പ്രിയ സഖാവിന് വിട ചൊല്ലി ജന്മനാട്; കണ്ണൂരില് നാലിടത്ത് ഇന്ന് ഹര്ത്താല് ; മുന് മുഖ്യമന്ത്രി ഇ കെ നായനാരുടെയും മുന് സംസ്ഥാന സെക്രട്ടറി ചടയന് ഗോവിന്ദന്റെയും കുടീരങ്ങള്ക്ക് നടുവിലായാണ് കോടിയേരിയുടെ സംസ്കാരം
സിപിഎം പോളിറ്റ്ബ്യൂറോ അംഗവും മുന് സംസ്ഥാന സെക്രട്ടറിയുമായ കോടിയേരി ബാലകൃഷ്ണന്റെ വിയോഗത്തിൽ നെഞ്ചുപൊട്ടി കേരളം. അന്തരിച്ച കോടിയേരി ബാലകൃഷ്ണന്റെ സംസ്കാരം നടക്കുന്ന ഇന്ന് ആദരസൂചകമായി നാലിടത്ത് ഹര്ത്താല് ആചരിക്കും. ഇതിന്റെ ഭാഗമായി കണ്ണൂര്, തലശ്ശേരി, ധര്മ്മടം മണ്ഡലങ്ങളിലും, മാഹിയിലുമാണ് ഹര്ത്താല് ആചരിക്കുക.
എന്നാൽ വാഹനങ്ങളേയും ഹോട്ടലുകളേയും ഹര്ത്താല് ബാധിക്കില്ല. ഇന്നു വൈകീട്ട് മൂന്നുമണിയ്ക്ക് പയ്യാമ്പലത്ത് ഔദ്യോഗിക ബഹുമതികളോടെയാണ് കോടിയേരി ബാലകൃഷ്ണന്റെ സംസ്കാരം നടക്കുന്നത്.
അതേസമയം മുന് മുഖ്യമന്ത്രി ഇ കെ നായനാരുടെയും മുന് സംസ്ഥാന സെക്രട്ടറി ചടയന് ഗോവിന്ദന്റെയും കുടീരങ്ങള്ക്ക് നടുവിലായാണ് കോടിയേരിയുടെ സംസ്കാരം നടക്കുക. ഇവിടെ സ്മൃതിമണ്ഡപവും പണിയും.
ഇന്ന് നടക്കുന്ന സംസ്കാര ചടങ്ങുകളിൽ പങ്കെടുക്കാൻ സിപിഎം ജനറൽ സെക്രട്ടറി സീതാറാം യെച്ചൂരിയും പിബി അംഗങ്ങളും കണ്ണൂരിലെത്തും. പിന്നാലെ സംസ്കാരത്തിന് ശേഷം നടക്കുന്ന അനുശോചനയോഗത്തിൽ സീതാറാം യെച്ചൂരി, പ്രകാശ് കാരാട്ട്, പിണറായി വിജയൻ, പാർട്ടി സംസ്ഥാന സെക്രട്ടറി എം വി ഗോവിന്ദൻ ഉൾപ്പെടെയുള്ള നേതാക്കൾ പങ്കെടുക്കും.
https://www.facebook.com/Malayalivartha
