പത്തനംത്തിട്ടയിൽ പ്രായപൂര്ത്തിയാകാത്ത ഫേസ്ബുക്ക് സുഹൃത്തിനെ പീഡിപ്പിച്ച കേസിൽ ജയിലിലായി; പുറത്തിറങ്ങി ഇൻസ്റ്റാഗ്രാം സുഹൃത്തിനെയും പീഡിപ്പിച്ചു; യുവാവ് അറസ്റ്റിൽ
പത്തനംത്തിട്ട പീഡനക്കേസ് പ്രതി വീണ്ടും ഇതേ കേസിൽ പിടിയിൽ. പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസിലെ പ്രതിയാണ് വീണ്ടും ഇതേ കുറ്റത്തിന് പിടിയിലായിരിക്കുന്നത്. സംഭവത്തിൽ കായംകുളം കാര്ത്തികപ്പള്ളി പെരിങ്ങാല കരിമുട്ടം കോട്ടൂര് പടിഞ്ഞാറ്റേതില് കണ്ണന് എന്നുവിളിക്കുന്ന ലാലു കൃഷ്ണന് (23) ആണ് പന്തളം പൊലീസിന്റെ പിടിയിലായത്.
ഇയാൾ നേരത്തെ ഫേസ്ബുക്ക് വഴി പരിചയപ്പെട്ട പെണ്കുട്ടിയെ ലൈംഗികമായി പീഡിപ്പിച്ചെന്ന കേസില് നാലുമാസം റിമാന്ഡിലായിരുന്നു. എന്നാൽ പതിനേഴുകാരിയെ ഇന്സ്റ്റാഗ്രാം വഴി പരിചയപ്പെട്ട് പീഡിപ്പിച്ചതിനാണ് വീണ്ടും അറസ്റ്റിലായത്. ഇക്കഴിഞ്ഞ ഒക്ടോബര് 11ന് രാവിലെ പെണ്കുട്ടിയെ വീട്ടില്നിന്ന് കാണാതായെന്ന് അമ്മ പന്തളം പോലീസില് പരാതി നല്കിയിരുന്നു.
ഇതോടെ സൈബര് സെല്ലിന്റെ സഹായത്തോടെ പെണ്കുട്ടിയുടെ മൊബൈല് ഫോണ് കേന്ദ്രീകരിച്ച് നടത്തിയ അന്വേഷണത്തില് യുവാവിന്റെ വീട്ടില്നിന്ന് പെണ്കുട്ടിയെ കണ്ടെത്തിയിരുന്നു. സംഭവത്തിനു പിന്നാലെ പന്തളം എസ് എച്ച് ഒ എസ് ശ്രീകുമാറിന്റെ നേതൃത്വത്തിലായിരുന്നു അന്വേഷണം. അന്വേഷണസംഘത്തില് എസ് ഐമാരായ സുരേന്ദ്രന് പിള്ള, നജീബ്, സീനിയര് സി പി ഒമാരായ നാദിര്ഷാ, ശരത്, സി പി ഒമാരായ കൃഷ്ണദാസ്, എസ്.അന്വര്ഷാ എന്നിവരും ഉണ്ടായിരുന്നു.
https://www.facebook.com/Malayalivartha