ക്ഷേമപെന്‍ഷനില്‍ 200 രൂപ കുറവ് വന്നതോടെ പിണരായി സര്‍ക്കാര്‍ എയറില്‍. എന്നാല്‍ തൊട്ടുപിന്നാലെ ധനമന്ത്രി രംഗത്ത് വന്നു 200 രൂപ കുറവ് വന്നതിന് പിന്നില്‍ കേന്ദ്ര സര്‍ക്കാരിന്റെ കളിയെന്ന് ബാലഗോപാല്‍ പറഞ്ഞു. ബാലഗോപാല്‍ ഇതുംപറഞ്ഞ് നാവ് വായിലിട്ടില്ല പിന്നാലെ കേന്ദ്രം വക മറുപടി വന്നു. കേന്ദ്ര വിഹിതം ഇനി മുതല്‍ നേരിട്ട് ഉപഭോക്താക്കളുടെ ബാങ്ക് അക്കൗണ്ടിലെത്തും. കേന്ദ്രം നല്‍കുന്ന പണത്തിന്റെ നേട്ടം സംസ്ഥാനം എടുക്കേണ്ടെന്ന്. ഇതോടെ ക്ഷേമ പെന്‍ഷനില്‍ കേന്ദ്ര-സംസ്ഥാന പോര്. ഇതിനിടെ പിണറായി സര്‍ക്കാരിന്റെ ഒരു വാദം പൊളിഞ്ഞിട്ടുണ്ട്. ക്ഷേമ പെന്‍ഷന്‍ 1600 ന്നാ പിടിച്ചോ വിഷുക്കൈ നീട്ടമെന്നൊക്കെ ആയിരുന്നു തള്ള്. കേന്ദ്ര വിഹിതത്തെക്കുറിച്ച് ഒരക്ഷരം മിണ്ടിയതേയില്ല. പക്ഷെ 1400 രൂപ പലരുടേയും അക്കൗണ്ടിലെത്തിയ്ത 200 രൂപ കുറവ് വന്നത് സര്‍ക്കാര്‍ എയറിലായപ്പോഴാണ് 200 കേന്ദ്രം വകയാണെന്ന് ധനമന്ത്രി വാ തുറന്ന് പറഞ്ഞത്. 1600ന്റെ ക്രെഡിറ്റ് ഏറ്റെടുക്കാന്‍ ഞെളിഞ്ഞിരുന്നതാ അതും തേഞ്ഞു.

സോഷ്യല്‍മീഡിയയില്‍ മലയാളി വക പൊങ്കാല. അപ്പോള്‍ ക്ഷേമ പെന്‍ഷനിലും കേന്ദ്ര വിഹിതം ഉണ്ടല്ലോ. അറിഞ്ഞില്ല ആരും പറഞ്ഞില്ല. അതും നൈസാ സ്വന്തം ക്രെഡിറ്റില്‍ കേറ്റാന്‍ നോക്കീതാ. ഒത്തില്ല അല്ലേ പിണറായി. അല്ലേലും മുഖ്യമന്ത്രി എവിടെ പരിപാടി അവതരിപ്പിച്ചാലും ഇതാണ് അവസ്ഥ. അല്ലെങ്കിലും കേന്ദ്ര പദ്ധതികള്‍ നൈസാ മുക്കുന്നത് പിണറായീടെ ശീലമാണ്. സത്യത്തില്‍ 200 ഞങ്ങള്‍ നേരിട്ട് ഇട്ടോളാന്ന് പറഞ്ഞത് പിണറായിക്കിട്ട് താങ്ങീതാ. ക്ഷേമ പെന്‍ഷനില്‍ കേന്ദ്ര വിഹിതം കൂടി ഉണ്ടെന്ന് അറിയിക്കാന്‍. എന്തൊക്കെ ക്യാപ്‌സൂളായിരുന്നു ക്ഷേമപെന്‍ഷനില്‍. വിഷുക്കൈനീട്ടം കൊടുക്കുന്നു,1600 കേട്ടല്ലോ 1600 എന്നായിരുന്നു കേമത്തം. 2 രൂപ സെസ് പിരിച്ചത് ക്ഷേമപെന്‍ഷന്‍ കൊടുക്കാനെന്നായിരുന്നു ജലീല്‍ വക തള്ള്. കൊച്ചാപ്പ മുഖ്യനിട്ട് വെച്ചത് മുട്ടന്‍ പണി. ഇനിയേലും കൊച്ചാപ്പയോട് വിടുവായത്തം നിര്‍ത്താന്‍ പറയണേ. ആരുകൊടുത്താലും വേണ്ടില്ല ആ പാവങ്ങളിലേക്ക് അത് കൃത്യമായ് എത്തണം നമുക്ക് അത്രയുമേ ഉള്ളു. അല്ലാതെ ക്ഷേമ പെന്‍ഷന്‍ കൊടുക്കുന്നതില്‍ കേന്ദ്രം ആയാലും കേരളം ആയാലും വെറുതെ രാഷ്ട്രീയം കളിക്കാന്‍ നില്‍ക്കണ്ട. ക്ഷേമപെന്‍ഷന്‍ ഔദാര്യമല്ല അത് ജനങ്ങളുടെ അവകാശമാണ്. നിങ്ങളുടെ ആരുടേയും തറവാട്ടില്‍ നിന്ന് എടുത്ത് കൊടുക്കുന്നതല്ല എന്ന ഓര്‍മ്മ വേണം. അതുകൊണ്ട് ഇക്കാര്യത്തില്‍ ഇരുകൂട്ടരും രാഷ്ട്രീയം കളിക്കല്ലെ.

സംസ്ഥാന സര്‍ക്കാര്‍ വഴിയായിരുന്നു ഇതുവരെ പെന്‍ഷന്‍ നല്‍കിയിരുന്നത്. കേന്ദ്രം നല്‍കുന്ന പണത്തിന്റെ നേട്ടം സംസ്ഥാനം എടുക്കേണ്ട എന്ന തീരുമാനത്തിന്റെ ഭാഗമായാണ് പുതിയ നടപടി. പുതിയ സാമ്പത്തിക വര്‍ഷമായ ഏപ്രില്‍ മുതല്‍ കേന്ദ്രം പരിഷ്‌ക്കാരം നടപ്പിലാക്കി.
ഇതുവരെ എല്ലാവര്‍ക്കും 1600 രൂപ സംസ്ഥാന സര്‍ക്കാര്‍ നല്കിയ ശേഷം പിന്നീട് കേന്ദ്രവിഹിതം വാങ്ങുകയായിരുന്നു ചെയ്തുകൊണ്ടിരുന്നത്. ഇനി മുതല്‍ കേരളവും കേന്ദ്രവും രണ്ടായി പണം നിക്ഷേപിക്കുന്നതോടെ ഗുണഭോക്താക്കള്‍ക്ക് ഒരുമിച്ച് 1600 രൂപ ലഭിക്കില്ല. നിലവില്‍ സംസ്ഥാന സര്‍ക്കാര്‍ രണ്ടോ മൂന്നോ മാസം കൂടുമ്പോഴാണ് ഒരുമിച്ച് പെന്‍ഷന്‍ തുക നല്കി വരുന്നത്. 80 വയസ്സില്‍ താഴെയുള്ളവര്‍ക്ക് ലഭിക്കുന്ന വാര്‍ധക്യപെന്‍ഷന്‍ തുകയില്‍ 1400 രൂപ സംസ്ഥാന സര്‍ക്കാരും 200 രൂപ കേന്ദ്രവും നല്കുന്നു. 80 വയസ്സിന് മുകളിലുള്ളവര്‍ക്കുള്ള പെന്‍ഷനില്‍ 1100 രൂപ സംസ്ഥാനം നല്‍കുമ്പോള്‍ 500 രൂപയാണ് കേന്ദ്രസര്‍ക്കാര്‍ നല്കുന്നത്. 80 വയസ്സില്‍ താഴെയുള്ളവരുടെ ദേശീയ വിധവാ പെന്ഷനില്‍ 1300 രൂപ സംസ്ഥാന സര്‍ക്കാര്‍ നല്‍കുമ്പോള്‍, 300 രൂപ കേന്ദ്രവും നല്‍കുന്നു. 80 വയസ്സിന് മുകളിലുള്ളവരുടെ വിധവാ പെന്‍ഷന്‍ തുകയില്‍ 1100 രൂപ സംസ്ഥാന സര്‍ക്കാരും 500 രൂപ കേന്ദ്രസര്‍ക്കാഉം നല്കി വരുന്നു. ഇത്തവണ സംസ്ഥാനത്ത് നിരവധി പേര്‍ക്ക് പെന്‍ഷന്‍ 1400 രൂപ വീതമാണ് ബാങ്ക് അക്കൗണ്ടില്‍ ലഭിച്ചിരുന്നത്. എന്നാല്‍ പുതിയ തീരുമാനത്തില്‍ എതിര്‍പ്പുമായി സംസ്ഥാന സര്‍ക്കാര്‍ രംഗത്തെത്തി. പെന്‍ഷന്‍ വിതരണത്തിനായി കേന്ദ്രം നല്‍കുന്നത് തുച്ഛമായ വിഹിതമാണെന്ന് ജനങ്ങള്‍ക്ക് ബോധ്യപ്പെടാന്‍ ഈ പരിഷ്‌ക്കാരം ഉപകരിക്കുമെന്നാണ് സംസ്ഥാന സര്‍ക്കാരിന്റെ പ്രതികരണം. സംസ്ഥാനത്ത് ആകെ അരലക്ഷത്തോളം പേര്‍ ക്ഷേമ പെന്‍ഷന്‍ തുക കൈപ്പറ്റുമ്പോള്‍ കേന്ദ്രത്തില്‍ നിന്നുളള വിഹിതം കൂട്ടിച്ചേര്‍ത്ത് പെന്‍ഷന്‍ നല്‍കുന്നത് 4.7 ലക്ഷം പേര്‍ക്കാണ്.