അമ്മയുടെ ബാങ്ക് അക്കൗണ്ട് പാസ് വേഡ് ഉപയോഗിച്ച് മൊബൈല്‍ ഫോണിലൂടെ ഗെയിം കളിച്ചു; നാല്പത് രൂപ മുതല്‍ നാലായിരം രൂപ വരെ ഒരു സമയം ചാര്‍ജ് ചെയ്യും; ഒന്‍പതാം ക്ലാസുകാരന്റെ പണം എറിഞ്ഞുള്ള കളി അറിയാതെ അമ്മ: ഒടുവില്‍ സംഭവിച്ചത് ഇങ്ങനെ....
ലോക്ക്‌ലോഡൗണ്‍ ആയതില്‍ പിന്നെകുട്ടികളും മുതിര്‍ന്നവരും ഒരുപോലെ സമയം ചിലവഴിക്കുന്നത് മൊബൈല്‍ ഫോണിലാണ്. എന്നാല്‍ കുട്ടികളാണ് ഫോണ്‍ ഉപയോഗിക്കുന്നതെങ്കില്‍ ഒന്ന് നോക്കുന്നത് നല്ലതാ... ഇല്ലെങ്കില്‍ ഇതുപോലെ ആയിരിക്കും അനുഭവം.
ആലുവയില്‍ ലോക്ക്ഡൗണ്‍ കാലത്തെ ഓണ്‍ലൈന്‍ ഗെയിമിലൂടെ ഒന്‍പതാം ക്ലാസ് വിദ്യാര്‍ഥി അമ്മയുടെ അക്കൗണ്ടില്‍നിന്നു നഷ്ടപ്പെടുത്തിയത് മൂന്നു ലക്ഷത്തോളം രൂപ. പണം നഷ്ടപ്പെട്ടെന്ന വീട്ടമ്മയുടെ പരാതിയില്‍ സൈബര്‍ പോലീസ് അന്വേഷണം നടത്തിയപ്പോഴാണ് പണം ചോര്‍ന്ന വഴിയുടെ രഹസ്യം പുറത്തറിയുന്നത്.
അമ്മയുടെ ബാങ്ക് അക്കൗണ്ട് പാസ് വേഡ് ഉപയോഗിചായിരുന്നു വിദ്യാര്‍ത്ഥി മൊബൈല്‍ ഫോണിലൂടെ ഗെയിം കളിച്ചത്. 40 രൂപ മുതല്‍ നാലായിരം രൂപ വരെ ഒരുസമയം ചാര്‍ജ് ചെയ്തായിരുന്നു ഇത്തരത്തില്‍ കളിച്ചത്.
അവിചാരിതമായി അക്കൗണ്ട് പരിശോധിച്ചപ്പോഴാണ് അക്കൗണ്ടില്‍നിന്നു പണം പോകുന്നതായി അറിഞ്ഞത്. തുടര്‍ന്നു ജില്ലാ പോലീസ് മേധാവിക്ക് പരാതി നല്‍കുകയായിരുന്നു.
അന്വേഷണത്തില്‍ ഫ്രീ ഫയര്‍ എന്ന ഗെയിം കളിച്ചാണ് പണം നഷ്ടപ്പെടുത്തിയതെന്നു കണ്ടെത്തിയത്. ഒരു ദിവസംതന്നെ പത്തു പ്രാവശ്യം വരെ ഈ വിദ്യാര്‍ഥി ചാര്‍ജ് ചെയ്തിരുന്നു. ഇതുപോലെ നിരവധി പരാതികള്‍ ലഭിച്ച പശ്ചാത്തലത്തില്‍ ഓണ്‍ലൈന്‍ ബോധവത്കരണം നടത്തുമെന്ന് എസ്പി കാര്‍ത്തിക് അറിയിച്ചു.
കുട്ടികള്‍ ഫോണ്‍ ഉപയോഗിക്കുന്നതുമായി ബന്ധപ്പെട്ടു മാതാപിതാക്കള്‍ കൂടുതല്‍ ശ്രദ്ധ ചെലുത്തണമെന്ന് അദ്ദേഹം മുന്നറിയിപ്പ് നല്‍കുകയും ചെയ്തു. കുട്ടികളുടെ മൊബൈല്‍ ഫോണുകള്‍ ഇടയ്ക്കിടയ്ക്ക് പരിശോധിക്കണം. മാതാപിതാക്കള്‍ക്ക് കൂടി അറിയുന്ന യൂസര്‍ ഐഡിയും പാസ് വേഡുകളും മാത്രമേ അക്കൗണ്ടുകളിലും ഫോണ്‍ ലോക്കിലും ഉപയോഗിക്കാവു.
നിരോധിച്ച ഗെയിമുകളും ആപ്പുകളും ഉപയോഗിക്കുന്നില്ലെന്നു ശ്രദ്ധിക്കണം. പരിചയമില്ലാത്ത ആപ്പുകള്‍ മൊബൈലില്‍ ഇല്ലെന്ന് ഉറപ്പുവരുത്തണം.
കുട്ടികള്‍ പഠനാവശ്യത്തിനു വേണ്ടി ഉപയോഗിക്കുന്ന ഫോണില്‍ പേരന്റില്‍ കണ്‍ട്രോള്‍ ആയ ഈമെയില്‍ ക്രിയേറ്റ് ചെയ്യണം. മാതാപിതാക്കളുടെ ഓണ്‍ലൈന്‍ ബാങ്കിംഗ് അക്കൗണ്ടുകള്‍ കുട്ടികള്‍ ഉപയോഗിക്കുന്ന മൊബൈല്‍ ഫോണുമായി ബന്ധിപ്പിക്കരുതെന്നും എസ്പി വ്യക്തമാക്കി.
"
https://www.facebook.com/Malayalivartha
