യൂറോപ്യൻ പര്യടനം കഴിഞ്ഞ് മുഖ്യമന്ത്രി പിണറായി വിജയനും സംഘവും കേരളത്തിൽ തിരിച്ചെത്തിയതു മുതൽ തലവേദന തുടരുകയാണ്. അങ്ങനെ തീരാത്ത വിവാദങ്ങളും വാഗ്‌വാദങ്ങളും തുടരുകയാണ്. ഗവർണറുടെ പ്രഹരം ഒരു വശത്ത് മുറുകുമ്പോൾ മറുവശത്ത് പിടിവിടാതെ മറ്റു നേതാക്കളും. ഇപ്പോഴിതാ മുഖ്യമന്ത്രിയുടെ വിദേശ യാത്രയ്‌ക്കെതിരെ രൂക്ഷവിമര്‍ശനവുമായി കേന്ദ്ര സഹമന്ത്രി വി മുരളീധരന്‍ രംഗത്ത് എത്തിയിരിക്കുകയാണ്.

വികസനം കണ്ടുപഠിക്കാന്‍ ലോകം ചുറ്റേണ്ട ആവശ്യമില്ലെന്ന് വി മുരളീധരന്‍ പറയുകയുണ്ടായി. ഇനി വികസനം ലോകം ചുറ്റി കണ്ട് മനസിലാക്കണമെങ്കില്‍ മുഖ്യമന്ത്രി സന്തോഷ് ജോര്‍ജ് കുളങ്ങരയുടെ യാത്രാവിവരണ പരിപാടി കാണട്ടെയെന്ന് കേന്ദ്രവിദേശകാര്യസഹമന്ത്രി മുരളീധരന്‍ പരിഹസിക്കുകയും ചെയ്തു. കൊച്ചിയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

ഇങ്ങനെ വികസനം കണ്ട് പഠിക്കാന്‍ മുഖ്യമന്ത്രി ലോകം ചുറ്റേണ്ടതില്ലെന്ന് കേന്ദ്രമന്ത്രി വി.മുരളീധരന്‍ വ്യക്തമാക്കി. സാങ്കേതിക വിദ്യ ഏറെ വികസിച്ച ഈ കാലത്ത് ഏത് വികസന പദ്ധതികളും കേരളത്തിലിരുന്ന് മനസിലാക്കാവുന്നതാണ്. ഇനി കണ്ട് മനസിലാക്കാനാണ് വിദേശയാത്രകള്‍ എങ്കില്‍ മുഖ്യമന്ത്രി സന്തോഷ് ജോര്‍ജ് കുളങ്ങരയുടെ യാത്രാവിവരണ പരിപാടി കാണട്ടെയെന്ന് കേന്ദ്രവിദേശകാര്യസഹമന്ത്രി മുരളീധരന്‍ ചൂണ്ടിക്കാണിച്ചു.

അതായത് ജനങ്ങളുടെ നികുതിപ്പണം ഉപയോഗിച്ച് നാടിന് ഉപകാരപ്രദമല്ലാത്ത കുടുംബയാത്രകള്‍ എന്തിനെന്നും കേന്ദ്രമന്ത്രി കൊച്ചിയില്‍ ചോദിക്കുകയുണ്ടായി. തൊടുന്യായം പറഞ്ഞുള്ള ലോകയാത്രകള്‍ ജനം വിലയിരുത്തും. ആറുവര്‍ഷത്തെ ഇടതുഭരണം കൊണ്ട് കേരളം ഏറെ പിന്നോട്ടുപോയെന്നും മന്ത്രി വ്യക്തമാക്കി. സിപിഎം നേതാക്കള്‍ നരബലി നടത്തി മനുഷ്യമാംസം കഴിക്കുന്നു, പ്രതിപക്ഷ എംഎല്‍എ പീഡനം നടത്തി ഒളിവില്‍ പോകുന്നു തുടങ്ങി കേട്ടുകേള്‍വില്ലാത്ത കാര്യങ്ങളാണ് സംസ്ഥാനത്ത് ഉണ്ടാകുന്നതെന്നും മന്ത്രി പ്രതികരിക്കുകയുണ്ടായി.

അതേസമയം തെരഞ്ഞെടുപ്പ് നടത്തി എന്ന് വരുത്തിത്തീര്‍ക്കാന്‍ വേണ്ടി മാത്രമാണ് കോണ്‍ഗ്രസിലെ അധ്യക്ഷ തെരഞ്ഞെടുപ്പെന്നും കേന്ദ്രമന്ത്രി വ്യക്തമാക്കി. സുരേഷ് ഗോപി ബിജെപിയുടെ കോര്‍ കമ്മിറ്റിയിലേക്ക് വരുന്നത് ഗുണം ചെയ്യുമെന്നാണ് മുരളീധരന്‍ പറഞ്ഞത്. കഴിഞ്ഞ ആറു വര്‍ഷത്തേക്ക് കേരളത്തില്‍ നിന്ന് രാജ്യസഭയിലേക്ക് ബിജെപി നാമനിര്‍ദേശം ചെയ്ത ഏക വ്യക്തിയാണ് സുരേഷ് ഗോപി. സുരേഷ് ഗോപിക്ക് പാര്‍ട്ടിയോടുള്ള പ്രതിബദ്ധതയില്‍ ആര്‍ക്കും സംശയം വേണ്ടെന്നും കേന്ദ്രമന്ത്രി ചൂണ്ടിക്കാണിക്കുകയുണ്ടായി.