നഗരസഭയില് ഇന്നും പ്രതിഷേധം ... മേയര് ആര്യാ രാജേന്ദ്രന്റെ രാജി ആവശ്യപ്പെട്ട് പ്രതിഷേധം ശക്തം, പ്രതിഷേധക്കാര്ക്ക് നേരെ ജലപീരങ്കി പ്രയോഗിച്ചു
നഗരസഭയില് ഇന്നും പ്രതിഷേധം തുടരുന്നു.... മേയര് ആര്യാ രാജേന്ദ്രന്റെ രാജി ആവശ്യപ്പെട്ട് പ്രതിഷേധം ശക്തം, പോലീസും പ്രവര്ത്തകരും തമ്മില് ഉന്തും തള്ളും... പ്രതിഷേധക്കാര്ക്ക് നേരെ ജലപീരങ്കി പ്രയോഗിച്ചു
തിരുവനന്തപുരം നഗരസഭ കോര്പ്പറേഷനിലേയ്ക്ക് മഹിളാമോര്ച്ച മാര്ച്ച് നടത്തി. പോലീസ് സ്ഥാപിച്ച ബാരിക്കേഡുകള്ക്ക് മുകളില് കയറി നിന്നു കൊണ്ട് പ്രവര്ത്തകര് മുദ്രാവാക്യങ്ങള് വിളിച്ചു കൊണ്ട് പ്രതിഷേധം നടത്തി.
അഴിമതിയില് വിശദമായ അന്വേഷണം വേണമെന്നും മേയര് എത്രയും വേഗം രാജി വയ്ക്കണമെന്നും മഹിളാമോര്ച്ച ആവശ്യപ്പെടുന്നു. രാജി വെയ്ക്കാത്ത സാഹചര്യത്തില് പ്രതിഷേധം ശക്തമാക്കാനാണ് ബിജെപിയുടെയും മഹിളാമോര്ച്ചയുടെയും തീരുമാനം. പ്രതിഷേധത്തിന് നേരെ പോലീസ് ജലപീരങ്കി പ്രയോഗിച്ചു.
മാര്ച്ചിന് നേരെ പല തവണ ജലപീരങ്കി പ്രയോഗിച്ചിട്ടും മഹിളാമോര്ച്ച പ്രവര്ത്തകര് പ്രതിഷേധത്തില് നിന്നും പിന്മാറിയില്ല. പോലീസിന്റെ ബാരിക്കേഡുകള് മറി കടന്നു കൊണ്ട് പ്രവര്ത്തകര് കോര്പ്പറേഷന്റെ അകത്തേയ്ക്ക് കയറി.
കോര്പ്പറേഷന്റെ അകത്തേയ്ക്ക് മുദ്രവാക്യം വിളിച്ചെത്തിയ പ്രവര്ത്തകരെ പോലീസ് തടഞ്ഞു. കരിങ്കൊടി ഉയര്ത്തിയും മുദ്രാവാക്യം വിളിച്ചും മഹിളാമോര്ച്ച പ്രവര്ത്തകര് പ്രതിഷേധം ശക്തമാക്കിയപ്പോള് കോര്പ്പറേഷനിലെ ഇടത് ജീവനക്കാരും പ്രവര്ത്തകര്ക്കെതിരെ രംഗത്തു വന്നു. കോര്പ്പറേഷന്റെ പ്രധാന ഗേറ്റ് പൂര്ണ്ണമായും ഉപരോധിച്ചു കൊണ്ടാണ് മഹിളാമോര്ച്ചാ പ്രവര്ത്തകരുടെ പ്രതിഷേധം.
"
https://www.facebook.com/Malayalivartha