കേരളത്തിലെ അഞ്ചുവർഷത്തെ പ്രതിപക്ഷനേതാവായി വി ഡി സതീശന്‍ സാധനമേൽക്കുമ്പോൾ ആശംസയുമായി ശ്രീജിത്ത് പണിക്കർ. എന്നാല്‍ നിയുക്ത പ്രതിപക്ഷ നേതാവിന് ആശംസയുമായി രാഷ്ട്രീയ നിരീക്ഷകന്‍ ശ്രീജിത്ത് പണിക്കര്‍ രംഗത്ത് എത്തിയിരിക്കുന്നു.

വിഷയങ്ങള്‍ ഒറ്റക്കെട്ടായി ഏറ്റെടുക്കുക എന്നതാണ് പ്രതിപക്ഷ പാര്‍ട്ടിയുടെ വിജയമെന്നും അങ്ങനെ നോക്കിയാല്‍ കേരളത്തിലെ ഏറ്റവും മികച്ച പ്രതിപക്ഷ നേതാവ് രമേശ് ചെന്നിത്തല ആയിരുന്നെന്നും ശ്രീജിത്ത് പണിക്കര്‍ തന്റെ ഫേയ്‌സ്‌ബുക്ക് പോസ്റ്റിലൂടെ അറിയിച്ചു.

ഫേസ്ബുക്ക് പോസ്റ്റിന്റെ പൂർണരൂപം:

കേവലം ആരോപണങ്ങൾ ഉന്നയിക്കുന്നതിനപ്പുറം അവയൊക്കെയും സ്ഥാപിച്ചെടുക്കുക എന്നതാണ് ഒരു പ്രതിപക്ഷ നേതാവിന്റെ വിജയം. വിഷയങ്ങൾ ഒറ്റക്കെട്ടായി ഏറ്റെടുക്കുക എന്നതാണ് പ്രതിപക്ഷ പാർട്ടിയുടെ വിജയം. അങ്ങനെ നോക്കിയാൽ കേരളത്തിലെ ഏറ്റവും മികച്ച പ്രതിപക്ഷ നേതാവ് രമേശ് ചെന്നിത്തല ആയിരുന്നെന്ന് നിസ്സംശയം പറയാം.

എന്നാൽ ഇതേ കാലയളവിൽ കോൺഗ്രസ് പാർട്ടിക്ക് ഏറ്റവും മികച്ച പ്രതിപക്ഷ പാർട്ടിയാകാൻ സാധിച്ചില്ല. അടുത്തത് വി ഡി സതീശന്റെ ഊഴമാണ്. വിഷയങ്ങൾ പഠിച്ച് നന്നായി അവതരിപ്പിക്കാൻ കഴിവുള്ള നേതാവ്.

വ്യക്തിപരമായി സഹോദരതുല്യ സ്നേഹമുള്ളയാൾ. മികച്ച ഭരണപക്ഷത്തോടൊപ്പം കഴിവുറ്റ പ്രതിപക്ഷവും ഉണ്ടാകട്ടെ. അതിനായി സംഘടനാ സംവിധാനം കൂടി ശക്തിപ്പെടട്ടെ. ആശംസകൾ...