ആക്ടിവിസ്റ്റ് ജസ്ല മാടശ്ശേരിയെ എല്ലാവർക്കും പരിചിതമാണ്. തനിക്കു പറയാനുള്ള കാര്യങ്ങൾ ആരെയും ഭയക്കാതെ പറയുന്ന ഒരു വ്യക്തിയാണ് ജസ്ല. പ്രത്യേകിച്ചും മുസ്ലിം മതത്തെ വളരെയധികം വിമർശിക്കാറുണ്ട്. തന്റെതായ നിലപാടുകളും അഭിപ്രായങ്ങളും കാഴ്ചപ്പാടുകളും തന്നെ ഫേസ്ബുക്ക് കുറിപ്പിലൂടെ ജസ്ല പങ്കുവയ്ക്കാറുണ്ട്.

ഇപ്പോളിതാ അസ്കര്‍അലി ഹുദവി എന്ന മത വിദ്യാർത്ഥി മാറിയ സന്തോഷം ജസ്ല പറഞ്ഞി രിക്കുകയാണ്. ജസ്ല ഫെയ്സ്ബുക്കിൽ പങ്കുവെച്ച കുറുപ്പിന്റെ പൂർണ്ണരൂപം ഇങ്ങനെ; അസ്കര്‍ അലി ഹുദവി എന്ന മത വിദ്യാർത്ഥി. മതം പഠിച്ചു അവൻ നേടിയ പദവി തന്നെയാണ് ഹുദവി. താൻ ഇത്രയും കാലം മറ്റെല്ലാം മാറ്റിവെച്ചു പഠിച്ച മതത്തിലെ പൊട്ടത്തരങ്ങളും മണ്ടത്തരങ്ങളും തിരിച്ചറിഞ്ഞ് അവനാ മതം ഉപേക്ഷിച്ചു. അവൻ മറ്റുള്ളവരെ കൂടി യാഥാർഥ്യങ്ങൾ മനസ്സിലാക്കിക്കാൻ തീരുമാനിച്ചു ...

ഇത് മാത്രമാണ് അവൻ ചെയ്ത കുറ്റം. -എന്നാൽ ലോകത്തിലേറ്റവും വലിയ സമാധാന മതം എന്ന് സ്വയം പറയുന്ന മതത്തിന്റെ ആളുകൾ ഇന്നോവ എടുത്തു അവന്റെ കൊല്ലത്തുള്ള വീട്ടിലെത്തി. അവനെ പൊതിരെ തല്ലി അവന്റെ ഫോണെറിഞ്ഞു പൊട്ടിച്ചു .. എവിടെയാണ് സമാധാനം ...

മതത്തിനു ഗുണ്ടകളെ ഏർപ്പാടാക്കിയത് ആരാണ്‌ ... നമ്മൾ ജീവിക്കുന്നത് ഏതു രാജ്യത്താണ് ..??? വന്നവർ അവന്റെ വായ്മൂടി കെട്ടാം എന്നാണ് കരുതിയത് എങ്കിൽ നിങ്ങൾക്ക് തെറ്റി... അവനിതാ ഉറച്ച ശബ്ദത്തിൽ സംസാരിക്കുന്നു . മതമല്ല മതമല്ല മതമല്ല .. വേണ്ടത് .. മനുഷ്യനാകാൻ മനുഷ്യനെ പോലെ ചിന്തിക്കണം എന്ന്.