തിരുവനന്തപുരത്ത് ആര്യ രാജേന്ദ്രന് നേരെ പ്രതിഷേധം ശക്തമാകുകയാണ്. കത്ത് നിയമന വിവാദത്തിൽ മേയറുടെ രാജി ആവശ്യപ്പെട്ടാണ് തിരുവനന്തപുരത്ത് മഹിളാമോർച്ചയുടെ പ്രതിഷേധം കനക്കുന്നത്. നഗരസഭ ആരോഗ്യവിഭാഗത്തില്‍ താല്‍ക്കാലിക നിയമനം നടത്തുന്നതിനായി പാര്‍ട്ടിക്കാരുടെ മുന്‍ഗണനാ പട്ടിക നല്‍കാന്‍ ആവശ്യപ്പെട്ട് തിരുവനന്തപുരം മേയര്‍ ആര്യാ രാജേന്ദ്രന്‍ ജില്ലാ സെക്രട്ടറി ആനാവൂര്‍ നാഗപ്പന് അയച്ച കത്ത് വിവാദത്തിൽ ആയതിനു പിന്നാലെയാണ് പ്രതിഷേധത്തിന് തുടക്കമായത്.

നഗരസഭയിൽ മഹിളാ മോർച്ചയുടെ പ്രതിഷേധത്തിനിടയിൽ രണ്ട് പെൺപുലികൾ ബാരിക്കേഡിനു മുകളിൽ കയറി മേയർക്കെതിരെ മുദ്രാവാക്യം വിളിക്കുന്നുണ്ട്. ബിജെപിയുടെ വനിതാ പ്രവർത്തകരാണ് കൂടുതലായും പ്രതിഷേധിക്കുന്നത്. ബാരിക്കേഡിനു മുകളിൽ കയറി മുദ്രാവാക്യം വിളിക്കുകയാണ് ഇവർ. കേരളത്തിലെ സർക്കാർ അഴിമതികൾ , പിൻവാതിൽ നിയമനം വർധിക്കുമ്പോൾ പ്രശ്നത്തിലാകുന്നത് ജനങ്ങളാണ്.

ഭരണത്തിലേറി രണ്ട് വര്‍ഷം തികയുന്നതിന് മുമ്പ് തന്നെ ഏറ്റവും പ്രായം കുറഞ്ഞ മേയര്‍ ആര്യാ രാജേന്ദ്രന്റെ നേതൃത്വത്തിലുള്ള ഭരണ സമിതിക്ക് നിരവധി അഴിമതി ആരോപണങ്ങളാണ് നേരിടേണ്ടിവന്നത്. ഇതിനു പിന്നാലെയാണ് കോർപറേഷനിലെ കത്ത് വിവാദം. മാത്രമല്ല ഇതിനിടയിൽ മേയറെ വീട്ടിൽ കരിങ്കോടി കാണിച്ച കെഎസ്‌യു പ്രവർത്തകരെ സിപിഎമ്മുകാർ മർദ്ദിച്ചു. മേയറുടെ രാജിയാവശ്യപ്പെട്ടുള്ള സമരങ്ങളിൽ തലസ്ഥാനം ഇന്നും പ്രക്ഷുബ്ധമായി.