കഴിഞ്ഞ ദിവസം തകർന്നു വീണ ലയണൽ മെസിയുടെ കൂറ്റൻ കട്ടൗട്ട് പുനഃസ്ഥാപിച്ച് മലപ്പുറം മുണ്ടയിലെ അർജന്റീന ആരാധകർ. റോഡരികിൽ സ്ഥാപിക്കാൻ ശ്രമിച്ച കൂറ്റൻ കട്ടൗട്ടാണ് കഴിഞ്ഞ ദിവസം ഏവരും നോക്കിനിൽക്കെ ഒടിഞ്ഞ് വീണത്. ഒരു ലക്ഷത്തോളം രൂപ ചെലവഴിച്ചാണ് 65 അടിയോളം വലിപ്പമുള്ള ഈ കട്ടൗട്ട് നിർമിച്ചത്.

അതോടൊപ്പം തന്നെ സ്ഥാപിക്കുന്നതിനിടെ തന്നെ മുറിഞ്ഞ് വീണ കൂറ്റൻ കട്ടൗട്ട് മണിക്കൂറുകൾക്കുള്ളിലാണ് ആരാധകർ പുനഃസ്ഥാപിച്ചത്. മുണ്ടയിലെ റോഡരികിൽ അതേ സ്ഥലത്ത് തന്നെ കട്ടൗട്ട് ഇപ്പോൾ തല ഉയർത്തി നിൽക്കുന്ന കാഴ്ചയാണ് കാണുവാൻ സാധിക്കുന്നത്. ഇന്ത്യയിലെ തന്നെ ഏറ്റവും വലിയ മെസി കട്ടൗട്ട് എന്നാണ് ആരാധകരുടെ അവകാശവാദം. 65 അടി വലിപ്പമുള്ള കട്ടൗട്ട് ദിവസങ്ങളുടെ പരിശ്രമത്തിനൊടുവിലാണ് പൂർത്തിയാക്കിയിരിക്കുന്നത്.

കൂടാതെ ആഘോഷ പൂർവമെത്തിച്ച് സ്ഥാപിക്കാനുള്ള ആദ്യ ശ്രമം പരാജയപ്പെട്ടെങ്കിലും, രാത്രി വൈകിയെങ്കിലും മണിക്കൂറുകൾക്കുള്ളിൽ പുനഃസ്ഥാപിക്കാനായതിന്റെ സന്തോഷത്തിലാണ് പ്രദേശത്തെ അർജന്റീന ആരാധകർ. കട്ടൗട്ട് തകർന്ന് വീഴുന്ന ദൃശ്യങ്ങൾ സാമൂഹ്യ മാധ്യമങ്ങളിലൂടെയും വൈറൽ ആയി മാറിയിരുന്നു.