കൊച്ചി - ധനുഷ്‌കോടി ദേശീയപാതയില്‍ ടോറസ് ലോറി നിയന്ത്രണം വിട്ട് കൊക്കയിലേക്ക് മറിഞ്ഞ് ഡ്രൈവര്‍ക്കും ക്ലീനര്‍ക്കും ദാരുണാന്ത്യം. വാളറ കുത്തിനും ചീയപ്പാറയ്ക്കും ഇടയിലാണ് ഇന്നലെ രാത്രി ടോറസ് ലോറി നിയന്ത്രണം വിട്ട് കൊക്കയിലേക്ക് പതിച്ചത്.


നേര്യമംഗലം സ്വദേശികളായ സിജു, സന്തോഷ് എന്നിവരാണ് മരിച്ചത്. അടിമാലിയില്‍നിന്നു കോതമംഗലത്തേക്ക് വരിയായിരുന്ന ലോറി 300 അടി താഴ്ചയിലേക്കാണ് മറിഞ്ഞത്. മണിക്കൂറുകള്‍ നീണ്ടുനിന്ന രക്ഷാപ്രവര്‍ത്തനങ്ങള്‍ക്കൊടുവിലാണ് മൃതദേഹങ്ങള്‍ പുറത്തെടുക്കാനായത്.

ഹൈവേ പോലീസും നാട്ടുകാരും വനപാലകരും ഫയര്‍ഫോഴ്‌സും ചേര്‍ന്നാണ് രക്ഷാപ്രവര്‍ത്തനങ്ങള്‍ നടത്തിയത്. വനമേഖലയായതിനാലും റോഡില്‍നിന്ന് വളരെ അകലെയായതിനാലും രക്ഷാപ്രവര്‍ത്തനം വളരെയേറെ പ്രയാസകരമായിരുന്നു.