കെ ടി യു വിസിക്ക് ചുമതല നിർവഹിക്കാൻ സംരക്ഷണം നൽകണം എന്നാണ് രാജ്ഭവന്റെ ആവശ്യം. ചീഫ് സെക്രട്ടറിക്കും ആഭ്യന്തര സെക്രട്ടറിക്കും ഈ കാര്യം ആവശ്യപ്പെട്ട് നിർദേശം നൽകിയിരിക്കുകയാണ്. എസ് എഫ് ഐയുടെ പ്രതിരോധം ശക്തമാകുന്നതിനിടിയിലാണ് രാജ്ഭവൻ ഇത്തരത്തിലൊരു നീക്കം നടത്തുന്നത് എന്നതാണ് ശ്രദ്ധേയമായ കാര്യം.

എന്തായാലും ഈയൊരു വിഷയത്തിൽ എന്താകും മറുപടി നൽകുക എന്നതാണ് ശ്രദ്ധേയമായ കാര്യം. കഴിഞ്ഞ ദിവസവും കെ ടി യു വിസിക്കെതിരെ വീണ്ടും എസ് എഫ് ഐ സമരം അഴിച്ച് വിട്ടിരുന്നു. എസ് എഫ് ഐ കെ ടി യു വിസിക്കെതിരെ കരിങ്കൊടി കാണിച്ചിരുന്നു. കഴിഞ്ഞ ദിവസവും സർവകലാശാല കവാടത്തിൽ വിസിയെ തടയുകയും ചെയ്തിരുന്നു.. ഈയൊരു സാഹചര്യത്തിൽ കൂടിയാണ് ഇത്തരത്തിൽ ഒരു ആവശ്യം രാജ്ഭവൻ ഉന്നയിച്ചിരിക്കുന്നത് .

അതേസമയം കഴിഞ്ഞ ദിവസം സിസ തോമസിന് അനുകൂലമായ ഒരു വിധി കോടതി പുറപ്പെടുവിച്ചിരുന്നു. കേരള സാങ്കേതിക സർവകലാശാലയിൽ താൽക്കാലിക വിസിയായി ഡോ.സിസ തോമസിനെ നിയമിച്ച ഗവർണറുടെ നടപടി ചോദ്യം ചെയ്ത് സർക്കാർ സമർപ്പിച്ച ഹർജി ഹൈക്കോടതി പരിഗണിച്ചിരുന്നു . കെ ടി യു താത്കാലിക വിസി നിയമനത്തിൽ നിർണായക വിധിയാണ് ഹൈക്കോടതി പുറപ്പെടുവിച്ചത് .

കെ ടി യു താത്കാലിക വിസി നിയമനം ഹൈക്കോടതി സ്റ്റേ ചെയ്യുന്നില്ല എന്ന തീരുമാനമാണ് ഇപ്പോൾ എടുത്തിരിക്കുന്നത് . ഇടക്കാല ഉത്തരവ് വേണമെന്ന സർക്കാർ ആവശ്യം ഹൈക്കോടതി അനുവദിച്ചില്ല. അതും ഹൈക്കോടതി തള്ളി ഈ വിഷയത്തിൽ ഹർജി വെളിയാഴ്ച പരിഗണിക്കാമെന്ന് ഹൈക്കോടതി പറഞ്ഞിരിക്കുകയാണ്. ഹർജിയിൽ യു ജി സിയെ കൂടെ കക്ഷി ചേർക്കാൻ കോടതി നിർദേശിച്ചിരിക്കുകയാണ്. കെ ടി യു താത്കാലിക വിസി നിയമനത്തിൽ ഹൈക്കോടതിയുടെ പുതിയ തീരുമാനം സർക്കാരിന് തിരിച്ചടിയായി മാറിയിരിക്കുകയാണ്.