അഖിലേന്ത്യ സുന്നി ജംഇയ്യത്തുൽ ഉലമ ജനറൽ സെക്രട്ടറി കാന്തപുരം എ.പി അബൂബക്കർ മുസ്‍ലിയാരുടെ ആരോഗ്യനില മെച്ചപ്പെട്ടു. വിദഗ്ധ സംഘം ഡോക്ടര്‍മാര്‍മാരുടെ നിരീക്ഷണം തുടരുന്നുണ്ട്. ഉടനെ തീവ്രപരിചരണ വിഭാഗത്തില്‍ നിന്ന് മാറ്റുമെന്നും മൈത്ര ഹോസ്പിറ്റല്‍ ഡയറക്ടര്‍ ഡോ.അലി ഫൈസല്‍ അറിയിച്ചു.

ചികിത്സയില്‍ കഴിയുന്ന കാന്തപുരം എ.പി അബൂബക്കർ മുസ്‍ലിയാരെ സ്പീക്കര്‍ എ എന്‍ ഷംസീര്‍ മൈത്ര ആശുപത്രിയില്‍ എത്തി കണ്ടിരുന്നു. എത്രയും വേഗം പൂര്‍ണ ആരോഗ്യവാനായി അദ്ദേഹത്തിന് കർമ്മപഥത്തിലേക്ക് തിരിച്ചെത്താൻ കഴിയട്ടെയെന്ന് ആശംസിച്ചാണ് സ്പീക്കര്‍ മടങ്ങിയത്.

ശാരീരിക അസ്വസ്ഥതകളെ തുടർന്ന് കഴിഞ്ഞ ആഴ്ച്ചയാണ് അദ്ദേഹത്തെ ആശുപത്രിയിൽ അഡ്മിറ്റ് ചെയ്തതായി മർകസു സഖാഫത്തി സുന്നിയ്യ അധികൃതർ അറിയിച്ചത്. രോഗശമനത്തിനായി എല്ലാവരും പ്രാർഥിക്കണമെന്നും അഭ്യർഥിച്ചിരുന്നു.