ഡോ.ബി.ആര്. അംബേദ്കറുടെ ജന്മവാര്ഷികം ആഘോഷിക്കാനൊരുങ്ങി ജനം...
ഡോ.ബി.ആര്. അംബേദ്കറുടെ ജന്മവാര്ഷികം ആഘോഷിക്കാനൊരുങ്ങി ജനം. അവകാശപോരാട്ടങ്ങള്ക്ക് കരുത്ത് പകരാനും രാജ്യത്തിന്റെ മുഖമുദ്രയായ ആശയങ്ങള് ദീപ്തമാക്കാക്കി നിര്ത്താനും ഡോ. അംബേദ്കറുടെ 132-ാം ജന്മവാര്ഷിക ദിനം കാരണമാകും.
ഭരണഘടനാ ശില്പി, നിയമവിദഗ്ധന്, സാമ്പത്തിക ശാസ്ത്രജ്ഞന്, ദളിത് അവകാശ പോരാളി, സാമൂഹിക പരിഷ്കര്ത്താവ് എന്നീ നിലകളിലെല്ലാം ബാബാസാഹെബ് അനുസ്മരിക്കപ്പെടും. അംബേദ്കര് ജയന്തിയോട് അനുബന്ധിച്ച് രാജ്യത്തുടനീളം അനുസ്മരണ പരിപാടികള് അരങ്ങേറും.
ബാബാസാഹെബിന്റെ ഭൗതികശരീരം സംസ്കരിച്ച ചൈത്യഭൂമിയിലും നാഗ്പുരിലെ ദീക്ഷഭൂമി സ്മാരകത്തിലും ആയിരക്കണക്കിന് പേര് സംഗമിക്കും. ദളിത് അവകാശ പോരാളി എന്ന ഏകശിലാ രൂപത്തിലേക്ക് അംബേദ്കറെ പ്രതിഷ്ഠിക്കാനുള്ള ചില സ്ഥാപിത താത്പര്യക്കാരുടെ നീക്കങ്ങളെ ശക്തമായി പ്രതിരോധിക്കേണ്ട ദിനം കൂടിയാണിന്ന്.
"
https://www.facebook.com/Malayalivartha