സർവകലാശാല ചാന്‍സലറായ ഗവർണറെ പുറത്താക്കാൻ ഓർഡിനൻസ് കൊണ്ട് വന്നിരിരിക്കുകയാണ് സർക്കാർ. ഈ വിഷയത്തിൽ ഗവർണർ പ്രതികരിച്ചിരിക്കുകയാണ്. ചാന്‍സലര്‍ പദവിയില്‍ നിന്ന് തന്നെ ഒഴിവാക്കാനുള്ള ഓര്‍ഡിനന്‍സ് രാഷ്ട്രപതിക്ക് അയയ്ക്കുമെന്ന് ഗവർണർ ആരിഫ് മുഹമ്മദ് ഖാൻ പറഞ്ഞു . എന്തിനാണ് ചാൻസലറെ മാറ്റുന്നുവെന്നത് സർക്കാർ നേരിട്ട് ബോധ്യപ്പെടുത്തണമെന്നും ഗവർണർ വ്യക്തമാക്കി.

മാത്രമല്ല നിർണായകമായ മറ്റൊരു കാര്യം വിസി നിയമനത്തില്‍ ഇടപെടാന്‍ സര്‍ക്കാരിന് ഒരു അധികാരവുമില്ലെന്ന് സുപ്രീംകോടതി വിധിയുണ്ട്. യുജിസി മാനദണ്ഡങ്ങള്‍ സംസ്ഥാന നിയമത്തിന് മുകളിലാണെന്നും ഗവർണർ പറഞ്ഞിരിക്കുകയാണ് . മാത്രമല്ല മുഖ്യമന്ത്രിയെയും അദ്ദേഹം വിമർശിക്കുകയും ചെയ്തു.

ഒട്ടും ബഹുമാനമില്ലാത്ത സമീപനമാണ് മുഖ്യമന്ത്രി സ്വീകരിക്കുന്നതെന്നും ഗവർണർ വിമർശിച്ചു .മുഖ്യമന്ത്രി സംസാരിക്കുന്നത് തീവ്രവാദിയെ പോലെയാണെന്നാണ് ഗവർണർ വിമർശിച്ചു .മുഖ്യമന്ത്രി തന്നെ വിരട്ടുകയാണെന്നും അദ്ദേഹം ആരോപിച്ചിരിക്കുകാണ് എന്നതാണ് ശ്രദ്ധേയമായ കാര്യം.

മുഖ്യമന്ത്രിയുടെയും സർക്കാരിന്റെയും വിരട്ടലിന് മുന്നിൽ വഴങ്ങില്ല എന്നദ്ദേഹം വ്യക്തമാക്കി . വെല്ലുവിളിക്കുന്നവർക്ക് മനസ്സിലാകുന്ന ഭാഷയിൽ തന്നെ തിരിച്ചു പറയുമെന്നും അദ്ദേഹം തുറന്നടിച്ചു . ഇങ്ങോട്ടു പറയുന്നത് പോലെ തന്നെ തിരിച്ചും മറുപടി നൽകിയാലേ ഇത്തരക്കാർക്ക് മനസ്സിലാകൂവെന്നും അദ്ദേഹം പറഞ്ഞിരിക്കുകയാണ്. പ്രത്യാഘാതം ഗുരുതരമായാലും പിന്നോട്ടില്ലെന്നും ഗവർണർ തുറന്നടിച്ചു .  ഗുരുതര പ്രത്യാഘാതം നേരിടേണ്ടി വരുമെന്ന് മുഖ്യമന്ത്രിപറഞ്ഞിരിക്കുകയാണ്.