നടപടിയെടുക്കാതെ സമരം അവസാനിപ്പിക്കില്ല.... ശിശുക്ഷേമ സമിതി ജനറല് സെക്രട്ടറി ഷിജു ഖാന് ഉള്പ്പെടെയുള്ളവര്ക്കെതിരെ എന്തുകൊണ്ട് ക്രിമിനല് നടപടി സ്വീകരിക്കുന്നില്ലെന്ന് അനുപമ....
നടപടിയെടുക്കാതെ സമരം അവസാനിപ്പിക്കില്ല.... ശിശുക്ഷേമ സമിതി ജനറല് സെക്രട്ടറി ഷിജു ഖാന് ഉള്പ്പെടെയുള്ളവര്ക്കെതിരെ എന്തുകൊണ്ട് ക്രിമിനല് നടപടി സ്വീകരിക്കുന്നില്ലെന്ന് അനുപമ....ഇക്കാര്യം ആവശ്യപ്പെട്ട് മുഖ്യമന്ത്രിക്ക് കത്ത് കൊടുക്കുമെന്നും അനുപമ പറഞ്ഞു.
നടപടിയെടുക്കാതെ സമരം അവസാനിപ്പിക്കില്ല. സ്ഥാപനത്തിന് ലൈസന്സ് ഇല്ലെന്ന് ഇപ്പോഴാണ് അറിയുന്നത്. ലൈസന്സ് ഇല്ലാത്ത ഒരു സ്ഥാപനം ദത്ത് കൊടുക്കുന്നത് കുട്ടിക്കടത്ത് എന്നാണ് പറയേണ്ടതെന്നും അനുപമ പ്രതികരിച്ചു.
അതേസമയം, ആന്ധ്ര ദമ്പതികള് ശിശുക്ഷേമസമിതി ഉദ്യോഗസ്ഥര്ക്ക് കൈമാറിയ കുഞ്ഞിനെ ഇന്ന് തിരുവനന്തപുരത്ത് എത്തിക്കും. നാലംഗ ഉദ്യോഗസ്ഥസംഘം ഇന്നലെ ആന്ധ്രയിലെത്തി ദമ്പതികളില് നിന്ന് കുഞ്ഞിനെ ഏറ്റുവാങ്ങിയിരുന്നു.
കുഞ്ഞ് എത്തിക്കഴിഞ്ഞാല് വൈകാതെ അനുപമയുടെയും അജിത്തിന്റെ യും കുഞ്ഞിന്റെയും ഡി.എന്.എ പരിശോധനക്കായി സാമ്പിള് ശേഖരിക്കും. രണ്ട് ദിവസത്തിനകം ഡി.എന്.എ പരിശോധന നടത്തുന്ന രാജീവ് ഗാന്ധി ഇന്സ്റ്റിറ്റ്യൂട്ട് ഫോര് ബയോടെക്നോളജിയില്നിന്ന് ഫലവും വരും.
ഫലം പോസിറ്റിവായാല് ചൈല്ഡ് വെല്ഫെയര് കമ്മിറ്റി കുഞ്ഞിനെ വിട്ടുകൊടുക്കുന്ന നടപടിയിലേക്ക് കടക്കും. ഈ പരിശോധനഫലം കുടുംബകോടതിയെ അറിയിക്കുന്നതുള്പ്പെടെ തുടര്നടപടികള് സ്വീകരിക്കും. കുട്ടിയെ തിരിച്ചുകൊണ്ടുവരാന് ശിശുക്ഷേമസമിതിയെതന്നെ ചുമതലപ്പെടുത്തിയതില് ഉത്കണ്ഠയുണ്ടെന്ന് അനുപമ ബാലാവകാശ കമീഷനും വനിത ശിശുവികസന വകുപ്പ് ഡയറക്ടര്ക്കും പരാതി നല്കിയിരുന്നു.
https://www.facebook.com/Malayalivartha
