പി.​സി. ജോ​ര്‍​ജി​നെ വേ​ട്ട​യാ​ടി മൂ​ല​യ്ക്കി​രു​ത്താ​മെ​ന്ന് വി​ചാ​രി​ക്കേ​ണ്ടെ​ന്ന് ബി​ജെ​പി സം​സ്ഥാ​ന അ​ധ്യ​ക്ഷ​ന്‍ കെ. സു​രേ​ന്ദ്ര​ന്‍ പറഞ്ഞു. അദ്ദേഹത്തിന് ജ​നാ​ധി​പ​ത്യ സം​ര​ക്ഷ​ണം ന​ല്‍​കും. പി.​സി. ജോ​ര്‍​ജി​ന്‍റെ പ്ര​സം​ഗം വ​ലി​യ അ​പ​രാ​ധ​മാ​ണെ​ങ്കി​ല്‍ പി.​സി​യെ​ക്കാ​ള്‍ മ്ലേ​ച്ച​മാ​യി സം​സാ​രി​ച്ച​വ​ര്‍​ക്കെ​തി​രെ എ​ന്തു​കൊ​ണ്ട് ന​ട​പ​ടി​യെ​ടു​ക്കു​ന്നി​ല്ലെ​ന്നും അ​ദ്ദേ​ഹം ചോ​ദി​ച്ചു.

ഹി​ന്ദു​ക്ക​ളെ ഭി​ന്നി​പ്പി​ക്കു​മെ​ന്ന് പ​റ​ഞ്ഞ ഫ​സ​ല്‍ ഗ​ഫൂ​റി​നെ​തി​രെ എ​ന്ത് ന​ട​പ​ടി​യാ​ണ് സ്വീ​ക​രി​ക്കു​ന്ന​ത്. പോ​പ്പു​ല​ര്‍ ഫ്ര​ണ്ട് ഓ​ഫ് ഇ​ന്ത്യ പാ​ലാ ബി​ഷ​പ്പി​നെ​തി​രെ തി​രി​ഞ്ഞ​പ്പോ​ഴും യാ​തൊ​രു ന​ട​പ​ടി​യു​മു​ണ്ടാ​യി​ല്ലെ​ന്നും ബി​ജെ​പി പ്ര​വ​ര്‍​ത്ത​ക​ര്‍ മാ​ത്ര​മാ​ണ് അ​ദ്ദേ​ഹ​ത്തെ സം​ര​ക്ഷി​ക്കാ​നെ​ത്തി​യ​തെ​ന്നും സു​രേ​ന്ദ്ര​ന്‍ കൂ​ട്ടി​ച്ചേ​ര്‍​ത്തു.

അതേസമയം പാലാരിവട്ടം വെണ്ണലയില്‍ നടത്തിയ വിദ്വേഷ പ്രസംഗത്തില്‍ എറണാകുളം അഡീഷണല്‍ സെഷന്‍സ് കോടതി രാവിലെ പി.സി ജോര്‍ജിന്റെ മുന്‍കൂര്‍ ജാമ്യാപേക്ഷ തള്ളിയ പിന്നാലെ അദ്ദേഹം ഒളിവിൽ പോയതായാണ് സൂചന. ഈരാറ്റുപേട്ടയിലെ വീട്ടില്‍ തൃക്കാക്കര എ.സി.പിയുടെ നേതൃത്വത്തിലുള്ള പോലീസ് സംഘമെത്തിയപ്പോൾ തിരഞ്ഞിരുന്നെങ്കിലും കണ്ടെത്താനായിരുന്നില്ല. മുൻകൂർ ജാമ്യാപേക്ഷ തള്ളിയതോടെയാണ് അറസ്റ്റ് ചെയ്യുന്നതിനായി പൊലീസ് ശ്രമം തുടങ്ങിയത്.

മുൻകൂർ വിവരമറിഞ്ഞ പി സി ജോര്‍ജ് ഈരാട്ടുപേട്ടയിലെ വീട്ടില്‍ നിന്ന് പോയതെന്ന് പൊലീസിന് വിവരം കിട്ടിയിട്ടുണ്ട്. വീട്ടിലെ സിസി ടിവി പൊലീസ് പരിശോധിച്ചിരുന്നു. വീട്ടുകാരെ ചോദ്യം ചെയ്തെങ്കിലും പി.സി ജോര്‍ജ് എവിടെയെന്ന് അറിയില്ലെന്ന മറുപടിയാണ് കിട്ടിയത്. പോലീസ് പിസിയുടെ വീട്ടിലെത്തിയത് അറിഞ്ഞ് നാട്ടുകാരും റോഡിൽ തടിച്ചുകൂടി.

പി.സി ജോര്‍ജ് പോകാൻ ഇടയുള്ള സ്ഥലങ്ങളില്‍ ഇന്നും തിരച്ചില്‍ തുടരും.എറണാംകുളത്തിനും കോട്ടയത്തിനും പുറമേ തിരുവനന്തപുരത്തുമടക്കം തിരച്ചില്‍ തുടരാനാണ് കൊച്ചി സിറ്റി പൊലീസിന്‍റെ തീരുമാനം. മുൻകൂര്‍ ജാമ്യാപേക്ഷ തള്ളിയ എറണാകുളം ജില്ലാ സെഷൻസ് കോടതി ഉത്തരവിനെതിരെ നാളെ പി സി ജോർജ് ഹൈക്കോടതിയെ സമീപിച്ചേക്കും.‌