കാഞ്ഞങ്ങാട് പോലീസ് പരിശോധനയില്‍ 67 ലക്ഷം രൂപയുടെ കുഴല്‍പണം പിടികൂടി.ജില്ല പൊലീസ് മേധാവി ഡോ. വൈഭവ് സക്‌സേനയുടെ നേതൃത്വത്തില്‍ നടപ്പാക്കി വരുന്ന ഓപറേഷന്‍ ക്ലീന്‍ കാസര്‍കോട് രണ്ടാം ഘട്ടത്തിന്റെ ഭാഗമായി നടത്തിയ പരിശോധനയിലാണ് വന്‍ കുഴല്‍പണം പിടികൂടിയത്.

കാഞ്ഞങ്ങാട് ഡിവൈ.എസ്.പി പി. ബാലകൃഷ്ണന്‍ നായരുടെയും ഇന്‍സ്പെക്ടര്‍ കെ.പി. ഷൈനിന്റെയും നേതൃത്വത്തില്‍ വെള്ളിയാഴ്ച രാവിലെ കല്ലുരാവിയില്‍ നടത്തിയ പരിശോധനയിലാണ് സ്‌കൂട്ടറില്‍ കൊണ്ടുപോകുകയായിരുന്ന 67 ലക്ഷം രൂപ പിടികൂടിയത്. സംഭവത്തില്‍ പുഞ്ചാവി നാലുപുരപ്പാട്ടില്‍ ഹാരിസിനെ (39) അറസ്റ്റ് ചെയ്തു.