ഒരു വാട്സ്ആപ്പ് അക്കൗണ്ട് അടുത്ത ആഴ്ച മുതൽ ഇനി ഒരേസമയം നാല് മൊബൈലുകളിൽ ഉപയോഗിക്കാം. നിലവിൽ ഒരേസമയം ഒരു ഫോണിൽ മാത്രമേ വാട്സ്ആപ്പ് അക്കൗണ്ട് ഉപയോഗിക്കാൻ സാധിക്കൂ. മൊബൈലിനെ കൂടാതെ വാട്സ്ആപ്പ് വെബ് ഉപയോഗിച്ച് ഡെസ്‌ക് ടോപ്പിൽ പ്രവർത്തിപ്പിക്കാം. പക്ഷേ, ഒന്നിലധികം ഫോണുകളിൽ ഉപയോഗിക്കാൻ ശ്രമിച്ചാൽ ആദ്യ ഫോണിൽ നിന്ന് ലോഗ് ഔട്ട് ആകുമായിരുന്നു. ഈ പ്രശ്‌നത്തിനാണ് പരിഹാരമാകാൻ പോകുന്നത്.അടുത്ത ആഴ്ചയോടെ പുതിയ സേവനം ലഭ്യമാക്കുമെന്ന് മാതൃകമ്പനിയായ ഫേസ്ബുക്കിന്റെ സി.ഇ.ഒ മാർക്ക് സക്കർബർഗ് ഫേസ്ബുക്ക് പോസ്റ്റിലൂടെ അറിയിച്ചു പ്രധാന ഫോണിലെ ക്യു.ആർ കോഡ് സ്‌കാൻ ചെയ്തോ (ലിങ്ക് എ ഡിവൈസ് ഓപ്ഷൻ) ഒ.ടി.പി വഴിയോ ആകും മറ്റ് ഫോണുകളിലും ലോഗിൻ ചെയ്യാനാവുക.ഒന്നിലധികം ജീവനക്കാരുള്ള ബിസിനസുകൾക്ക് ഈ സൗകര്യം കൂടുതൽ പ്രയോജനപ്പെടും.

ബിസിനസ് കൂടുതൽ കാര്യക്ഷമമാകാൻ ഇത് സഹായിക്കും. സ്ഥാപനത്തിന്റെ വാട്സ്ആപ്പ് അക്കൗണ്ട് 4 ഫോണുകളിൽ ഒരേസമയം പ്രവർത്തിപ്പിക്കാമെന്നതിനാൽ കൂടുതൽ പേർക്ക് കാര്യങ്ങൾ അപ്‌ഡേറ്റ് ചെയ്യാൻ സാധിക്കും.ഇതിനായി ഒന്നിലധികം മാർഗങ്ങൾ ഉണ്ട്. മാത്രമല്ല, ഇതിനായി കൂടുതൽ മാർഗങ്ങൾ​ പുറത്തിറക്കുമെന്നും മെറ്റ സ്ഥിരീകരിച്ചു. ലിങ്ക് ചെയ്യാനായി സെക്കൻഡറി ഫോണിൽ മൊബൈൽ നമ്പർ നൽകുക. അതിനുശേഷം, പ്രാഥമിക ഉപകരണത്തിൽ ലഭിച്ച ഒടിപി നൽകുക.അതുപോലെ, ആദ്യ ഉപകരണത്തിലെ കോഡ് സ്‌കാൻ ചെയ്‌തും രണ്ടാമത്തെ ഉപകരണം ചേർക്കാൻ കഴിയും. ഒരേ സമയം ആൻഡ്രോയിഡ്, ഐഒഎസ് ഉപകരണങ്ങളിലും ഇത്തരത്തിൽ ഒരു അക്കൗണ്ട് ലിങ്ക് ചെയ്യാൻ കഴിയും. അപ്ഡേറ്റ് വരും ആഴ്‌ചകളിൽ തന്നെ ലഭ്യമാകുമെന്ന്, മെറ്റ സ്ഥിരീകരിച്ചു.

പുതിയ ഫീച്ചർ ലഭിക്കുന്നതിനായി വാട്സ്ആപ്പ് ഏറ്റവും പുതിയ വേർഷനിലേക്ക് അപ്ഡേറ്റ് ചെയ്യുക. മാത്രമല്ല, ലിങ്ക് ചെയ്യാൻ എടുക്കുന്ന ഉപകരണങ്ങളിലും ഇത് അപ്ഡേറ്റ് ആണെന്ന് ഉറപ്പു വരുത്തുക.ആര്‍ക്കെല്ലാം പ്രയോജനം ചെയ്യും?പ്രധാനമായും വാട്‌സാപ്പ് ബിസിനസ് ആപ്പ് വഴി ഉപഭോക്താക്കളുമായി സംവദിക്കുന്ന സ്ഥാപനങ്ങള്‍ക്ക് ഈ സംവിധാനം ഏറെ പ്രയോചനം ചെയ്യും. ഒരേ നമ്പറിലുള്ള വാട്‌സാപ്പ് അക്കൗണ്ട് ഒന്നിലധികം ജീവനക്കാര്‍ക്ക് ഉപയോഗിക്കാനാവും. ഇങ്ങനെ ഔദ്യോഗിക ആവശ്യങ്ങള്‍ക്കായി വാട്‌സാപ്പ് ഉപയോഗിക്കുന്നവര്‍ക്കും ഒന്നിലധികം ഫോണുകള്‍ പല ആവശ്യങ്ങള്‍ക്കായി ഉപയോഗിക്കുന്ന വ്യക്തികള്‍ക്കും ഈ സംവിധാനം ഏറെ പ്രയോജനം ചെയ്യും.ലിങ്ക് ചെയ്യുന്ന സ്മാര്‍ട്‌ഫോണുകള്‍ ആന്‍ഡ്രോയിഡോ, ഐഓഎഎസ് ഫോണുകളോ ആവാം. വരുന്ന ആഴ്ചകളില്‍ ഈ പുതിയ അപ്‌ഡേറ്റ് ലോകത്തെല്ലാവര്‍ക്കും ലഭ്യമാവുമെന്ന് വാട്‌സാപ്പ് അറിയിച്ചു. ഈ സൗകര്യം പ്രയോജനപ്പെടുത്താന്‍ വാട്‌സാപ്പിന്റെ ഏറ്റവും പുതിയ അപ്‌ഡേറ്റ് ഡൗണ്‍ലോഡ് ചെയ്യുക.വാട്സ്ആപ്പ് കുറച്ചു നാളുകളായി ഈ മൾട്ടി-ഡിവൈസ് ഫീച്ചറിനായി പ്രവർത്തിക്കുകയായിരുന്നു.

ഇപ്പോൾ അത് വാട്സ്ആപ്പ് ഉപയോക്താക്കൾക്ക് ലഭ്യമാകും.ലിങ്ക് ചെയ്‌തിരിക്കുന്ന ഓരോ ഉപകരണവും (നാല് ഉപകരണങ്ങൾ ലിങ്ക് ചെയ്യാൻ കഴിയും) സ്വതന്ത്രമായി പ്രവർത്തിക്കും. ആദ്യ ഉപകരണത്തിൽ നെറ്റ്‌വർക്ക് ആക്‌സസ് ഇല്ലെങ്കിൽപ്പോലും, മറ്റു ഉപകരണങ്ങളിൽ സന്ദേശങ്ങൾ സ്വീകരിക്കാൻ കഴിയും. എന്നാൽ പ്രാഥമിക ഉപകരണം ദീർഘനേരമായി ആക്ടീവ് അല്ലെങ്കിൽ, മറ്റു ഉപകരണങ്ങളിൽനിന്നു വാട്സ്ആപ്പ് തനിയെ ലോഗ് ഔട്ട് ആകും. നാല് ഉപകരണങ്ങൾ എന്നത്, സ്മാർട്ട് ഫോണുകൾ മാത്രമോ അല്ലെങ്കിൽ പിസിയോ ഉൾപ്പെടുത്താം.