ഒരു വര്‍ഷത്തിലേറെയായി കോഴിക്കോട് മലയമ്മപുത്തൂര്‍ റോഡിന് വശത്തെ കലുങ്കിന് സമീപം റോഡ് തകര്‍ന്നിട്ട്. ആളുകള്‍ അപകടത്തില്‍ പെടുന്നത് ഒഴിവാക്കാന്‍ നാട്ടുകാര്‍ ഇവിടെ ഒരു വാഴ വച്ചു. ആറ് മാസം മുന്‍പായിരുന്നു അത്. ആറ് മാസം കൊണ്ട് റോഡ് കൂടുതല്‍ അപകടത്തിലായതല്ലാതെ പരിഹാരമൊന്നും ഉണ്ടായില്ല. ഇതിനിടെ വാഴ കുലയ്ക്കുകയും ചെയ്തു.

ഒരുവര്‍ഷം മുന്‍പ് പിഡബ്‌ളുഡിയില്‍ പരാതിപ്പെട്ടെങ്കിലും പരിഹാരമൊന്നുമുണ്ടായില്ലെന്നാണ് നാട്ടുകാര്‍ പറയുന്നത്. ഇനി ഞാലിപ്പൂവന്‍ വാഴക്കുലയുമായി പൊതുമരാമത്ത് വകുപ്പ് ഓഫീസിന് മുന്നില്‍ പ്രതിഷേധിക്കാനാണ് നാട്ടുകാരില്‍ ചിലരുടെ തീരുമാനം.