മുന്പില് ദിലീപ് മാതൃക... പുതുമുഖ നടിയെ പീഡിപ്പിച്ചുവെന്ന കേസില് അന്വേഷണം നേരിടുന്ന നടനും നിര്മാതാവുമായ വിജയ് ബാബുവിനെതിരെ നടപടി സ്വീകരിക്കാന് കൂടിയ താര സംഘടനയായ അമ്മയുടെ യോഗത്തില് ഒന്നും സംഭവിച്ചില്ല; ക്ഷീണമുണ്ടാക്കാതെ വിജയ് ബാബുവിന്റെ കത്തില്മേല് കയ്യടിച്ച് പാസാക്കി
ദിലീപിനെ താര സംഘടനയായ അമ്മയില് നിന്നും പുറത്താകാതിരിക്കാന് ചിലര് കളിച്ച അതേ തന്ത്രമാണ് ഇന്നലേയും അമ്മ യോഗത്തില് കണ്ടത്. വിജയ് ബാബുവിനെതിരെ നടപടി സ്വീകരിക്കാന് കൂടിയ താര സംഘടനയായ അമ്മയുടെ യോഗത്തില് വിജയ് ബാബു നല്കിയ കത്ത് കയ്യടിച്ച് പാസാക്കി. നടിയെ പീഡിപ്പിച്ചുവെന്ന കേസില് അന്വേഷണം നേരിടുന്ന നടനും നിര്മാതാവുമായ വിജയ് ബാബു താര സംഘടനയായ 'അമ്മ'യുടെ നിര്വാഹക സമിതിയില് നിന്നു തല്ക്കാലത്തേക്കു മാറി നില്ക്കും.
തന്റെ നിരപരാധിത്വം തെളിയിക്കുന്നതു വരെ മാറി നില്ക്കുന്നതായി കാണിച്ചു വിജയ് ബാബു സമര്പ്പിച്ച കത്ത് അമ്മ നിര്വാഹക സമിതി ചര്ച്ച ചെയ്ത് അംഗീകരിച്ചതായി ജനറല് സെക്രട്ടറി ഇടവേള ബാബു അറിയിച്ചു. തന്റെ പേരില് ഉയര്ന്നുവന്ന ആരോപണങ്ങളുടെ പേരില് സംഘടനയ്ക്ക് അവമതിപ്പ് ഉണ്ടാക്കാന് ആഗ്രഹിക്കാത്തതിനാലാണ് മാറി നില്ക്കുന്നത് എന്നാണു കത്തില് വിജയ് ബാബു പറഞ്ഞിട്ടുള്ളത്.
നടനെതിരെ നടപടി വേണമെന്ന് ശ്വേത മേനോന് ചെയര്പേഴ്സനായ ഇന്റേണല് കംപ്ലെയിന്റ്സ് കമ്മിറ്റി ശുപാര്ശ ചെയ്തിരുന്നു. അമ്മയിലെ എക്സിക്യൂട്ടീവ് കമ്മിറ്റി അംഗമായ വിജയ് ബാബുവിനെ സസ്പെന്ഡ് ചെയ്യുകയോ തരം താഴ്ത്തുകയോ ചെയ്യണമെന്നായിരുന്നു കമ്മിറ്റിയുടെ ആവശ്യം. വിജയ് ബാബു നല്കിയ വിശദീകരണം എക്സിക്യൂട്ടീവ് കമ്മിറ്റി ചര്ച്ച ചെയ്തു. ഇതിന് ശേഷമാണ് കത്തിന്മേല് മാറ്റിനിര്ത്താന് തീരുമാനിച്ചത്.
എക്സിക്യൂട്ടീവ് യോഗത്തിന് മുന്നോടിയായി അമ്മ നേതൃത്വം നിയമവിദഗ്ദ്ധരുമായും ആശയവിനിമയം നടത്തിയിരുന്നു. ഇതിനിടെ ദുബൈയില് ഒളിവിലുള്ള നടനെ തിരിച്ചെത്തിച്ച് അറസ്റ്റ് ചെയ്യാനുള്ള നീക്കം കൊച്ചി സിറ്റി പൊലീസ് ഊര്ജിതമാക്കി. വിജയ് ബാബുവിനെ അറസ്റ്റ് ചെയ്യുന്നതില് ഹൈക്കോടതിയിലെ മുന്കൂര് ജാമ്യാപേക്ഷ തടസ്സമല്ലെന്ന് കൊച്ചി സിറ്റി പൊലീസ് കമ്മീഷണര് സി എച്ച് നാഗരാജു പറഞ്ഞു. അറസ്റ്റ് ചെയ്യാന് ആവശ്യമെങ്കില് വിദേശത്ത് പോകും.
വിജയ് ബാബുവിനെതിരായ പുതിയ മീടൂ ആരോപണത്തില് പരാതി ലഭിച്ചാല് കേസെടുക്കുമെന്നും കൊച്ചി സിറ്റി പൊലീസ് കമ്മീഷണര് അറിയിച്ചു. നടന് വിജയ് ബാബുവിന്റെ മുന്കൂര് ജാമ്യാപേക്ഷ വേനലവധിയ്ക്ക് ശേഷം പരിഗണിക്കാനായി ഹൈക്കോടതി മാറ്റി വച്ചിരിക്കുകയാണ്. കോടതിയില് നിന്ന് പ്രത്യേക നിര്ദ്ദേശമൊന്നും ഇല്ലാത്തതിനാല് അറസ്റ്റിന് തടസ്സമില്ലെന്ന നിഗമനത്തിലാണ് പൊലീസ്. ഈ സാഹചര്യത്തിലാണ് ദുബായിലേക്ക് കടന്ന വിജയ് ബാബുവിനെ തിരിച്ച് കൊണ്ടുവരാന് ആവശ്യമെങ്കില് വിദേശത്ത് പോകാന് പൊലീസ് തീരുമാനിച്ചിരിക്കുന്നത്.
എന്നാല് ദുബായിലേക്ക് പോകാതെ തന്നെ നടനെ തിരിച്ച് എത്തിക്കാനുള്ള ശ്രമങ്ങളും പൊലീസ് നടത്തുന്നുണ്ട്. ഇതിനിടെ വിജയ് ബാബുവിനെതിരായ സമൂഹ മാധ്യമത്തിലൂടെയുള്ള മീ ടൂ ആരോപണത്തില് പരാതിക്കാരിയെ കണ്ടെത്താന് പ്രത്യേക സൈബര് ടീം പരിശോധന തുടങ്ങി. സിനിമാ മേഖലയില് തന്നെയുള്ളയാളാണ് ഫേസ്ബുക്ക് വഴി ആരോപണം ഉന്നയിച്ചതെന്നാണ് കരുതുന്നത്. നടിയുടെ പരാതിയില് കേസെടുക്കാന് വൈകിയെന്ന ആരോപണം പൊലീസ് നിഷേധിച്ചു.
കഴിഞ്ഞ 22നാണ് പരാതി ലഭിച്ചത്. അന്ന് തന്നെ കേസെടുത്ത് അന്വേഷണം തുടങ്ങി. ഇതിന് പിന്നാലെ ഫോണ് ഓഫ് ചെയ്ത് മുങ്ങിയ വിജയ് ബാബു ഗോവ, ബെഗലൂരു വഴി ദുബയിലേക്ക് കടക്കുകയായിരുന്നു. ഒളിവിലുള്ള നടന് കേസിലെ ഇരയെയോ സാക്ഷികളെയോ സ്വാധിനിക്കാന് ശ്രമിച്ചാല് കൂടുതല് കേസുകള് രജിസ്റ്റര് ചെയ്യുമെന്നും പൊലീസ് അറിയിച്ചു.
പുതിയ മീ ടൂ ആരോപണത്തില് പരാതി ലഭിച്ചിട്ടില്ലെന്നും കൊച്ചി സിറ്റി പൊലീസ് കമ്മീഷണര് കൂട്ടിച്ചേര്ത്തു. പുതിയ മീ ടൂ ആരോപണത്തില് കൊച്ചി സിറ്റി പൊലീസ് പരിശോധന തുടങ്ങിട്ടുണ്ട്. വുമണ് എഗന്സ്റ്റ് സെക്ഷ്വല് ഹരാസ്മെന്റ് പേജിലൂടെയാണ് അജ്ഞാതയായ യുവതി രംഗത്തെത്തിയത്. ഇതാരെന്ന് കണ്ടെത്താന് പ്രത്യേക സൈബര് ടീമിനെ നിയോഗിച്ചിട്ടുണ്ട്. പേജിന്റെ അഡ്മിനെ കണ്ട് വിവരങ്ങള് ശേഖരിക്കും. സിനിമാ മേഖലയില് തന്നെയുള്ളയാളാണ് ഫേസ്ബുക്ക് പേജ് വഴി ആരോപണം ഉന്നയിച്ചതെന്നാണ് കരുതുന്നത്. ഈ വ്യക്തിയെ നേരില് കണ്ട് വിവരങ്ങള് ശേഖരിക്കാനും തയ്യാറെങ്കില് പരാതി എഴുതി വാങ്ങാനുമാണ് തീരുമാനം.
"
https://www.facebook.com/Malayalivartha
