സംസ്ഥാനത്ത് ശനിയാഴ്ച വരെ ഒറ്റപ്പെട്ട ശക്തമായ മഴയ്ക്ക് സാധ്യത....ആന്ധ്രാ ഒഡീഷ തീരത്തുള്ള ചക്രവാതച്ചുഴി ന്യൂനമര്ദ്ദമായി....വടക്കന് ജില്ലകളിലെ മലയോര മേഖലകളിലും മഴയ്ക്ക് സാധ്യത
04 OCTOBER 2022 06:56 AM IST
മലയാളി വാര്ത്ത
മദ്ധ്യ പടിഞ്ഞാറന് ബംഗാള് ഉള്ക്കടലില് ന്യൂനമര്ദ്ദം രൂപപ്പെട്ടതിനാല് സംസ്ഥാനത്ത് ശനിയാഴ്ച വരെ ഒറ്റപ്പെട്ട ശക്തമായ മഴ ലഭിക്കും. ആന്ധ്രാ ഒഡീഷ തീരത്തുള്ള ചക്രവാതച്ചുഴിയാണ് ന്യൂനമര്ദ്ദമായത്. ഇതിന്റെ സ്വാധീനത്തില് കേരളത്തിന്റെ കിഴക്കന് മേഖലകളില് മഴയ്ക്ക് സാദ്ധ്യതയെന്നാണ് മുന്നറിയിപ്പ്.
വടക്കന് ജില്ലകളിലെ മലയോര മേഖലകളിലും മഴയ്ക്ക് സാദ്ധ്യതയുണ്ട്. അതിശക്ത മഴയ്ക്ക് സാദ്ധ്യതയില്ലാത്തതിനാല് അലര്ട്ട് പ്രഖ്യാപിച്ചിട്ടില്ല.
വടക്ക് ആന്ധ്രാപ്രദേശ് തീരം,അതിനോട് ചേര്ന്നുള്ള മദ്ധ്യ പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 40 മുതല് 45 കിലോമീറ്റര് വരെ വേഗതയില് ശക്തമായ കാറ്റിന് സാദ്ധ്യതയുള്ളതിനാല് മത്സ്യബന്ധനത്തിന് വിലക്ക്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
