ഭര്‍ത്താവിന്റെ വീട്ടില്‍ നിന്നും നവവധു സുഹൃത്തിനൊപ്പം കടന്നത് 125 പവന്‍ ആഭരണങ്ങളുമായി സ്ഥലംവിട്ടതായി പരാതി.

കളനാട്ടുനിന്ന് പള്ളിക്കര പൂച്ചക്കാട്ടേക്ക് ഈയിടെ വിവാഹം കഴിഞ്ഞെത്തിയ യുവതി, കാസര്‍കോട് സന്തോഷ് നഗറിലെ യുവാവ് എന്നിവര്‍ക്കെതിരെയാണ് ബേക്കല്‍ പോലീസില്‍ ബന്ധുക്കളുടെ പരാതിയുള്ളത്.

യുവതി ഒരു മാസം മുമ്പാണ് കളനാട് സ്വദേശിയെ വിവാഹം കഴിച്ചത്. വിവാഹ സമയത്ത് വീട്ടുകാര്‍ നല്‍കിയ 125 പവനിലേറെ സ്വര്‍ണാഭരണങ്ങളുമായിട്ടാണ് യുവതി വീടു വിട്ടത്. കാസര്‍കോട് സന്തോഷ് നഗറിലെ യുവാവിനൊപ്പമാണ് ഇവര്‍ പോയതെന്നാണ് പോലീസ് അന്വേഷണത്തില്‍ വ്യക്തമായത്.

ബന്ധുക്കളുടെ പരാതിയില്‍ പോലീസ് കേസെടുത്ത് അന്വേഷണം തുടരുന്നു. അതിരാവിലെ ഭര്‍ത്തൃവീടിന്റെ സമീപത്തുനിന്ന് യുവതി ഒപ്പം പഠിച്ചിരുന്ന സുഹൃത്തിന്റെ കാറില്‍ കയറി പോകുന്നതിന്റെ ദൃശ്യങ്ങള്‍ പോലീസിന് കിട്ടിയിട്ടുണ്ട്.