് വെല്ലുവിളിക്കുകയാണ് റഹീമേ. പാര്ട്ടി പണം ചിലവാക്കി നില നിര്ത്തുന്ന ഓഫിഷ്യല് പേജുകളെക്കാളും കോടികള് ചിലവിട്ട് വിവിധ ഓണ്ലൈന് പ്ലാറ്റുഫോമുകളില് നടത്തിയ പ്രചാരങ്ങളെക്കാളും നൂറിരട്ടി ഗുണം ഈ പേജില് നിന്നും കിട്ടിയിട്ടുണ്ട്..
വിയോജിപ്പുകള് ഇല്ലാതെ എല്ലാ ഏമാന്മാരും 'സ.. സ.. സ' മൂളി രണ്ട് സ്റ്റേറ്റിലെ ഇടത് പക്ഷത്തിന്റെ പതിനാറടിയന്തിരം നടത്തിയിട്ടുണ്ടല്ലോ..അത്രയും കിട്ടിയത് പോരെ..നിങ്ങളെ പിന്തുണയ്ക്കുന്നവര് നിങ്ങളെ ഒന്ന് വിമര്ശിച്ചാല് അപ്പോഴേക്കും ക്രിമിനല് സംഘം ആവുമോ.. പാര്ട്ടി ദ്രോഹികള് ആവുമോ.. എനിക്ക് റഹീമിന്റെ ഒരു ഗുഡ് സര്ട്ടിഫിക്കറ്റും വേണ്ട.. പാര്ട്ടിയുടെ ശമ്പളവും വെണ്ട.. പറയാനുള്ളത് പറയും..നന്മകള് പ്രചരിപ്പിക്കുകയും ചെയ്യും.. അപ്പൊ ശരി
ഈ പോസ്റ്റിന് പിന്നാലെയാണ് പോരാളി ഷാജിയ കാണാതായത്...
"
https://www.facebook.com/Malayalivartha
