ബിജെപിയുടെ ക്രിസ്ത്യന് പ്രേമം കണ്ട് ഭയപ്പെട്ട് കോണ്ഗ്രസ്സ്;മൂട്ടില് തീ പിടിച്ചോടി നേതാക്കന്മാര്,ഒരുമുഴം മുന്നേയെറിഞ്ഞിരിക്കുകയാണ് ബിജെപി,അതിന്റെ വേവില് പുത്തന് പദ്ധതികളുമായ് കോണ്ഗ്രസ്
ബിജെപി കളി തുടങ്ങി അരമനയിലേക്ക് ഓടാന് കോണ്ഗ്രസ്. ക്രിസ്ത്യന് സഭാനേതൃത്വവുമായി കൂടുതല് അടുക്കാന് ബിജെപി ദേശീയസംസ്ഥാന നേതൃത്വങ്ങള് വിവിധ പരിപാടികള് സംഘടിപ്പിച്ചിരിക്കെ മൂട്ടില് തീപിടിച്ചോടുകയാണ് കോണ്ഗ്രസ് നേതൃത്വം. സഭകളോട് അടുക്കാനുള്ള ബിജെപി നീക്കം ചര്ച്ച ചെയ്യാന് കേരളത്തിലെ കോണ്ഗ്രസ് നേതാക്കള് രാഷ്ട്രീയസമിതി അടുത്താഴ്ച ചേരും. വിഷയത്തെ ചൊല്ലി സംസ്ഥാന കോണ്ഗ്രസില് അതൃപ്തി പുകയുമ്പോഴാണ് സമ്മര്ദത്തെ തുടര്ന്ന് രാഷ്ട്രീയകാര്യസമിതി വിളിച്ചുചേര്ക്കുന്നത്. ബിജെപി സഭകളോട് അടുക്കാന് നീക്കം നടത്തുന്നതില് സിപിഎം വലിയ എതിര്പ്പാണ് ഉയര്ത്തുന്നത്. അപ്പോഴും കോണ്ഗ്രസ് തണുപ്പന് മട്ടില് പോകുകയായിരുന്നു. ഇതില് പാര്ട്ടിക്കാര്ക്കിടയില് തന്നെ അതൃപ്തി ഉണ്ടായിരുന്നു.
സംസ്ഥാന നേതൃത്വം വിഷയം ലാഘവമായി കണ്ടുവെന്ന് എ, ഐ ഗ്രൂപ്പുകള്ക്ക് പരാതിയുണ്ട്. സഭാ നേതൃത്വങ്ങളുടെ അടുത്തേക്ക് നേതൃത്വം എത്തണമെന്ന് പറയുന്ന ഗ്രൂപ്പുകള്, കോണ്ഗ്രസിന്റെ സമീപനം സിപിഎമ്മും ബിജെപിയും മുതലെടുക്കുകയാണെന്ന് കുറ്റപ്പെടുത്തി. ഈസ്റ്റര് ദിനത്തില് പ്രധാനമന്ത്രി നരേന്ദ്ര മോദി ഡല്ഹി ഗോള്ഡാക്ഖാനയിലെ സേക്രഡ് ഹാര്ട്ട് കത്തീഡ്രല് സന്ദര്ശനം നടത്തിയതും വാര്ത്തകളില് ഇടംപിടിച്ചിരുന്നു. പള്ളിയില് ക്രിസ്തു രൂപത്തിനു മുന്നില് തിരിതെളിച്ച പ്രധാനമന്ത്രി, കത്തീഡ്രല് ഗായകസംഘം ആലപിച്ച 3 പ്രാര്ഥനാഗീതങ്ങള് കേട്ടു. പ്രധാനമന്ത്രിക്കു സഭാധ്യക്ഷന്മാര് ഉപഹാരം സമ്മാനിക്കുകയും ചെയ്തു. ഈസ്റ്റര് ആശംസകള് നേര്ന്ന അദ്ദേഹം പള്ളിക്കു മുന്നിലെ ഉദ്യാനത്തില് വൃക്ഷത്തൈ നട്ട് വിശ്വാസികള്ക്കൊപ്പം ഫോട്ടോയെടുത്ത ശേഷമാണു മടങ്ങിയത്. ക്രിസ്ത്യന് സഭാനേതൃത്വവുമായി കൂടുതല് അടുക്കാന് ബിജെപി ദേശീയസംസ്ഥാന നേതൃത്വങ്ങള് വിവിധ സമ്പര്ക്ക പരിപാടികളും മറ്റും ഒരുക്കുന്നതിനിടെയാണു പ്രധാനമന്ത്രി നരേന്ദ്ര മോദിയുടെ സന്ദര്ശനം. ഈസ്റ്റര് ദിനത്തില് ബിജെപി നേതാക്കള് ക്രൈസ്തവ ഭവനങ്ങളും അരമനകളും സന്ദര്ശിച്ചിരുന്നു. കേന്ദ്രമന്ത്രി വി. മുരളീധരന് ഉള്പ്പെടെയുള്ള മുതിര്ന്ന നേതാക്കളാണ് സഭാധ്യക്ഷന്മാരെ നേരില് കണ്ട് ആശംസകള് നേര്ന്നത്. തിരുവനന്തപുരം ലത്തീന്സഭാ ആസ്ഥാനത്താണ് മുരളീധരന് എത്തിയത്.
ബിഷപ് പാംപ്ലാനി റബ്ബര് വിലയില് കേന്ദ്രത്തിലേക്കൊരു പാലമിട്ടതോടെ കിളി പോയത് കേരളത്തിലെ ഇടത് വലതിനാണ്. പാപ്ലാംനി കൊളുത്തിവിട്ട തീ സഭകളിലേക്ക് ആളിപ്പടര്ന്നു. പിന്നാലെ ആലഞ്ചേരി ബിജെപിയെ പിന്തുണച്ച് രംഗത്തുവന്നു. ഈ സമയങ്ങളിലെല്ലാം സിപിഎം ശക്തമായ എതിര്പ്പുമായ് രംഗത്ത് വന്നിരുന്നു. എന്നാല് കോണ്ഗ്രസ് വലിയ എതിര്പ്പുയര്ത്തിയില്ല. തണുപ്പന് മട്ടിലായിരുന്നു പോക്ക്. അതിന് കാരണം അരമനകളിലേക്ക് കയറാന് പറ്റാത്ത സാഹചര്യമാണ് കോണ്ഗ്രസ് നേതാക്കള്ക്ക് വന്നിരിക്കുന്നത്. സഭകളോട് മുഖംതിരിച്ച് നില്ക്കുകയാണ് സഭകളെ കേള്ക്കാന് കോണ്ഗ്രസ് തയ്യാറാകുന്നില്ലെന്ന് അടുത്തകാലത്തായ് ബിഷപുമാര് ഉയര്ത്തുന്ന ആരോപണമാണ്. അങ്ങനെ ആകെ പണി കിട്ടി നില്ക്കുകയാണ് പാര്ട്ടി. എന്നാല് ഇനിയും ശക്തമായ ഇടപെടല് നടത്തിയില്ലെങ്കില് ബിജെപി സ്കോര് ചെയ്യുമെന്ന ഭയത്തില് നേതാക്കള് ഒന്നുണര്ന്നിട്ടുണ്ട്. ഇതോടെ ചര്ച്ചകളും മറ്റ് പരിപാടികളും സംഘടിപ്പിച്ചിരിക്കുന്നത്. അരമന കേറാന് ചെന്നാല് പിതാക്കന്മാര് ആട്ടിയിറക്കി വിടുമോയെന്നത് കാത്തിരുന്ന് കാണണം. ഏതായാലും കിട്ടിയിരിക്കുന്നത് മുട്ടന് പണിയാണ്.
https://www.facebook.com/Malayalivartha