സ്കൂളിലെ ഫാന്സി ഡ്രസ് മത്സരത്തില് മാമ്പഴം മോഷ്ടിച്ച പൊലീസായി വേഷമിട്ട് എല്കെജി വിദ്യാര്ത്ഥി; വീഡിയോ ഏറ്റെടുത്ത് സോഷ്യൽമീഡിയ, വൈറല് വിഡിയോ തങ്ങള്ക്കും പൊലീസ് സേനയ്ക്കും നാണക്കേടുണ്ടാക്കിയെന്ന ആരോപണം ഉയര്ത്തി രംഗത്തെത്തി സ്കൂള് മാനേജ്മെന്റ്! വിഡിയോ സമൂഹമാധ്യമ പ്ലാറ്റ്ഫോമുകളില് നിന്ന് നീക്കം ചെയ്യാന് കുട്ടിയുടെ രക്ഷിതാവിനോട് ആവശ്യപ്പെട്ട് സ്കൂൾ അതികൃതർ
പോലീസ് സേനയെ ആകെ നാണംകെടുത്തി പൊലീസ് ഉദ്യോഗസ്ഥന് പഴക്കടയില് നിന്ന് മാമ്പഴം മോഷ്ടിച്ചെന്ന വാര്ത്ത ഏറെ ചർച്ചയായി മാറിയിരുന്നു. എന്നാൽ ഇതിന് പിന്നാലെ സ്കൂളിലെ ഫാന്സി ഡ്രസ് മത്സരത്തില് മാമ്പഴം മോഷ്ടിച്ച പൊലീസായി വേഷമിട്ട എല്കെജി വിദ്യാര്ത്ഥിയും സോഷ്യല് മീഡിയയില് വൈറലായിരിക്കുകയാണ്. യഥാര്ഥ സംഭവത്തെ നന്നായി മത്സരവേദിയിലെത്തിച്ച കൊച്ചുമിടുക്കന് സോഷ്യല് മീഡിയ കൈയടിക്കുകയുണ്ടായി. കുട്ടിയുടെ പ്രകടനം രക്ഷിതാവ് ക്യാമറയില് പകര്ത്തി സോഷ്യല് മീഡിയയില് പോസ്റ്റ് ചെയ്തതോടെയാണ് വിഡിയോ വൈറലായി മാറിയത്. ഇപ്പോഴിതാ വൈറല് വിഡിയോ തങ്ങള്ക്കും പൊലീസ് സേനയ്ക്കും നാണക്കേടുണ്ടാക്കിയെന്ന ആരോപണം ഉയര്ത്തി രംഗത്തെത്തിയിരിക്കുകയാണ് ഇപ്പോള് കുട്ടി പഠിക്കുന്ന സ്കൂള് മാനേജ്മെന്റ്.
അതോടൊപ്പം തന്നെ കുട്ടിയുടെ ഫാന്സി ഡ്രസ് വിഡിയോയെ തള്ളി ആനക്കല്ല് സെന്റ് ആന്റണി പബ്ലിക് സ്കൂള് വിശദമായ പ്രസ്താവന പുറത്തിറക്കി. വിഡിയോ സമൂഹമാധ്യമ പ്ലാറ്റ്ഫോമുകളില് നിന്ന് നീക്കം ചെയ്യാന് കുട്ടിയുടെ രക്ഷിതാവിനോട് ആവശ്യപ്പെട്ടിട്ടുണ്ടെന്നും പ്രസ്താവനയിലൂടെ സ്കൂള് മാനേജ്മെന്റ് അറിയിക്കുകയുണ്ടായി. വിഡിയോ മാധ്യമങ്ങളില് പ്രചരിക്കുന്നതിന് സ്കൂള് യാതൊരുവിധ പിന്തുണയും നല്കിയിട്ടില്ല. സ്കൂളിന്റെ അറിവോ സമ്മതമോ കൂടാതെയാണ് വിഡിയോ പ്രചരിക്കുന്നതെന്നും പ്രസ്താവനയിലൂടെ മാനേജ്മെന്റ് വ്യക്തമാക്കുകയുണ്ടായി.
കൂടാതെ ഈ മാസം 14ന് സ്കൂളില് പ്രീ പ്രൈമറി വിഭാഗത്തിനായി നടന്ന ഫാന്സി ഡ്രസ് മത്സരത്തിലാണ് എല്കെജി വിദ്യാര്ത്ഥി മാമ്പഴം മോഷ്ടിച്ച പൊലീസുകാരനായി വേഷമിട്ടത്. മാമ്പഴ മോഷണത്തില് ഉള്പ്പെട്ട പൊലീസ് ഉദ്യോഗസ്ഥനെ ദിവസങ്ങള് പിന്നിട്ടിട്ടും പിടിക്കാന് പൊലീസിന് സാധിക്കുന്നില്ലെന്ന വിമര്ശനം കൂടി ശക്തമാകുന്ന പശ്ചാത്തലത്തിലായിരുന്നു കുട്ടിയുടെ ഫാന്സി ഡ്രസ് സോഷ്യല് മീഡിയയില് വൈറലായി മാറിയത്.
https://www.facebook.com/Malayalivartha
