'മുഖ്യമന്ത്രി ശ്രദ്ധിച്ചില്ലെങ്കില്‍ പൊലീസ് ചീത്തപ്പേരുണ്ടാക്കും'; സി.പി.എം സംസ്ഥാന സമ്മേളനത്തില്‍ ആഭ്യന്തര വകുപ്പിനെതിരെ രൂക്ഷവിമര്‍ശനം
സി.പി.എം സംസ്ഥാന സമ്മേളനത്തില്‍ ആഭ്യന്തര വകുപ്പിനെതിരെ രൂക്ഷവിമര്‍ശനം. ചില പൊലീസുകാര്‍ ഇടതുനയത്തിന് വിരുദ്ധമായി പ്രവര്‍ത്തിക്കുന്നു എന്നാണ് വിമര്‍ശനം ഉയര്‍ന്നത്. സംസ്ഥാനത്തെ ക്രമസമാധാന പാലനത്തില്‍ പൊലീസ് ഉദ്യോസ്ഥരില്‍ സീനിയര്‍ ജൂനിയര്‍ ഭേദമന്യേ വീഴ്ചയുണ്ടായി. മുഖ്യമന്ത്രി ശ്രദ്ധിച്ചില്ലെങ്കില്‍ പൊലീസ് ചീത്തപ്പേരുണ്ടാക്കും. പാര്‍ട്ടി പ്രവര്‍ത്തകര്‍ കൊല്ലപ്പെടുമ്ബോള്‍ പൊലീസ് കൊലയാളികള്‍ക്കൊപ്പമാണെന്നും വിമര്‍ശനമുയര്‍ന്നു.
പാര്‍ട്ടി ജനറല്‍ സെക്രട്ടറി സീതാറാം യെച്ചൂരിക്ക് എതിരെയും പൊതു ചര്‍ച്ചയില്‍ വിമര്‍ശനമുയര്‍ന്നു. കോണ്‍ഗ്രസിനെ യെച്ചൂരി തുറന്നെതിര്‍ക്കുന്നില്ല. കേരളത്തിലെ സമ്മേളനത്തില്‍ കോണ്‍ഗ്രസിനെ കുറിച്ച്‌ അദ്ദേഹം മിണ്ടിയില്ല എന്നാണ് കണ്ണൂര്‍, തിരുവനന്തപുരം ജില്ലകളില്‍ നിന്നുള്ള നേതാക്കള്‍ വിമര്‍ശിച്ചത്. ബി.ജെ.പിക്കെതിരെ കൂടുതല്‍ ശക്തമായി പോരാടണമെന്നും സമ്മേളനത്തില്‍ പ്രതിനിദികള്‍ അഭിപ്രായപ്പെട്ടു,
https://www.facebook.com/Malayalivartha
