വീണ്ടും റെക്കോർഡ് നേട്ടവുമായി എ​ക്​​സ്​​പോ 2020 തിളങ്ങുന്നു. എക്സ്പോ 2020യ്ക്കായി ദു​ബൈ​യി​ലെ​ത്തി​യ​വ​രു​ടെ എ​ണ്ണം 56ല​ക്ഷം പി​ന്നി​ട്ടതായി വ്യക്തമാക്കി അധികൃതർ. അതോടൊപ്പം തന്നെ ധാ​രാ​ളം ആ​ഘോ​ഷ പ​രി​പാ​ടി​ക​ളും ക​രി​മ​രു​ന്ന്​ പ്ര​യോ​ഗ​വും ക​ലാ പ​രി​പാ​ടി​ക​ളും അ​ര​ങ്ങേ​റി​യ ക​ഴി​ഞ്ഞ ആ​ഴ്​​ച മാ​ത്രം എ​ക്​​സ്​​പോ​യി​ല്‍ എ​ത്തി​യ​ത്​ ഒ​മ്പ​തു ല​ക്ഷം പേ​രാ​ണ് എന്നാണ് കണക്കുകൾ ചൂണ്ടിക്കാണിക്കുന്നത്. ദേ​ശീ​യ​ദി​ന​ത്തി​ല്‍ എ​ക്​​സ്​​പോ പ്ര​വേ​ശ​നം പൂ​ര്‍​ണ​മാ​യും സൗ​ജ​ന്യ​മാ​യി​രു​ന്ന​ത്​ നി​ര​വ​ധി​പേ​ര്‍ ഉ​പ​യോ​ഗ​പ്പെ​ടു​ത്തി​യ​താ​ണ്​ സ​ന്ദ​ര്‍​ശ​ക​രു​ടെ എ​ണ്ണം കു​ത്ത​നെ ഉയരാൻ കാ​ര​ണ​മായി മാറി​യ​ത്.

അതേസമയം ഒ​ക്​​ടോ​ബ​ര്‍, ന​വം​ബ​ര്‍ മാ​സ​ങ്ങ​ളി​ല്‍ അ​യ്യാ​യി​ര​ത്തി​ലേ​റെ ലോ​ക നേ​താ​ക്ക​ള്‍ എ​ക്​​സ്​​പോ​യി​ല്‍ എ​ത്തി​യതും മാറ്റ് കൂട്ടുകയായിരുന്നു. വി​വി​ധ രാ​ജ്യ​ങ്ങ​ളു​ടെ പ്ര​സി​ഡ​ന്‍​റു​മാ​ര്‍, പ്ര​ധാ​ന​മ​ന്ത്രി​മാ​ര്‍, മ​ന്ത്രി​മാ​ര്‍ എ​ന്നി​വ​ര്‍ ഇ​തി​ല്‍ ഉ​ള്‍​പ്പെ​ടുന്നുണ്ട്. രണ്ടു മാ​സ​ത്തി​ല്‍ 10,461 പ​രി​പാ​ടി​ക​ളാ​ണ്​ വി​വി​ധ വേ​ദി​ക​ളി​ലാ​യി എ​ക്​​സ്​​പോ​യി​ല്‍ ന​ട​ന്ന​ത്.

എന്നാൽ നി​ല​വി​ല്‍ 10 സ​ന്ദ​ര്‍​ശ​ക​രി​ല്‍ ആ​റു​പേ​രും ഇ​പ്പോ​ള്‍ എ​ക്‌​സ്‌​പോ​യു​ടെ സീ​സ​ണ്‍ പാ​സ് കൈ​വ​ശ​മു​ള്ള​വ​രാ​ണ്. ഒ​ന്നോ ര​ണ്ടോ സ​ന്ദ​ര്‍​ശ​ന​ത്തി​ല്‍ പ്ര​ദ​ര്‍​ശ​ന​ങ്ങ​ള്‍ പൂ​ര്‍​ണ​മാ​യും ക​ണ്ടു​തീ​ര്‍​ക്കാ​ന്‍ സാ​ധി​ക്കാ​ത്ത സാ​ഹ​ച​ര്യ​ത്തി​ലാ​ണ്​ സീ​സ​ണ്‍ പാ​സു​ക​ള്‍ ആ​ളു​ക​ള്‍ സ്വീകരിക്കുന്നത്. ആ​വ​ര്‍​ത്തി​ച്ചു​ള്ള സ​ന്ദ​ര്‍​ശ​ന​ങ്ങ​ളു​ടെ എ​ണ്ണം 12 ല​ക്ഷ​ത്തി​ലെ​ത്തി​യി​ട്ടു​ണ്ട്.

അതേസമയം, യുഎഇയിൽ കോവിഡ് ബാധിതരാകുന്ന രോഗികൾ 50-ൽ താഴെ എത്തി. കഴിഞ്ഞ 24 മണിക്കൂറിനിടെ 48 പേർ കോവി‍ഡ്19 ബാധിതരായതായി അധികൃതർ അറിയിച്ചു. 70 പേർ രോഗമുക്തി നേടുകയും ചെയ്തു ആരോഗ്യ –രോഗപ്രതിരോധ മന്ത്രാലയം അറിയിച്ചു. ഒരു മരണം റിപോർട്ട് ചെയ്തതോടെ മരിച്ചവർ ആകെ 2,149.

കൂടാതെ ആകെ രോഗികൾ–7,42,376. രോഗമുക്തി നേടിയവർ–7,37, 400. ചികിത്സയിലുള്ളവർ–2,827. വിവിധ രാജ്യക്കാരാണ് രോഗബാധിതരെന്നും ഇവർക്ക് മികച്ച ചികിത്സയാണ് നൽകുന്നതെന്നും അധികൃതർ പറഞ്ഞു.