ഓൺലൈൻ ക്ലാസ്സിനിടയിൽ നഗ്നതാ പ്രദർശനം!! മുഖം മറച്ചായിരുന്നു അജ്ഞാതന്റെ നഗ്നതാ പ്രദര്ശനം: സംഭവത്തിൽ അന്വേഷണത്തിന് ഉത്തരവിട്ട് വിദ്യാഭ്യാസമന്ത്രി
കാഞ്ഞങ്ങാട് ഇഖ്ബാല് ഹയര്സെക്കണ്ടറി സ്കൂളിലെ ഓണ്ലൈന് ക്ലാസിനിടെ അജ്ഞാതന്റെ നഗ്നതാ പ്രദര്ശനം. ഇത് സംബന്ധിച്ച അധ്യാപികയുടെ പരാതിയില് സൈബര് പോലീസ് പ്രതിക്കായി അന്വേഷണം തുടങ്ങി. സംഭവത്തില് അന്വേഷണം നടത്താന് വിദ്യാഭ്യാസ വകുപ്പ് മന്ത്രി വി ശിവന്കുട്ടി നിര്ദേശം നല്കിയിട്ടുണ്ട്.
അധ്യാപിക കണക്ക് ക്ലാസ് എടുക്കുന്നതിനിയെ ഫായിസ് എന്ന ഐ ഡിയില് നിന്നാണ് അശ്ലീല പ്രദര്ശനമുണ്ടായത്. മുഖം മറച്ചാണ് നഗ്നത പ്രദര്ശിപ്പിച്ചയാള് വീഡിയോയില് പ്രത്യക്ഷപ്പെട്ടത്. ഇതോടെ അധ്യാപിക കുട്ടികളോട് ക്ലാസില് നിന്ന് എക്സിറ്റ് ആകാന് വശ്യപ്പെടുകയായിരുന്നു.
ഓണ്ലൈന് ക്ലാസ് ലിങ്ക് ഉപയോഗിച്ച് മറ്റാരെങ്കിലും നുഴഞ്ഞ് കയറിയതാണോ എന്ന സംശയമുണ്ട്. ഫായിസ് എന്ന പേരില് ഇങ്ങനെയൊരു വിദ്യാര്ത്ഥി ക്ലാസില് പഠിക്കുന്നില്ലെന്നാണ് സ്കൂള് അധികൃതര് പറയുന്നത്.അതേസമയം സംഭവത്തില് അന്വേഷണം നടത്താന് വിദ്യാഭ്യാസ മന്ത്രി വി ശിവന്കുട്ടി നിര്ദേശം. നല്കി. ഇക്കാര്യത്തില് അന്വേഷണ റിപ്പോര്ട്ട് സമര്പ്പിക്കാന് പൊതു വിദ്യാഭ്യാസ ഡയറക്ടറെ ചുമതലപ്പെടുത്തിയിട്ടുണ്ട്. സംഭവത്തില് സൈബര് പോലീസും അന്വേഷണം ആരംഭിച്ചിട്ടുണ്ട്.
https://www.facebook.com/Malayalivartha
