സർക്കാർ കോടികൾ ചെലവഴിച്ച് വികസിപ്പിക്കുന്ന കോന്നി–പ്ലാച്ചേരി റോഡിൽ വാഹന പാർക്കിങ്ങിന് ഏറ്റെടുത്ത സ്ഥലം കാണാനില്ല. ലഭ്യമാകുന്ന റിപ്പോർട്ടുകൾ അനുസരിച്ച് 2 സ്ഥലങ്ങളിൽ പാർക്കിങ് സംവിധാനം ക്രമീകരിക്കുമെന്ന എസ്റ്റിമേറ്റിലെ പദ്ധതിയാണ് റോഡ് വികസനം അവസാനഘട്ടത്തിലെത്തിയിട്ടും യാഥാർഥ്യമാകാതെപോയത്. അതായത് പാർക്കിങ് ഏരിയ ശുപാർശ ചെയ്തിരുന്നത് റാന്നി, മന്ദമരുതി എന്നിവിടങ്ങളിലാണ്.

അതോടൊപ്പം തന്നെ പുനലൂർ നിന്ന് 53.940 കിലോമീറ്ററിലാണ് റാന്നിയിൽ പാർക്കിങ് മേഖല കാണിച്ചിട്ടുള്ളത്. ഇത് ഇട്ടിയപ്പാറ മിനർവപടി മാവേലി സൂപ്പർ മാർക്കറ്റിനു സമീപമാണ് ഉള്ളത്. അടുത്ത പാർക്കിങ് മേഖല 57–ാം കിലോമീറ്റർ കഴിഞ്ഞാണ് ഉള്ളത്. മന്ദമരുതി ആശുപത്രിപടിക്കും പള്ളിപടിക്കും മധ്യേയാണിത്. ഇട്ടിയപ്പാറയിൽ 50 മീറ്റർ നീളത്തിലും 7 മീറ്റർ വീതിയിലും പാർക്കിങ് ക്രമീകരിക്കുമെന്നാണ് പറഞ്ഞിരുന്നത്.

കൂടാതെ 350 ചതുരശ്ര മീറ്റർ വിസ്തൃതിയിൽ ഓട്ടോറിക്ഷ, ജീപ്പ് എന്നിവയ്ക്കാണ് പാർക്കിങ് സൗകര്യം നിർദേശിച്ചിരിക്കുകയാണ്. മന്ദമരുതിയിൽ 30 മീറ്റർ നീളത്തിലും 8 മീറ്റർ വീതിയിലുമാണ് പാർക്കിങ് ശുപാർശ എന്നത്. 240 ചതുരശ്ര മീറ്റർ വീതിയിൽ വാനുകൾക്ക് പാർക്കിങ് സൗകര്യം ഒരുക്കുമെന്നാണ് എസ്റ്റിമേറ്റിൽ ഉള്ളത്. രണ്ടിടത്തും പാർക്കിങ് സംവിധാനം ഒരുക്കിയിട്ടില്ല.മന്ദമരുതിയിൽ നിശ്ചിത സ്ഥലത്ത് ഒരു ബൈക്ക് പാർക്ക് ചെയ്യാനുള്ള സ്ഥലമാണ് നൽകിയിട്ടുള്ളത്.

അതേസമയം ഇട്ടിയപ്പാറ മിനർവപടിയിൽ അതുമില്ല. വശത്ത് ഓടയാണ്. ഇരു സ്ഥലത്തും റോഡ് പണി ഏറെക്കുറെ പൂർണമായി. എന്നാൽ പാർക്കിങ് സംവിധാനം എവിടെയെന്ന ചോദ്യത്തിന് മറുപടി നൽകാൻ ബന്ധപ്പെട്ടവരാരും തന്നെ ഇതുവരെ തയാറായിട്ടില്ല. ഇതുമൂലം വാഹനങ്ങളെല്ലാം റോഡിന്റെ വശങ്ങളിലാണ് പാർക്കിങ് നടത്തുന്നത്. ഇത് ഗതാഗത കുരുക്കിനും കാരണമായി മാറിയിട്ടുണ്ട്.