രവി പൂജാരിയുടെ ചോദ്യം ചെയ്യല്‍ ഇന്നും തുടരും... ബ്യൂട്ടി പാര്‍ലര്‍ വെടിവെപ്പ് കേസില്‍ എടിഎസ് കസ്റ്റഡിയിലുള്ള രവി പൂജാരിയെ ഇന്നും ചോദ്യം ചെയ്യും.... ഈ മാസം 8 വരെയാണ് കേരള പോലീസിന്റെ ഭീകര വിരുദ്ധ സേനയ്ക്ക് ചോദ്യം ചെയ്യലിനായി പ്രതിയെ വിട്ട് നല്‍കിയിട്ടുള്ളത്.

അന്വേഷണസംഘം കഴിഞ്ഞ ദിവസം രവി പൂജാരിയുടെ ശബ്ദ സാമ്ബിള്‍ എറണാകുളം അഡീഷണല്‍ ചീഫ് ജുഡീഷ്യല്‍ മജിസട്രേറ്റ് കോടതിയുടെ അനുമതിയോടെ ശേഖരിച്ചിരുന്നു.

കോടതിയ്ക്ക് ഇത് നാളെ കൈമാറും. കൂടാതെ അന്വേഷണ സംഘം ചോദ്യം ചെയ്യല്‍ പൂര്‍ത്തിയാകാത്തതിനാല്‍ കൂടുതല്‍ ദിവസം ചോദ്യം ചെയ്യാന്‍ പ്രതിയെ വിട്ട് കിട്ടാനുള്ള അപേക്ഷയും നല്‍കും.


അന്വേഷണ സംഘം പരാതിക്കാരിയായ നടി ലീന മരിയ പോളിനെയും വിളിപ്പിച്ചിട്ടുണ്ട്.