വിവാഹിതയും രണ്ടു കുട്ടികളുടെ അമ്മയുമാണെന്നറിഞ്ഞതോടെ കാമുകന്‍ പിന്‍മാറി.... സോഷ്യല്‍ മീഡിയയില്‍ തുടങ്ങിയ പ്രണയം തകര്‍ന്നതോടെ യുവതിയുടെ മനസ്സില്‍ പകയായി..... കാര്യങ്ങള്‍ സംസാരിക്കാനെന്ന വ്യാജേന യുവാവിനെ വിളിച്ചു വരുത്തി സംസാരിച്ചുകൊണ്ടിരിക്കുന്നതിനിടെ ഷീബ അരുണിന്റെ മുഖത്തേക്ക് ആസിഡ് ഒഴിച്ചിട്ട് യുവതി പോയത് ഭര്‍ത്താവിന്റെ വീട്ടിലേക്ക് , യുവാവിന്റെ നിലവിളി കേട്ട് സുഹൃത്തുക്കള്‍ ഓടിയെത്തി ആശുപത്രിയിലാക്കി.

അടിമാലിയില്‍ യുവാവിന് നേരെ ഉണ്ടായ ആസിഡ് ആക്രമണം യുവതിയുടെ അതിക്രൂരമായ പ്രതികാരമായിരുന്നു. പ്രണയം തകര്‍ച്ചയില്‍ യുവതി കടുംകൈ ചെയ്യാന്‍ തയ്യാറെടുക്കുകയായിരുന്നു. ആസിഡ് ആക്രമണത്തിന് വിധേയനായ അരുണ്‍ കുമാര്‍ ഫേസ്ബുക്കിലൂടെയാണ് ഷീബയെ പരിചയപ്പെടുന്നത്. പരിചയമാകട്ടെ പിന്നീട് പ്രണയത്തിലേക്ക് വഴിമാറി. എന്നാല്‍ ഷീബ വിവാഹിതയും രണ്ടു കുട്ടികളുടെ അമ്മയുമാണെന്ന് അറിഞ്ഞതോടെ ബന്ധത്തില്‍ പിന്മാറാന്‍ അരുണ്‍ ശ്രമിച്ചു.

പക്ഷെ അതുവരെ ഉണ്ടായിരുന്ന കാമുകന്റെ സ്‌നേഹം നഷ്ടപ്പെട്ടപ്പോള്‍ അത് ഷീബയെ വല്ലാതെ വേദനിപ്പിച്ചു. ഇതോടെയാണ് അവര്‍ പ്രതികാരത്തിന് തയ്യാറെടുത്തു. ആദ്യ ഘട്ടത്തില്‍ പല വിധത്തിലുള്ള ഭീഷണിയിലൂടെയാണ് അവര്‍ കാമുകനെ വിരട്ടി നിര്‍ത്തി്. പിന്നീട് പണം ആവശ്യപ്പെട്ടു കൊണ്ടും നിരന്തരം ശല്യം ചെയ്യാന്‍ തുടങ്ങി. വഴങ്ങാതെ വന്നതോടെയാണ് ക്രൂരമായ ആസിഡ് ആക്രമണത്തിന് തയ്യാറെടുത്തത്.


മാത്രവുമല്ല അരുണ്‍ മറ്റൊരു വിവാഹത്തിന് തയ്യാറെടുക്കുന്നു എന്ന വിവരം കൂടി അറിഞ്ഞതോടെ ഷീബയുടെ സമനില തെറ്റി. ഇതിനിടെയാണ് കാര്യങ്ങള്‍ സംസാരിക്കാനായി ഇയാളെ അടിമാലിയിലേക്ക് വിളിച്ചു വരുത്തി. പണം വേണമെന്ന് ആവശ്യപ്പെട്ട് ഷീബ അരുണിനെ ഭീഷണിപ്പെടുത്തിയിരുന്നു. ഇതുമായി ബന്ധപ്പെട്ട് കാര്യങ്ങള്‍ സംസാരിക്കാനാണ് വിളിച്ചുവരുത്തിയതെന്നു പൊലീസ് പറഞ്ഞു. അടിമാലി ഇരുമ്പുപാലം കത്തോലിക്കാ പള്ളിക്കു സമീപത്തായി സംസാരിച്ചുകൊണ്ടിരിക്കുന്നതിനിടെ ഷീബ അരുണിന്റെ മുഖത്തേക്ക് ആസിഡ് ഒഴിച്ചു. ആസിഡ് കുപ്പി തട്ടിതെറിപ്പിക്കുന്നതിനിടെ ഷീബയുടെ ദേഹത്തേക്കും ആസിഡ് തെറിച്ചുവീണ് പൊള്ളലേറ്റിട്ടുണ്ടായിരുന്നു.



അതിനുശേഷം അവിടെനിന്നും രക്ഷപ്പെട്ട ഷീബ നേരെ ഭര്‍തൃവീട്ടിലേക്കാണ് പോയത്. അരുണിന്റെ കരച്ചില്‍ കേട്ടെത്തിയ സുഹൃത്തുക്കളാണ് ആശുപത്രിയില്‍ എത്തിച്ചത്. പിന്നീട് അരുണിനെ തിരുവനന്തപുരം മെഡിക്കല്‍ കോളജിലേക്കു മാറ്റി. അരുണിന്റെ ഒരു കണ്ണിന്റെ കാഴ്ച നഷ്ടപ്പെട്ടു. ആസിഡ് ആക്രമണത്തിന് ശേഷം അഞ്ച് ദിവസം ഭര്‍ത്താവിന്റെ വീട്ടില്‍ കഴിഞ്ഞു ഷീബ.

അപ്രതീക്ഷിത ആക്രമണത്തിനിടെ അരുണ്‍ ആസിഡ് തട്ടിത്തെറിപ്പിച്ചിരുന്നു. ഇതോടെ ആസിഡ് മുഖത്തു വീണ് ഷീബയ്ക്കും പൊള്ളലേറ്റിരുന്നു. വീട്ടിലെത്തിയ ഷീബയോട് ദേഹത്തെ പൊള്ളലിനെ കുറിച്ച് ചോദിച്ചപ്പോള്‍ തിളച്ച കഞ്ഞിവെള്ളം വീണ് ഉണ്ടായതാണെന്നാണ് മറുപടി പറഞ്ഞത്. ഇതോടെ ആര്‍ക്കും സംശയം തോന്നിയതുമില്ല. തുടര്‍ന്ന് അഞ്ച് ദിവസത്തോളം ഭര്‍ത്താവിന്റെ വീട്ടില്‍ കഴിഞ്ഞു.

ശനിയാഴ്ച വൈകിട്ട് പൊലീസ് വീട്ടിലെത്തിയതോടെയാണ് വീട്ടുകാര്‍ കാര്യം അറിയുന്നത്. അതു വരെ ഒന്നും അറിഞ്ഞതുമില്ല. ഒരു വര്‍ഷത്തോളം ഷീബ തിരുവനന്തപുരത്ത് ഹോം നഴ്സായി ജോലി ചെയ്തിരുന്ന സമയത്താണ് ഷീബയും അരുണും തമ്മില്‍ കൂടുതല്‍ അടുത്തത്.


അടിമാലിയിലേക്ക് അരുണിനെ ഷീബ വിളിച്ചു വരുത്തിയത് ഒറ്റയ്ക്ക് എത്തണം എന്നാവശ്യപ്പെട്ടായിരുന്നു. അതുകൊണ്ടുതന്നെ സംഭവം ആരും അറിയില്ലെന്നും ഷീബയും കരുതി. എന്നാല്‍ സുഹൃത്തുകള്‍ക്കൊപ്പമാണ് അരുണ്‍ അടിമാലിയിലെത്തിയത്. പരുക്കേറ്റതോടെ പരിഭ്രമിച്ച അരുണും സുഹൃത്തുക്കളും അതിവേഗം അവിടെനിന്നു മടങ്ങി.

അങ്കമാലിയിലെ സ്വകാര്യ ആശുപത്രിയില്‍ പ്രാഥമിക ചികില്‍സ തേടി. തുടര്‍ന്ന് തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. പരാതിയുടെ അടിസ്ഥാനത്തില്‍ അടിമാലി പൊലീസ് തിരുവനന്തപുരത്തെത്തി അരുണിന്റെ മൊഴിയെടുത്തു. അതിനുശേഷമാണ് ഷീബയെ അറസ്റ്റു ചെയ്തത്. പള്ളിയില്‍ നിന്നുള്ള സിസിടിവി ദൃശ്യങ്ങളും ശേഖരിച്ചിട്ടുണ്ട്.