കെഎസ്ആര്ടിസിയില് നിര്ബന്ധിത വിആര്എസ് നടപ്പാക്കാന് സര്ക്കാര് തീരുമാനിച്ചിട്ടില്ലെന്ന് ഗതാഗത മന്ത്രി ...
കെഎസ്ആര്ടിസിയില് നിര്ബന്ധിത വിആര്എസ് (വോളന്ററി റിട്ടയര്മെന്റ് സ്കീം) നടപ്പാക്കാന് സര്ക്കാര് തീരുമാനിച്ചിട്ടില്ലെന്ന് ഗതാഗത മന്ത്രി ആന്റണി രാജു. ഇതുമായി ബന്ധപ്പെട്ട് ഒരു ചര്ച്ചയും ഇതുവരെ ഉണ്ടായിട്ടില്ല. വകുപ്പുകളുടെ ധനവിനിയോഗം സംബന്ധിച്ച് ധനവകുപ്പിന് റിപ്പോര്ട്ട് നല്കാറുണ്ട്. ഇങ്ങനെ സമര്പ്പിച്ച റിപ്പോര്ട്ടിലെ നിര്ദേശമാണോ പുറത്തുവന്നതെന്ന് പരിശോധിക്കുമെന്നും മന്ത്രി .
അതേസമയം ജീവനക്കാരുടെ എണ്ണം കുറയ്ക്കുന്നത് സംബന്ധിച്ച് നടപടി സ്വീകരിക്കാന് ധനവകുപ്പ് നേരത്തെ കെഎസആര്ടിസിയോട് നിര്ദേശിച്ചിരുന്നു. അതിന്റെ അടിസ്ഥാനത്തില് ചീഫ് സെക്രട്ടറിക്ക് പ്രാഥമികമായ റിപ്പോര്ട്ട് കെഎസ്ആര്ടിസി മാനേജ്മെന്റ് നല്കിയിരുന്നു.
അതേസമയം, നിര്ബന്ധിത വിആര്എസ് ഇടതുനയത്തിന് വിരുദ്ധമെന്ന് കെഎസ്ആര്ടിസി എംപ്ലോയീസ് യൂണിയന് ജനറല് സെക്രട്ടറി എം.ജി.രാഹുല് ആരോപിച്ചു. വിആര്എസ് കരാര് നിയമനത്തിന് വഴിയൊരുക്കും. വിആര്എസിനെ ശക്തമായി എതിര്ക്കുമെന്നും എന്നാല് ജീവനക്കാര് സ്വമേധയാ വിആര്എസ് എടുക്കുന്നതിനെ എതിര്ക്കില്ലെന്നും അദ്ദേഹം വ്യക്തമാക്കിയിട്ടുണ്ട്.
"
https://www.facebook.com/Malayalivartha
