പ്രിയ സഖാവേ ലാല്സലാം.... മുന് സംസ്ഥാന സെക്രട്ടറിയും പോളിറ്റ്ബ്യൂറോ അംഗവും മുന് ആഭ്യന്തര, ടൂറിസം മന്ത്രിയുമായ കോടിയേരി ബാലകൃഷ്ണന്റെ മൃതദേഹം ഇന്ന് എയര് ആംബുലന്സില് കണ്ണൂര് വിമാനത്താവളത്തിലെത്തിച്ചശേഷം തലശേരിയിലേക്ക് കൊണ്ടുപോകും, സംസ്കാരം നാളെ മൂന്നിന് പയ്യാമ്പലത്ത്
പ്രിയ സഖാവേ ലാല്സലാം.... മുന് സംസ്ഥാന സെക്രട്ടറിയും പോളിറ്റ്ബ്യൂറോ അംഗവും മുന് ആഭ്യന്തര, ടൂറിസം മന്ത്രിയുമായ കോടിയേരി ബാലകൃഷ്ണന്റെ മൃതദേഹം ഇന്ന് എയര് ആംബുലന്സില് കണ്ണൂര് വിമാനത്താവളത്തിലെത്തിച്ചശേഷം തലശേരിയിലേക്ക് കൊണ്ടുപോകും, സംസ്കാരം നാളെ മൂന്നിന് പയ്യാമ്പലത്ത്
അര്ബുദത്തിന് ചികിത്സയിലായിരുന്നു അദ്ദേഹം. ചെന്നൈ അപ്പോളോ ആശുപത്രിയില് ഇന്നലെ രാത്രി എട്ടിനായിരുന്നു അന്ത്യം.
ഇന്ന് തലശേരി ടൗണ് ഹാളില് പൊതുദര്ശനം. രാത്രിയോടെ കോടിയേരിയിലെ മാടപ്പീടികയിലെ വസതിയിലെത്തിക്കും.
നാളെ രാവിലെ പത്തുവരെ അവിടെ പൊതുദര്ശനം. 11 മണി മുതല് കണ്ണൂര് ജില്ലാ കമ്മിറ്റി ഓഫീസില് പൊതുദര്ശനം.സംസ്കാരം വൈകിട്ട് മൂന്നിന് പയ്യാമ്പലത്ത് നടത്തും.
മാഹി, തലശേരി, ധര്മ്മടം, കണ്ണൂര് മണ്ഡലങ്ങളില് ആദരസൂചകമായി നാളെ ഹര്ത്താല് ആചരിക്കും. മരണസമയത്ത് ഭാര്യ എസ്.ആര്. വിനോദിനിയും മക്കളായ ബിനോയിയും ബിനീഷും സമീപത്തുണ്ടായിരുന്നു.
കണ്ണൂരിലെ കല്ലറ തലായി എല്.പി സ്കൂള് റിട്ടയേഡ് അദ്ധ്യാപകന് പരേതനായ കോടിയേരി മൊട്ടമ്മല് കുഞ്ഞുണ്ണിക്കുറുപ്പിന്റെയും പരേതയായ നാരായണിയമ്മയുടെയും മകനാണ്.
ഒരു മാസം മുമ്പാണ് അപ്പോളോ ആശുപത്രിയില് പ്രവേശിപ്പിച്ചത്. ശസ്ത്രക്രിയയ്ക്ക് ശേഷം ആരോഗ്യനില മാറ്റമില്ലാതെ തുടരുകയായിരുന്നു. ഇന്നലെ ഉച്ചയോടെ അതീവഗുരുതരമായി വെന്റിലേറ്ററിലായി. സി.പി.എം സംസ്ഥാന സെക്രട്ടറി എം.വി. ഗോവിന്ദന് രാത്രിയോടെ ആശുപത്രിയിലെത്തിയിട്ടുണ്ടായിരുന്നു. ഇന്നലെ രാത്രി വിദേശയാത്രയ്ക്ക് പുറപ്പെടാനിരുന്ന മുഖ്യമന്ത്രി പിണറായി വിജയനും അത് റദ്ദാക്കി.
സി.പി.എം സംസ്ഥാനത്തെ ഇന്നത്തെ എല്ലാ പാര്ട്ടി പരിപാടികളും റദ്ദാക്കി.ആരോഗ്യനില മോശമായതിനാല് ആഗസ്റ്റ് 29നാണ് സംസ്ഥാനസെക്രട്ടറി പദം ഒഴിഞ്ഞ് പകരം എം.വി. ഗോവിന്ദനെ സെക്രട്ടറിയായി തിരഞ്ഞെടുത്തത്.
തൊട്ടടുത്ത ദിവസം തന്നെ കോടിയേരിയെ എയര് ആംബുലന്സില് അപ്പോളോ ആശുപത്രിയില് എത്തിച്ചു. കൊച്ചിയില് കഴിഞ്ഞ മാര്ച്ചില് ചേര്ന്ന സംസ്ഥാന സമ്മേളനത്തിലാണ് തുടര്ച്ചയായ മൂന്നാം തവണയും സി.പി.എം സംസ്ഥാന സെക്രട്ടറിയായത്.അതിന് മുമ്പ് ആരോഗ്യകാരണങ്ങളാല് ഒരു വര്ഷത്തോളം സെക്രട്ടറിസ്ഥാനത്ത് നിന്ന് അവധിയെടുത്തിരുന്നു. അന്ന് കേന്ദ്രകമ്മിറ്റിയംഗവും ഇപ്പോള് പോളിറ്റ്ബ്യൂറോ അംഗവുമായ എ. വിജയരാഘവനാണ് താല്ക്കാലിക ചുമതല നല്കിയത്.
സി.പി.എം പാര്ട്ടി കോണ്ഗ്രസിന് മുന്നോടിയായുള്ള ജില്ലാസമ്മേളനങ്ങളിലേക്ക് കടക്കവേ 2021 നവംബറിലാണ് സെക്രട്ടറി പദം വീണ്ടും ഏറ്റെടുത്തത്.
https://www.facebook.com/Malayalivartha
