അമിത വേഗതയിൽ സ്കൂട്ടറിൽ അഭ്യാസ പ്രകടനം നടത്തി ഇരുചക്രവാഹന യാത്രികയെ ഇടിച്ചിട്ട ശേഷം വകവയ്ക്കാതെ വാഹനമോടിച്ച് പോയി യുവാവ്.

പാലക്കാട് നഗരത്തിലെ എസ്ബിഐ ജംഗ്ഷനില്‍ ഇന്നലെ വൈകിട്ട് നാലരയോടെയാണ് സംഭവം.

KL 49 A 5831 നമ്പറിലുള്ള വാഹന യാത്രികനാണ് അമിത വേഗതയില്‍ പോയത്. ഇയാള്‍ക്ക് പിറകിലുണ്ടായിരുന്ന കാര്‍ യാത്രികന്‍റെ ഡാഷ് ക്യാമറയിലാണ് ദൃശ്യങ്ങൾ പതിഞ്ഞത്.

ആലത്തൂർ സബ് ആർ.ടി.ഓഫീസിൽ രവി എന്ന പേരിലാണ് ഈ വാഹനം രജിസ്റ്റർ ചെയ്തിരിക്കുന്നത്.

വിഷയത്തിൽ ഉടൻ നടപടിയുണ്ടാകുമെന്ന് ആർ.ടി.ഓ വൃത്തങ്ങൾ അറിയിച്ചു.