ആര്എസ്എസ് നേതാവ് ശ്രീനിവാസിനെ വെട്ടിക്കൊലപ്പെടുത്തിയ സംഭവത്തില് പ്രതിയായ ഫിറോസിന്റെ വീടിന് നേരെ ആക്രമണം, ബൈക്കില് എത്തിയ അജ്ഞാത സംഘമാണ് ആക്രമണം നടത്തിയത്, സംഭവത്തിന്റെ പശ്ചാത്തലത്തില് പ്രദേശത്ത് സുരക്ഷ ശക്തമാക്കി
ആര്എസ്എസ് നേതാവ് ശ്രീനിവാസിനെ വെട്ടിക്കൊലപ്പെടുത്തിയ സംഭവത്തില് പ്രതിയായ ഫിറോസിന്റെ വീടിന് നേരെ ആക്രമണം. കാവില്പ്പാട് സ്വദേശി ഫിറോസിന്റെ വീടിന് നേരെയാണ് ആക്രമണം ഉണ്ടായത്. പുലര്ച്ചെയോടെയായിരുന്നു ആക്രമണം ഉണ്ടായതെന്ന് പോലീസ് പറഞ്ഞു.
ബൈക്കില് എത്തിയ അജ്ഞാത സംഘമാണ് ആക്രമണം നടത്തിയത്. രാത്രി ഫിറോസിന്റെ വീടിന് മുന്പില് എത്തിയ ഇവര് പെട്രോള് നിറച്ച കുപ്പി എറിയുകയായിരുന്നു.
സംഭവത്തില് ഹേമാംബിക നഗര് പോലീസ് കേസ് എടുത്തിട്ടുണ്ട്. സംഭവത്തിന്റെ പശ്ചാത്തലത്തില് പ്രദേശത്ത് സുരക്ഷ ശക്തമാക്കിയിട്ടുണ്ട്.
കഴിഞ്ഞ ആഴ്ചയാണ് ശ്രീനിവാസിനെ കൊലപ്പെടുത്തിയ കേസില് ഫിറോസ് പോലീസിന്റെ പിടിയിലായത്.
ശ്രീനിവാസനെ കൊലപ്പെടുത്തിയ പ്രതികള്ക്ക് ഒളിവില് കഴിയാനും തെളിവ് നശിപ്പിക്കാനും സഹായം ചെയ്തതായി കണ്ടെത്തിയതിനെ തുടര്ന്നായിരുന്നു അറസ്റ്റ്.
അതേസമയം പാലക്കാട് ആര്എസ്എസ് പ്രവര്ത്തകന് ശ്രീനിവാസന് വധക്കേസ് പ്രതി ഫിറോസിന്റെ വീടിന് നേരെ പെട്രോള് നിറച്ച കുപ്പിയെറിഞ്ഞ് ആക്രമണമുണ്ടായതോടെ ഭീതിയിലും ആശങ്കയിലുമാണ് ഫിറോസിന്റെ ഉമ്മ.
'പുലര്ച്ചെ ശബ്ദം കേട്ടാണ് എണീറ്റത്. ചില്ല് കുപ്പികള് പൊട്ടുന്ന ശബ്ദം കേട്ടു. നല്ല ഗന്ധം ഉണ്ടായിരുന്നു. ഉടനെ പൊലീസില് വിവരമറിയിച്ചു. പേടിച്ച് വിറച്ചാണ് ഇരിക്കുന്നത്. വലിയ ആശങ്കയോടെയാണ് ഞാനും ഭര്ത്താവും കഴിയുന്നത്' ഫിറോസിന്റെ ഉമ്മ പറയുന്നു. ഇന്ന് പുലര്ച്ചെ 1.30 ഓടെയാണ് സംഭവം.
ബൈക്കിലെത്തിയ സംഘമാണ് പെട്രോള് നിറച്ച കുപ്പി വീട്ടിലേക്ക് എറിയുന്നത്. പെട്രോള് കുപ്പിക്ക് തീ പിടിക്കാത്തതിനാല് വന് ദുരന്തമാണ് ഒഴിവായത്. വീട്ടില് ഫിറോസിന്റെ മാതാപിതാക്കളടക്കമുള്ളവര് ഉണ്ടായിരുന്നു. രണ്ട് കുപ്പികളാണ് എറിഞ്ഞത്. വീടിന്റെ പരിസരത്തുള്ള സിസിടിവി ക്യാമറകള് അടക്കം പരിശോധിച്ച് നടപടി സ്വീകരിക്കാനാണ് പൊലീസിന്റെ പദ്ധതി.
ശ്രീനിവാസന് വധക്കേസില് അക്രമി സംഘത്തിനൊപ്പം ഉണ്ടായിരുന്ന വ്യക്തിയാണ് ഫിറോസ്. കേസുമായി ബന്ധപ്പെട്ട് ഇതുവരെ 13 പേരുടെ അറസ്റ്റാണ് അന്വേഷണ സംഘം രേഖപ്പെടുത്തിയത്. മുഖ്യ സൂത്രധാരന് ഇതില് ഉള്പ്പെട്ടിട്ടില്ല. ഇയാളെക്കുറിച്ച് കൃത്യമായ സൂചനകള് ലഭിച്ചതായി അന്വേഷണസംഘം വ്യക്തമാക്കുന്നു.
https://www.facebook.com/Malayalivartha