സ്വകാര്യ ദൃശ്യങ്ങള് കാണിച്ച് കാമുകന്റെ ഭീഷണി; നാല് കുട്ടികളുടെ മാതാവ് ജീവനൊടുക്കി; അവസാനമായി യുവതി കാമുകനയച്ച വീഡിയോ തെളിവായി; ഭർത്താവിന്റെ പരാതിയിൽ കേസെടുത്ത് പോലീസ്
സമൂഹമാധ്യമങ്ങൾ വഴി സ്വകാര്യ ദൃശ്യങ്ങള് പുറത്തുവിടുമെന്ന കാമുകന് ഭീഷണിപ്പെടുത്തിയതിന് പിന്നാലെ യുവതി ആത്മഹത്യ ചെയ്തു. നാല് കുട്ടികളുടെ അമ്മയായ യുവതിയാണ് ആത്മഹത്യ ചെയ്തത്. ബംഗളൂരുവിലാണ് സംഭവം നടന്നത്. ബംഗളൂരുവില് താമസിക്കുന്ന ചാമുണ്ഡേശ്വരി (35) ആണ് മരിച്ചത്.
അതേസമയം സംഭവത്തിൽ യുവതിയുടെ ഭര്ത്താവ് നല്കിയ പരാതിയില് പൊലീസ് കേസെടുത്തു. മാത്രമല്ല ആത്മഹത്യ ചെയ്യുന്നതിന് തൊട്ടുമുന്പ് യുവതി ഒരു വീഡിയോ കാമുകന് അയച്ചിരുന്നു. ‘നിങ്ങള് സന്തോഷമായിരിക്കൂവെന്നും, എന്ന് കരുതി ഇതുപോലെ മറ്റു സ്ത്രീകളുടെ ജീവിതം തകര്ക്കരുതെന്നുമായിരുന്നു വീഡിയോയില് യുവതി പറഞ്ഞത്. ബ്യൂട്ടീപാര്ലറിലായിരുന്നു യുവതിക്ക് ജോലി.
യുവതി മല്ലികാര്ജുനെ പരിചയപ്പെട്ടത് ആറ് മാസം മുമ്പാണ്. ഇതിനു പിന്നാലെ ഇരുവരും പ്രണയത്തിലായി. എന്നാൽ ഇതിനിടെ യുവതിയുമായുള്ള സ്വകാര്യ ദൃശ്യങ്ങള് യുവാവ് ഫോണില് പകര്ത്തിയിരുന്നു. പിന്നാലെ രണ്ട് ലക്ഷം രൂപ നല്കിയില്ലെങ്കില് ദൃശ്യങ്ങള് സമൂഹ മാധ്യമങ്ങളിലൂടെ പ്രചരിപ്പിക്കുമെന്ന് ഭീഷണിപ്പെടുത്തുകയായിരുന്നു. ഇതേതുടർന്ന് യുവതി ജീവനൊടുക്കുകയായിരുന്നു. മല്ലികാര്ജുനെതിരെ ആത്മഹത്യാ പ്രേരണ കുറ്റം ചുമത്തിയിട്ടുണ്ട്.
https://www.facebook.com/Malayalivartha