ഒന്‍പതാം ക്ലാസ് വിദ്യാര്‍ത്ഥിനിയ്ക്ക് നേരെ ലൈംഗികാതിക്രമം നടത്തിയ കേസില്‍ കെ എസ് ആര്‍ ടി സി കണ്ടക്ടര്‍ അറസ്റ്റിലായി. കോന്നി ഡിപ്പോയിലെ കണ്ടക്ടര്‍ കൊട്ടാരക്കര ഉമ്മന്നൂര്‍ വടക്കേവീട്ടില്‍ ബിജു കെ തോമസിനെയാണ് കുന്നിക്കോട് പൊലീസ് അറസ്റ്റ് ചെയ്തത്.


ഇന്നലെയായിരുന്നു കേസിനാസ്പദമായ സംഭവം ഉണ്ടായത്. കോന്നിയില്‍ നിന്ന് കൊട്ടാരക്കരയ്ക്ക് പോയ കെ എസ് ആര്‍ ടി സി ബസ് കുന്നിക്കോട് എത്തിയപ്പോള്‍, സ്‌കൂളിലേക്ക് പോകുകയായിരുന്ന വിദ്യാര്‍ത്ഥിനിയോട് ലൈംഗികാതിക്രമം കാട്ടിയെന്നാണ് പരാതിയിലുള്ളത്.

ബസില്‍ നല്ല തിരക്കായിരുന്നു. പെണ്‍കുട്ടി ബഹളം വച്ചതോടെയാണ് യാത്രക്കാര്‍ വിവരമറിഞ്ഞത്. തുടര്‍ന്ന് പൊലീസില്‍ പരാതി നല്‍കിയതിനെ തുടര്‍ന്നാണ് നടപടിയെടുത്തത്.