കാസര്‍കോട് നിന്ന് സിപിഎം തുടങ്ങിവെച്ചത് ജനകീയ പ്രതിരോധ ജാഥ തന്നെയല്ലെ. അതോടെ സിപിഎം ഗുണ്ടായിസ ജാഥ വല്ലതുമാണോ ആവോ. CPM ജാഥയില്‍ പങ്കെടുക്കണമെന്ന് പഞ്ചായത്തംഗത്തിന്റെ ഭീഷണി ശബ്ദസന്ദേശം. അല്ലാത്തവര്‍ക്ക് തൊഴില്‍തരില്ലെന്ന് നേതാവിന്റെ ഭീഷണി. തൊഴിലുറപ്പ് തൊഴിലാളികളുടെ മെക്കിട്ടാണ് കേറുന്നത്. എന്തോന്നെടേ ഇത് ഭീഷമിപ്പെടുത്തി ജാഥയ്ക്ക് ആളെക്കൂട്ടുന്നോ. വല്ലാത്ത ജാതി തോല്‍വി തന്നെ. കോമഡി ഇതൊന്നുമല്ല ചുവപ്പ് കോട്ടയില്‍ തന്നെയാണ് ഭയപ്പെടുത്തി ആള്‍ക്കാരെ ജാഥയില്‍ പങ്കെടുപ്പിക്കുന്നത്. സംഭവം പുറത്തായതോടെ സിപിഎമ്മിനെതിരെ വലിയ പരിഹാസം.

കണ്ണൂര്‍ ജില്ല മയ്യില്‍ ഗ്രാമ പഞ്ചായത്ത് ഒന്നാം വാര്‍ഡ് മെമ്പര്‍ സി. സുചിത്രയാണ് തൊഴിലാളികളെ ഭീഷണിപ്പെടുത്തിയത്. പരിപാടിക്ക് പോയില്ലെങ്കില്‍ തൊഴില്‍ തരില്ലെന്നായിരുന്നു ഭീഷണി. സി.പി.എം. സംസ്ഥാന സെക്രട്ടറി എം.വി. ഗോവിന്ദന്‍ നയിക്കുന്ന ജനകീയ പ്രതിരോധ ജാഥയില്‍ പങ്കെടുക്കാന്‍ പറ്റാത്തവരുണ്ടെങ്കില്‍ നേരിട്ട് തന്നെ വിളിക്കണമെന്നും അവര്‍ക്കുള്ള ഉത്തരം ഞാന്‍ പറഞ്ഞോളാം എന്നും സുചിത്ര ശബ്ദസന്ദേശത്തില്‍ പറയുന്നു. പരിപാടികള്‍ക്കൊന്നും പോകാത്ത ആളാണെങ്കില്‍ അടുത്തപണിയുടെ കാര്യം ചിന്തിക്കാമെന്നുമായിരുന്നു സുചിത്രയുടെ ഭീഷണി. തൊഴിലുറപ്പ് തൊഴിലാളികളാണ് പഞ്ചായത്തംഗത്തിന്റെ വാട്‌സാപ്പ് സന്ദേശം പുറത്തുവിട്ടത്. തൊഴിലാളികളുടെ വാട്‌സാപ്പ് ഗ്രൂപ്പിലേക്കായിരുന്നു സുചിത്രയുടെ ഭീഷണി സന്ദേശം. സംഭവവുമായി ബന്ധപ്പെട്ട് പഞ്ചായത്തംഗത്തെ ബന്ധപ്പെട്ടപ്പോള്‍ ശബ്ദം സന്ദേശം തന്റേത് തന്നെയാണെന്ന് സമ്മതിച്ചു. എന്നാല്‍ ഇതിനെക്കുറിച്ച് കൂടുതല്‍ പറയാന്‍ സുചിത്ര തയ്യാറായില്ല.

ജനകീയ യാത്രയെന്ന് വരുത്താന്‍ ലക്ഷം ലക്ഷം പിന്നാലെ വേണമല്ലോ. അതിന് തൊഴിലുറപ്പ് തൊഴിലാളികളുടെ മെക്കിട്ട് കേറ്റം. സിപിഎം ജാഥയ്ക്ക് വന്‍ ജനപിന്തുണയെന്നാണ് സിപിഎം തള്ള്. ഇതായിരിക്കും ജനപിന്തുണയ്ക്ക് പിന്നിലെ കാര്യം. അല്ലെങ്കില്‍ തന്നെ മലയാളിക്ക് മുന്നില്‍ നാറിനാണംകെട്ടാണ് നില്‍പ്പ്. കിട്ടുന്നതൊന്നും പോരാഞ്ഞിട്ടാണ്.. മേടിച്ച് കൂട്ടാനായിട്ട് ഇറങ്ങിയിരിക്കുന്നത്. സംഭവം സിപിഎമ്മിന് വലിയ നാണക്കേട് ഉണ്ടാക്കിയിരിക്കുകയാണ്. പ്രതിരോധ യാത്രയില്‍ വന്‍ മണ്ടത്തരങ്ങളാണ് ഗോവിന്ദന്‍ മാഷ് വിളമ്പുന്നത്. പ്രതിപക്ഷം എടുത്തിട്ടലക്കുന്നു. പോരാത്തതിന് സൈബറിടത്തില്‍ ട്രോളന്മാര്‍ പൊങ്കാലയിടുന്നു. അങ്ങനെ ആകെമൊത്തത്തില്‍ കോമഡിയാണ് പ്രതിരോദന യാത്ര. വല്ലാത്ത രോദനം തന്നെയാണ് സിപിഎമ്മിന്റേത്. യാത്ര നടത്തുന്നത് കേന്ദ്ര നയങ്ങള്‍ക്കെതിരെയുള്ള പോരാട്ടമെന്നാണ് വെപ്പ്. പക്ഷെ സിപിഎമ്മിനെ വെളുപ്പിച്ചെടുക്കാനുള്ള യാത്രയാണിത്. അങ്ങ് മെഴുകുവാണ്

എന്തുവന്നാലും തൊഴിലുറപ്പുകാരുടെ മേലേക്കാണ്. സിപിഎമ്മിന്റെ ജാഥ വന്നാലും സമ്മേളനം വന്നാലും എല്ലാം തൊഴിലുറപ്പ് തൊഴിലാളികള്‍ക്ക് ഇരിക്കപ്പൊറുതിയില്ല. അതുമാത്രമോ....മന്ത്രിമാരുടെ ഫേസ്ബുക്കിന്റെ റീച്ച് കൂട്ടേണ്ടതും തൊഴിലുറപ്പ് തൊഴിലാളികള്‍. മുന്‍പ് ഗോവിന്ദന്‍ മാഷ് മന്ത്രി ആിരുന്നപ്പോള്‍......ഫേസ്ബുക്കില്‍ ഫോളോവേഴ്‌സ് കുറവാണെന്നും പറഞ്ഞ് ഫോളോവേഴ്‌സിനെ കൂട്ടേണ്ട ചുമതയും തൊഴിലുറപ്പ് തൊഴിലാളികളെ ഏല്‍പ്പിച്ച ടീംസാണ്. പറഞ്ഞിട്ട് കാര്യമില്ല. ഇനിയിപ്പോള്‍ യാത്രയ്ക്ക് ആളില്ലെന്നും പറഞ്ഞ് ബംഗാളികളെ പങ്കെടുപ്പിക്കുമോ ആവോ. പണ്ടത്തെ ബംഗാളിലെ പ്രതാപവും പറഞ്ഞോണ്ട്. എന്തായാലും സ്വയം പരിഹാസ്യരാകാന്‍ സിപിഎമ്മിന്റെ ജീവിതം ഇനിയും ബാക്കി.