പറമ്പിലൂടെ വഴിവെട്ടുന്നതു തടഞ്ഞ യുവതിക്ക് നേരെ അക്രമം അഴിച്ച് വിട്ടു. 35 പേർക്കെതിരെ വധശ്രമത്തിന് കേസെടുത്ത് പോലീസ്. പയ്യോളിയിലാണ് സംഭവം നടന്നത് . യുവതിയെ ആക്രമിച്ചവര്‍ക്കെതിരെ വധശ്രമത്തിന് കേസെടുക്കുത്തു.

നാട്ടുകാരായ അഞ്ചുപേര്‍ക്കും കണ്ടാല്‍ അറിയാവുന്ന 30 പേര്‍ക്കുമെതിരെ പൊലീസ് കേസെടുത്തു. പറമ്പിലൂടെ റോഡ് വെട്ടുന്നത് തടഞ്ഞപ്പോഴായിരുന്നു പയ്യോളി ഇരിങ്ങല്‍ സ്വദേശിനിയായ ലിഷയ്ക്കു നേരെ ആക്രമണമുണ്ടായത്.

ഞായറാഴ്ച പുലര്‍ച്ചെയായിരുന്നു ആക്രമണം നടന്നത്. തലയ്ക്കു ഗുരുതരമായി പരുക്കേറ്റ ലിഷയെ പൊലീസായിരുന്നു ആശുപത്രിയിലെത്തിച്ചത്. വഴിവെട്ടുന്നതിനെ തുടർന്ന് ഏറെ നാളായി തർക്കങ്ങൾ ഉണ്ടായിരുന്നു. കല്ലെറിഞ്ഞും മൺവെട്ടി ഉപയോഗിച്ചുമായിരുന്നു ആക്രമണമെന്നു പൊലീസ് പറഞ്ഞു.യുവതിയുടെ തലയ്ക്കു മുറിവേറ്റു.