ഇന്നത്തോടെ പൊളിച്ചടുക്കും... അന്വേഷണോദ്യോഗസ്ഥരെ കൊലപ്പെടുത്താന് ഗൂഢാലോചന നടത്തിയെന്ന കേസില് നടന് ദിലീപ് ഉള്പ്പെടെ അഞ്ച് പ്രതികളെ തുടര്ച്ചയായി ചോദ്യം ചെയ്തതോടെ നിര്ണായക വിവരങ്ങള് ലഭിച്ചു; സാമ്പത്തിക ഇടപാടുകളടക്കം കേസില് വഴിത്തിരിവാകുന്ന സുപ്രധാന വിവരങ്ങള് ലഭിച്ചതായി സൂചന
കൊച്ചിയില് നടിയെ ആക്രമിച്ച കേസ് വഴിത്തിരിവിലേക്ക് പോകുകയാണ്. ഈ കേസിന്റെ തുടര്ച്ചയായി അന്വേഷണോദ്യോഗസ്ഥരെ കൊലപ്പെടുത്താന് ഗൂഢാലോചന നടത്തിയെന്ന കേസില് നടന് ദിലീപ് ഉള്പ്പെടെ അഞ്ച് പ്രതികളുടെ രണ്ടു ദിവസത്തെ ചോദ്യം ചെയ്യല് പൂര്ത്തിയായപ്പോള് സാമ്പത്തിക ഇടപാടുകളടക്കം കേസില് വഴിത്തിരിവാകുന്ന സുപ്രധാന വിവരങ്ങള് അന്വേഷണ സംഘത്തിന് ലഭിച്ചതായി സൂചന.
മൊഴികളിലെ വൈരുദ്ധ്യം തുടരുന്നതിനാല് ഇന്നത്തെ 11 മണിക്കൂര് (രാവിലെ 9 മുതല് രാത്രി 8വരെ) ചോദ്യം ചെയ്യല് നിര്ണായകമാണ്. ചോദ്യം ചെയ്യല് ഇന്ന് അവസാനിക്കും. ഡിജിറ്റല് തെളിവുകള് പ്രതികളെ കേള്പ്പിക്കുകയും കാണിക്കുകയും ചെയ്തു. ഇന്നലെ വിളിച്ചു വരുത്തിയ രണ്ട് സംവിധായകര് ഉള്പ്പെടെയുള്ളവരുടെ മൊഴിയും നിര്ണായകമാകും. തെളിവുകള് സീല്വച്ച കവറില് 27ന് കോടതിയില് സമര്പ്പിക്കും. വെളിപ്പെടുത്തലുകള് നടത്തിയ സംവിധായകന് ബാലചന്ദ്രകുമാറിനെ ഇന്ന് പ്രതികള്ക്കൊപ്പമിരുത്തി ചോദ്യം ചെയ്യും.
ദിലീപിനെയും സഹോദരന് അനൂപിനെയും സഹോദരീ ഭര്ത്താവ് സുരാജിനെയും ഉച്ചവരെ ഒന്നിച്ചിരുത്തിയാണ് എസ്.പി മോഹനചന്ദ്രന് നായരുടെ നേതൃത്വത്തില് ചോദ്യം ചെയ്തത്. ഉത്തരങ്ങളില് പെരുത്തക്കേടുണ്ടായിരുന്നു. വ്യക്തത വരുത്താന് ഉച്ചയ്ക്കുശേഷം പ്രത്യേകം ചോദ്യം ചെയ്തു. ദിലീപിനെയാണ് കൂടുതല് സമയം ചോദ്യം ചെയ്തത്. സുഹൃത്ത് ബൈജു ചെങ്ങമനാടും മാനേജര് അപ്പുവും മൊഴി പഠിച്ചുപറയുന്നതു പോലെയാണ് തോന്നിയതെന്ന് ക്രൈംബ്രാഞ്ച് ഉദ്യോഗസ്ഥര് പറഞ്ഞു. പ്രതികളിലൊരാള് വധഗൂഢാലോചന സ്ഥിരീകരിച്ചതായി പറയുന്നുണ്ടെങ്കിലും വ്യക്തത ലഭിച്ചിട്ടില്ല.
പുതിയ സാക്ഷി ദിലീപിന്റെ വീട്ടിലെ മുന് ജോലിക്കാരനായ ആലപ്പുഴ പട്ടണക്കാട് സ്വദേശി ദാസന്റെ മൊഴി രേഖപ്പെടുത്തി. ഗൂഢാലോചനയുമായി ബന്ധപ്പെട്ട ഫോണ് സംഭാഷണത്തെക്കുറിച്ചായിരുന്നു മൊഴി. ബാലചന്ദ്രകുമാറിന്റെ വെളിപ്പെടുത്തലുകള്ക്ക് ബലം നല്കുന്നതാണ് ഈ വിവരമെന്നാണ് സൂചന.
അതേസമയം ദിലീപിനോട് ബാലചന്ദ്രകുമാറിന് ദേഷ്യമുള്ളതായി തോന്നിയിട്ടില്ലെന്ന് സംവിധായകന് റാഫി. സിനിമ നടക്കാതെ നീണ്ടു പോകുന്നത് സംബന്ധിച്ച് ചെറിയ മാനസിക വിഷമങ്ങള് ഉണ്ടായിരുന്നെന്നും റാഫി കൂട്ടിച്ചേര്ത്തു. വധഗൂഡാലോചനക്കേസില് ക്രൈം ബ്രാഞ്ചിന് മൊഴി നല്കിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
'പിക്ക് പോക്കറ്റ് എന്ന് പേരിട്ട സിനിമയില് നിന്ന് പിന്മാറുന്നതായി ബാലചന്ദ്രകുമാര് വിളിച്ചു പറയുകയായിരുന്നു. ബാലചന്ദ്രകുമാര് എഴുതിയ തിരക്കഥ ഒന്നുകൂടി മിനുക്കിയെടുക്കാനാണ് എന്നെ ഏല്പ്പിച്ചത്. ദിലീപിനോട് വൈരാഗ്യമുള്ളതായൊന്നും എന്നോട് ബാലചന്ദ്രകുമാര് ഇതുവരെ പറഞ്ഞിട്ടില്ലെന്നും റാഫി വ്യക്തമാക്കി.
നടി ആക്രമിക്കപ്പെട്ട കേസിലെ അന്വേഷണ ഉദ്യോഗസ്ഥരെ കൊല്ലാന് ഗൂഡാലോചന നടത്തിയെന്ന കേസില് ദിലീപ് ഉള്പ്പെടെയുള്ള പ്രതികളെ ചോദ്യം ചെയ്യുന്നത് മൂന്നാം ദിവസമായ ഇന്നും തുടരും. രാത്രി എട്ട് മണിക്ക് ചോദ്യം ചെയ്യല് അവസാനിപ്പിക്കണം എന്നാണ് ഹൈക്കോടതിയുടെ നിര്ദ്ദേശം. ചോദ്യം ചെയ്യലിന്റെ അവസാന ദിവസമായ ഇന്ന് പരാതിക്കാരനായ സംവിധായകന് ബാലചന്ദ്രകുമാറിനെ കൂടി വിളിപ്പിക്കാ!ന് ക്രൈംബ്രാഞ്ച് ഉദ്ദേശിച്ചിരുന്നുവെങ്കിലും ഒഴിവാക്കി. ഇപ്പോഴത്തെ സാഹചര്യത്തില് അതിന്റെ ആവശ്യമില്ലെന്ന് അന്വേഷണ സംഘം വ്യക്തമാക്കി.
നാളെ റിപ്പബ്ലിക് ദിനമായതിനാല് ഹൈക്കോടതി അവധിയാണ്. കേസിന്റെ അന്വഷണപുരോഗതിയും ചോദ്യം ചെയ്യലിന്റെ വിവരങ്ങളും വ്യാഴാഴ്ച അറിയിക്കണമെന്നാണ് ഹൈക്കോടതി നിര്ദ്ദേശം. ഈ റിപ്പോര്ട്ടുകള് കൂടി പരിഗണിച്ച ശേഷമായിരിക്കും പ്രതികളുടെ മുന്കൂര് ജാമ്യാപകേഷയില് കോടതി ഉത്തരവ് പുറപ്പെടുവിക്കുക. ഗൂഡാലോചനയില് കഴമ്പുണ്ടെന്ന് കണ്ടാല് ഹൈക്കോടതി മുന്കൂര് ജാമ്യഹര്ജി തള്ളി വിധി പുറപ്പെടുവിക്കും.
"
https://www.facebook.com/Malayalivartha
