സാറേ ഇന്ന് ചിക്കന് വേണ്ട മട്ടന് മതി! വിശ്രമിക്കാന് എ.സി മുറിയും കഴിക്കാന് ഹോട്ടല് ഭക്ഷണവും; ക്രൈംബ്രാഞ്ച് കസ്റ്റഡി സ്വപ്നയ്ക്ക് സുഖവാസമാകുന്നതിങ്ങനെ
സ്വര്ണക്കടത്തു കേസിലെ പ്രതി സ്വപ്ന സുരേഷിന് ക്രൈംബ്രാഞ്ച് കസ്റ്റഡിയില് സുഖവാസം എന്ന് റിപ്പോര്ട്ട്. എയര് ഇന്ത്യ ഉദ്യോഗസ്ഥന് എല്.എസ്.സിബുവിനെതിരെ വ്യാജ പരാതി ചമച്ച കേസില് ക്രൈംബ്രാഞ്ചിന് കീഴില് കഴിയുന്ന സ്വപ്നയ്ക്ക് വന് സെറ്റപ്പാണ് ഒരുക്കിയിരിക്കുന്നത്.
ഒമ്പത് ദിവസമായി ചോദ്യങ്ങളും മൊഴിയെടുപ്പും നടക്കുന്നുണ്ടെങ്കിലും സ്വപ്ന സന്തോഷവതിയാണെന്നും നല്കിയിട്ടുള്ള സൗകര്യത്തില് സംതൃപ്തയാണെന്നും ഉദ്യോഗസ്ഥര് പറയുന്നു.
കസ്റ്റഡി കാലാവധി കഴിയുന്ന സാഹചര്യത്തില് ഇന്നു കോടതിയില് വീണ്ടും ഹാജരാക്കും. കിടക്കാന് എ.സി മുറി, ഹോട്ടലില് നിന്ന് ഇഷ്ടമുള്ള ഭക്ഷണം, വനിതാ പോലീസുകാരുടെ കാവല് എന്നിങ്ങനെ പോകുന്നു സൗകര്യങ്ങള്.
കസ്റ്റംസ് കേസില് കോഫെപോസ പ്രതിയായി വനിതാ ജയിലിലായിരുന്നു സ്വപ്ന. ഈ മാസം 14 നാണ് വ്യാജ പരാതി ചമച്ച കേസില് ക്രൈംബ്രാഞ്ച് കസ്റ്റഡിയില് എത്തിയത്. ഒരു പ്രതിക്കും നല്കിയിട്ടില്ലാത്ത തരം കസ്റ്റഡിയാണു സ്വപ്നയ്ക്ക ക്രൈംബ്രാഞ്ച് ഒരുക്കിയത്. ഇഷ്ടഭക്ഷണം കഴിക്കാം. ക്രൈംബ്രാഞ്ച് ആസ്ഥാനത്ത് എസി കോണ്ഫറന്സ് ഹാളും.
ജയിലില് നിന്നു നേരെ കോവിഡ് പരിശോധനാ കേന്ദ്രത്തിലേക്ക്. ഫലം നെഗറ്റീവ് ആയതിനാല് കവടിയാര് ജവഹര് നഗറിലെ ക്രൈംബ്രാഞ്ച് ഓഫിസിലേക്ക്. അവിടെ ശീതീകരിച്ച മുറിയില് കിടക്കാന് കട്ടിലും മറ്റു സൗകര്യങ്ങളും. ജയിലില് ആണെങ്കില് വൈകിട്ട് നാലിനു മുന്പു രാത്രി ഭക്ഷണം വാങ്ങി സെല്ലില് കയറണം.
ക്രൈംബ്രാഞ്ച് കസ്റ്റഡിയില് മൂന്നു നേരത്തെയും ഭക്ഷണം ഹോട്ടലില് നിന്നാണ് ഏര്പ്പാടാക്കിയിരുന്നത്. ഇഷ്ടഭക്ഷണം കഴിക്കാം. ക്രൈംബ്രാഞ്ച് ആസ്ഥാനത്ത് എസി കോണ്ഫറന്സ് ഹാളും ഈഞ്ചയ്ക്കലിലെ ക്രൈംബ്രാഞ്ച് മ്യൂസിയത്തില് എസി മുറിയും ചോദ്യം ചെയ്യലിനു തയാറാക്കിയിരുന്നു.
https://www.facebook.com/Malayalivartha
