സ്വന്തം വീ​ട്ടു​പ​റ​മ്പി​ലൂ​ടെ അനധികൃമായി റോ​ഡ് വെ​ട്ടാ​നുള്ള ശ്ര​മം ത​ട​ഞ്ഞ യു​വ​തി​യെ മാ​ര​ക​മാ​യി വെ​ട്ടി​പ്പ​രി​ക്കേ​ല്‍​പി​ച്ച സം​ഭ​വ​ത്തി​ല്‍ ര​ണ്ടു പ്ര​തി​ക​ള്‍ കൂ​ടി പി​ടി​യി​ലാ​യി. കൊ​ളാ​വി​പ്പാ​ലം സ്വ​ദേ​ശി​ക​ളാ​യ വി.​കെ. അ​നി​ല്‍​കു​മാ​ര്‍ (50), വ​ട​ക്കേ കൊ​ളാ​വി​യി​ല്‍ ജി​തേ​ഷ് (44) എ​ന്നി​വ​രെ​യാ​ണ് പ​യ്യോ​ളി മു​ന്‍​സി​ഫ് ജു​ഡീ​ഷ്യ​ല്‍ മ​ജി​സ്ട്രേ​റ്റ് കെ. ​മി​ഥു​ന്‍ റോ​യ് റി​മാ​ന്‍​ഡ് ചെ​യ്ത​ത്.

കൊ​ളാ​വി​പ്പാ​ല​ത്തെ കൊ​ളാ​വി​യി​ല്‍ ലി​ഷ​യെ​യാ​ണ് (44) ന​വം​ബ​ര്‍ 28 ന് ​റോ​ഡ് വെ​ട്ടു​ന്ന​ത് ത​ട​ഞ്ഞ സം​ഭ​വ​ത്തി​ല്‍ ത​ല​ക്ക് ആ​ഴ​ത്തി​ല്‍ മ​ണ്‍​വെ​ട്ടി കൊ​ണ്ട് വെ​ട്ടി​പ്പ​രി​ക്കേ​ല്‍​പി​ച്ച​ത്. യു​വ​തി​യു​ടെ വീ​ടി​ന് പൊ​ലീ​സ് സം​ര​ക്ഷ​ണം ഏ​ര്‍​പ്പെ​ടു​ത്താ​ന്‍ കോ​ട​തി ഉ​ത്ത​ര​വ് നി​ല​വി​ലു​ണ്ട് . യു​വ​തി​യു​ടെ പ​റ​മ്പി​ലേ​ക്ക് മ​റ്റു​ള്ള​വ​ര്‍​ക്ക് പ്ര​വേ​ശ​നം വി​ല​ക്കി​യി​ട്ടു​മു​ണ്ട്.

37 പ്ര​തി​ക​ളി​ല്‍ ഏ​ഴ് പ്ര​തി​ക​ളെ ഡി​സം​ബ​ര്‍ 21ന് ​പ​യ്യോ​ളി പൊ​ലീ​സ് അ​റ​സ്റ്റ്​ ചെ​യ്ത് റി​മാ​ന്‍​ഡി​ലാ​ക്കി​യി​രു​ന്നു. പി​ന്നീ​ട് ജ​നു​വ​രി ഒ​ന്നി​ന് പു​ല​ര്‍​ച്ച ര​ണ്ട​ര​ക്ക് യു​വ​തി​യു​ടെ വീ​ടി​ന്‍റെ ജ​ന​ല്‍​ച്ചി​ല്ലു​ക​ള്‍ എ​റി​ഞ്ഞു​ത​ക​ര്‍​ത്തി​രു​ന്നു. മൂ​ന്നു വ​ര്‍​ഷ​മാ​യി വ​ഴി​ത​ര്‍​ക്ക​വു​മാ​യി ബ​ന്ധ​പ്പെ​ട്ട് യു​വ​തി​യും മാ​താ​വും മാ​ത്രം താ​മ​സി​ക്കു​ന്ന വീ​ടി​നു നേ​രെ തു​ട​ര്‍​ച്ച​യാ​യ ആ​ക്ര​മ​ണ​മു​ണ്ടാ​യി​രു​ന്നു.