ഷവര്മ്മ കഴിച്ച പെണ്കുട്ടി ഭക്ഷ്യവിഷബാധയേറ്റ് മരിച്ച സംഭവത്തില് പൊലീസ് അന്വേഷണം ആരംഭിച്ചു.... 31 പേര് വിവിധ ആശുപത്രികളില് ചികിത്സയില്.... കൂള് ബാള് അടച്ചു പൂട്ടി, ഭക്ഷണ സാമ്പിളുകള് പരിശോധനയ്ക്കയച്ചു, ജീവനക്കാരെ പോലീസ് കസ്റ്റഡിയിലെടുത്തു.... സംഭവത്തില് അന്വേഷണം നടത്തി ഉടന് റിപ്പോര്ട്ട് നല്കാന് ഭക്ഷ്യസുരക്ഷാ കമ്മീഷണര്ക്ക് നിര്ദ്ദേശം നല്കി ആരോഗ്യ മന്ത്രി വീണാ ജോര്ജ്, ദേവനന്ദയുടെ വേര്പാട് നാടിനെ കണ്ണീരിലാഴ്ത്തി
ഷവര്മ്മ കഴിച്ച പെണ്കുട്ടി ഭക്ഷ്യവിഷബാധയേറ്റ് മരിച്ച സംഭവത്തില് പൊലീസ് അന്വേഷണം ആരംഭിച്ചു.... 31 പേര് വിവിധ ആശുപത്രികളില് ചികിത്സയില്.... കൂള് ബാള് അടച്ചു പൂട്ടി.
ഭക്ഷണ സാമ്പിളുകള് പരിശോധനയ്ക്കയച്ചു, ജീവനക്കാരെ പോലീസ് കസ്റ്റഡിയിലെടുത്തു.... സംഭവത്തില് അന്വേഷണം നടത്തി ഉടന് റിപ്പോര്ട്ട് നല്കാന് ഭക്ഷ്യസുരക്ഷാ കമ്മീഷണര്ക്ക് നിര്ദ്ദേശം നല്കി ആരോഗ്യ മന്ത്രി വീണാ ജോര്ജ്, ദേവനന്ദയുടെ വേര്പാട് നാടിനെ കണ്ണീരിലാഴ്ത്തി.
കരിവെള്ളൂര് പെരളം പഞ്ചായത്തിലെ മുണ്ടചീറ്റ സ്വദേശി പരേതനായ നാരായണന്-ഇ.വി പ്രസന്ന ദമ്പതികളുടെ ഏക മകള് ദേവനന്ദയാണ് (16) മരണമടഞ്ഞത്. ഛര്ദ്ദിയും പനിയും വയറിളക്കവും ബാധിച്ചതില് ഒരു വിദ്യാര്ത്ഥി ഒഴികെ മറ്റുള്ളവരുടെ അപകടനില തരണം ചെയ്തതായി ആശുപത്രി വൃത്തങ്ങള് .
ചെറുവത്തൂര് ബസ് സ്റ്റാന്ഡിലെ ഐഡിയല് കൂള്ബാറില് നിന്നും വെള്ളിയാഴ്ചയും ശനിയാഴ്ചയുമായി ഷവര്മ്മ കഴിച്ച കുട്ടികള്ക്കാണ് ഭക്ഷ്യവിഷബാധയുണ്ടായത്. ശനിയാഴ്ചയാണ് ദേവനന്ദ ഷവര്മ്മ കഴിച്ചത്. അതേ തുടര്ന്ന് പനിയും വയറിളക്കവും ബാധിച്ച് ചെറുവത്തൂര് വി.വി സ്മാരക ആശുപത്രിയില് ചികിത്സ തേടിയ ദേവനന്ദയെ നില ഗുരുതരമായതിനാല് ഇന്നലെ രാവിലെ കാഞ്ഞങ്ങാട് ജില്ലാ ആശുപത്രിയിലേക്ക് മാറ്റിയിരുന്നു. ഇവിടെയെത്തി മണിക്കൂറുകള്ക്കുള്ളില് ജീവന് നഷ്ടമായി.
കരിവെള്ളൂര് ഗവ.ഹയര് സെക്കന്ഡറി സ്കൂളില് നിന്നും എസ്.എസ്.എല്.സി പൂര്ത്തിയാക്കിയ ദേവനന്ദ പ്ലസ് വണ് ട്യൂഷന് ചേരാനായി ചെറുവത്തൂരിലെ പാരലല് കോളേജിലെത്തിയതായിരുന്നു. കൂട്ടുകാരോടൊപ്പമാണ് കൂള്ബാറില് നിന്ന് ഷവര്മ്മ കഴിച്ചത്. മൃതദേഹം പരിയാരം മെഡിക്കല് കോളേജ് ആശുപത്രിയി മോര്ച്ചറിയിലേക്ക് മാറ്റി.
പോസ്റ്റ്മോര്ട്ടം റിപ്പോര്ട്ട് കിട്ടിയാലെ മരണകാരണമായ വിഷാംശം എന്താണെന്ന് വ്യക്തമാകുകയുള്ളൂ. സംഭവത്തെ തുടര്ന്ന് ഇന്നലെ വൈകിട്ട് അഞ്ചു മണിയോടെ നാട്ടുകാര് കൂള്ബാറിനു മുന്നിലെത്തി പ്രതിഷേധം നടത്തി. കടയുടെ ഗ്ലാസുകള് എറിഞ്ഞുടച്ചു. പൊലീസ് ഇടപെട്ട് സ്ഥിതിഗതികള് നിയന്ത്രണവിധേയമാക്കി.
അതേസമയം പൂട്ടിപെണ്കുട്ടിയുടെ മരണത്തെ തുടര്ന്ന് ചെറുവത്തൂരിലെ ഐഡിയല് കൂള്ബാര് ആരോഗ്യവകുപ്പ് അധികൃതരും പൊലീസും ഭക്ഷ്യസുരക്ഷ അധികൃതരും സ്ഥലത്തെത്തി അടച്ചുപൂട്ടി. ചന്തേര ഇന്സ്പെക്ടര് പി. നാരായണന്റെ നേതൃത്വത്തിലെത്തിയ പൊലീസ് ജീവനക്കാരായ നവാസിനെയും ഷവര്മ്മ ഉണ്ടാക്കിയ നേപ്പാളി സ്വദേശിയെയും കസ്റ്റഡിയിലെടുത്തു. ഇവരെ ചോദ്യം ചെയ്തുവരികയാണ്.
സംഭവത്തില് അന്വേഷണം നടത്തി ഉടന് റിപ്പോര്ട്ട് നല്കാന് ഭക്ഷ്യസുരക്ഷാ കമ്മീഷണര്ക്ക് ആരോഗ്യ മന്ത്രി വീണാ ജോര്ജ് നിര്ദ്ദേശം നല്കി. വിഷബാധയേറ്റവര്ക്ക് വിദഗ്ദ്ധ ചികിത്സ ഉറപ്പാക്കാനായി ജില്ലാമെഡിക്കല് ഓഫീസറോട് നിര്ദ്ദേശിക്കുകയും സ്ഥാപനത്തിനെതിരെ നടപടി സ്വീകരിക്കുമെന്നും മന്ത്രി .
അതേസമയം നാടിനെ നടുക്കിയ ദുരന്തത്തില് പ്രതിഷേധം ഇരമ്പുകയാണ്.
"
https://www.facebook.com/Malayalivartha
