കോടിക്കണക്കിന് രൂപയുടെ തട്ടിപ്പ് നടത്തിയ എല്‍ഐസി ഏജന്റിനെ 14 വര്‍ഷങ്ങള്‍ക്ക് ശേഷം ഡല്‍ഹിയില്‍ നിന്ന് കണ്ടെത്തി. അഞ്ച് കോടിയോളം രൂപയുടെ തട്ടിപ്പ് നടത്തി മുങ്ങിയ എല്‍ഐസി ഏജന്റ് ആയിരുന്ന കോട്ടയം പാലാ സ്വദേശി പികെ മോഹന്‍ദാസാണ് കുടുങ്ങിയത്.

പാലാ പോലീസാണ് ഇയാളെ പിടികൂടിയത്. പലരില്‍ നിന്നായി ശേഖരിച്ച പോളിസി തുക കൃത്യമായി അടയ്ക്കാതെ സ്വന്തം പേരില്‍ ചിട്ടി കമ്പനിയില്‍ നിക്ഷേപിച്ചാണ് മോഹന്‍ദാസ് തട്ടിപ്പ് നടത്തിയത്. 2008 ഇയാള്‍ പിടിക്കപ്പെട്ടെങ്കിലും ജാമ്യത്തിലിറങ്ങി കുടുംബത്തോടൊപ്പം നാടുവിടുകയായിരുന്നു. ഉത്തരേന്ത്യയിലെ വിവിധ സംസ്ഥാനങ്ങളില്‍ ഒളിവില്‍ കഴിയുകയായിരുന്നു കഴിഞ്ഞ 14 വര്‍ഷമായി മോഹന്‍ദാസ്.