ഉമ്മന് ചാണ്ടിക്കെതിരേയുള്ള വി എസ്സിന്റെ അഴിമതി ആരോപണകേസ്... ഉമ്മന് ചാണ്ടിക്ക് അനുകൂല കോടതി വിധി; പത്തുലക്ഷം വി.എസ് നഷ്ടപരിഹാരം നല്കണം; അപ്പീല് നല്കുമെന്ന് വിഎസിന്റെ അഭിഭാഷകന്
സോളറില് ഉമ്മന്ചാണ്ടി അഴിമതി നടത്തിയെന്ന വി.എസിന്റെ പരാമര്ശത്തില് ഉമ്മന് ചാണ്ടിക്ക് അനുകൂലവിധി. ഉമ്മന് ചാണ്ടി സമര്പ്പിച്ച മാനനഷ്ടക്കേസിലാണ് അനുകൂലവിധി. പത്തുലക്ഷത്തി പതിനായിരം രൂപ വി.എസ് നഷ്ടപരിഹാരം നല്കണം. തിരുവനന്തപുരം പ്രിന്സിപ്പല് സബ് കോടതിയുടേതാണ് വിധി. പ്രതിപക്ഷ നേതാവായിരിക്കെ 2013 ജൂലൈയിലാണ് ഉമ്മന് ചാണ്ടിക്കെതിരേയുള്ള വി.എസിന്റെ പരാമര്ശം.അന്ന് മുഖ്യമന്ത്രിയായിരുന്ന ഉമ്മന് ചാണ്ടി ഒരു കമ്ബനി ഉണ്ടാക്കി അഴിമതി നടത്തിയെന്നായിരുന്നു വി.എസിന്റെ ആരോപണം. ഇതിനെതിരെയാണ് ഉമ്മന് ചാണ്ടി മാനനഷ്ടക്കേസ് ഫയല് ചെയ്തത്.
ഉമ്മന് ചാണ്ടി 2014ലാണ് ഹര്ജി നല്കിയത്. തന്നെ സമൂഹത്തിന് മുന്നില് അപകീര്ത്തിപ്പെടുത്താന് ശ്രമിച്ചു എന്ന് ചൂണ്ടിക്കാട്ടിയാണ് ഉമ്മന് ചാണ്ടി കോടതിയെ സമീപിച്ചത്.
കേസിന്റെ ഭാഗമായി ഉമ്മന് ചാണ്ടി കോടതിയില് നേരിട്ടെത്തി മൊഴി നല്കി. വാദത്തിനിടെ വിഎസിന്റെ ആരോപണം തെളിയിക്കാന് സാധിച്ചില്ലെന്ന് ഉമ്മന് ചാണ്ടിയുടെ അഭിഭാഷകന് കോടതിയെ ധരിപ്പിച്ചു. ഇത് അംഗീകരിച്ച് കൊണ്ടാണ് കോടതി വിധി.
ഒരു കോടി രൂപ നഷ്ടപരിഹാരമായി നല്കണമെന്ന് ആവശ്യപ്പെട്ടാണ് ഉമ്മന് ചാണ്ടി കോടതിയില് ഹര്ജി നല്കിയത്. കോടതി ചെലവുകള് കണക്കാക്കിയാണ് പത്തുലക്ഷത്തി പതിനായിരം രൂപ നഷ്ടപരിഹാരമായി നല്കാന് ഉത്തരവിട്ടത്. വിധിക്കെതിരെ ജില്ലാ കോടതിയെ സമീപിക്കുമെന്ന് വിഎസിന്റെ അഭിഭാഷകന് അറിയിച്ചു.
https://www.facebook.com/Malayalivartha
