കോൺഗ്രസ് നിലനിന്നു കാണമെന്ന് ആഗ്രഹിക്കുന്ന, ഏതൊരു ജനാധിപത്യ വിശ്വാസികളും ആഗ്രഹിക്കുന്നതു് ശശി തരൂരിൻ്റെ വിജയമാണെന്ന് ജസ്‌ല മാടശേരി. തന്റെ ഫേസ്ബുക്ക് പോസ്റ്റിലൂടെയാണ് ജസ്‌ല ഈ വിഷയത്തിൽ പ്രതികരിച്ചിരിക്കുന്നത്. ജസ്‌ല പങ്കു വച്ച ഫേസ്ബുക്ക് കുറിപ്പിന്റെ പൂർണ രൂപം ഇങ്ങനെ;

കോൺഗ്രസ് നിലനിന്നു കാണമെന്ന് ആഗ്രഹിക്കുന്ന, ഏതൊരു ജനാധിപത്യ വിശ്വാസികളും ആഗ്രഹിക്കുന്നതു് ശശി തരൂരിൻ്റെ വിജയമാണ്. തരൂർ ഒരു മിശിഹയാണന്ന് ഒന്നും കരുതുന്നില്ല. രാഷ്ട്രീയ നിലപാടുകളോട് പലതിലോടും വിയോജിപ്പുമുണ്ട്. ഇനി തരൂർ എടുക്കുന്ന രാഷ്ട്രീയ നിലപാടുകളോടും വിയോജിക്കേണ്ടതാണങ്കിൽ വിയോജിക്കും. എങ്കിലും നൂറ്റാണ്ടുകൾ പഴക്കമുള്ള കോൺഗ്രസിൻ്റെ രാഷ്ട്രീയ മുഖത്തിന് പുതിയൊരു രൂപം കൊണ്ടുവരാൻ തരൂരിന് കഴിയും.

മാറിയ ലോക രാഷ്ട്രീയ സാഹചര്യത്തിൽ എങ്ങെനെ ഇടപെടണമെന്ന് തരൂരിന് അറിയാം. ഒന്നൊഴികെ മുഴുവൻ അസ്സബ്ളി സീറ്റുകളും ഇടതുപക്ഷത്തുള്ള, ബിജെപിയുടെ കൂടെ കേരളത്തിലെ ശക്തികേന്ദ്രമായ തിരുവനന്തപുരത്തു് വൻ ഭൂരിപക്ഷത്തിൽ തരൂർ വിജയിക്കുന്നത് അതിന് ഉദാഹരണമാണ്.  രാഷ്ട്രീയ അഭിപ്രായ വ്യത്യാസങ്ങൾ ഉള്ള രാഷ്ട്രീയ പാർട്ടികളോടു് പോലും പൊതുവായ പല നിലപാടുകളിൽ യോജിച്ചു പോകുന്ന രാഷ്ട്രീയമാണ് തരൂർ സ്വീകരിക്കുന്നത്.

പിന്തിരിപ്പൻ രാഷ്ട്രീയത്തിൻ്റെ കാലം കഴിഞ്ഞു. യോജിപ്പാണ് പൊതുശത്രുവിനെ നേരിടാൻ കഴിയുന്ന പ്രായോഗിക രാഷ്ട്രീയമെന്ന് അറിയാവുന്ന ആളാണ് തരൂർ. വിജയം ആഗ്രഹിക്കുന്ന കോടിക്കണക്കിന് മതേതര ജനാധിപത്യവിശ്വാസികൾക്കൊപ്പം തരൂരിന് വിജയാശംസകൾ.