ചിന്താ ജെറോമിന്റെ കാർ പൂഴിമണലിൽ താഴ്ന്നതോടെ പഴയ ഡ്രൈവിംഗ് സ്കിൽ പുറത്തെടുത്ത് മന്ത്രി സജി ചെറിയാൻ. തീരസദസ് പരിപാടി കഴിഞ്ഞ് മടങ്ങുന്ന വഴിയാണ് ചിന്തയുടെ കാർ പൂഴിമണലിൽ താഴ്ന്നത്. വണ്ടി അനങ്ങാതായതോടെ സജി ചെറിയാൻ സ്റ്റിയറിംഗ് ഏറ്റെടുത്ത് കാർ പൂഴി മണലിൽ നിന്നും കയറ്റി. മന്ത്രി തന്നെയാണ് ഇക്കാര്യം ഫേസ്ബുക്കിലൂടെ പങ്കുവച്ചത്. പഴയ ഡ്രൈവിംഗ് സ്‌കിൽ ഒന്ന് പുറത്തെടുത്തെന്നാണ് മന്ത്രി സംഭവത്തെക്കുറിച്ച് വിവരിച്ചത്. ഇതിന്‍റെ വീഡിയോയും മന്ത്രി പങ്കുവച്ചിട്ടുണ്ട്.തീരസദസ്സ് കഴിഞ്ഞു മടങ്ങുന്ന വഴിയാണ് ചെറിയവെട്ടുകാട് വെച്ച് സ: ചിന്ത ജെറോമിന്റെ വണ്ടി പൂഴിമണലിൽ താഴ്ന്നുപോയത് കണ്ടത്. ഒന്നും നോക്കിയില്ല, പഴയ ഡ്രൈവിങ് സ്‌കിൽ ഒക്കെ പുറത്തെടുത്തു...ഈ സമയമാണ് ചെറിയ വെട്ടുകാട് വെച്ച് ചിന്തയുടെ കാര്‍ പൂഴിമണലില്‍ താഴ്ന്നുപോയത് മന്ത്രി കണ്ടത്. ബുധനാഴ്ച വൈകീട്ടാണ് സംഭവം. പോലീസുകാരും നാട്ടുകാരും ചിന്തയുടെ വാഹനത്തിന്റെ ഡ്രൈവരും പലതവണ പരിശ്രമിച്ചിട്ടും വണ്ടി പൂഴിമണലില്‍നിന്ന് അനങ്ങിയില്ല.

ടയര്‍ മണ്ണില്‍ പൂഴ്ന്ന് കറങ്ങിക്കൊണ്ടിരുന്നു.ഒടുവില്‍ സജി ചെറിയാന്‍ ഡ്രൈവിങ് സിറ്റിലേക്ക് കയറി. ഇതോടെ അവിടെ കൂടെനിന്നവരും അദ്ഭുതപ്പെട്ടു. പഴയ ഡ്രൈവിങ് സ്‌കില്‍ പരീക്ഷിച്ച് നോക്കാമെന്ന് മന്ത്രിയും. മന്ത്രി വണ്ടി ആദ്യം പുറകോട്ട് എടുത്തു. കൂടെ നിന്നവരും വണ്ടി തള്ളിസഹായിച്ചു. എന്നാല്‍ മുന്നോട്ട് വീണ്ടുമെടുത്തപ്പോള്‍ വണ്ടി മണ്ണില്‍ കുടുങ്ങി.ഒടുവില്‍ കുറച്ചുമണ്ണും കല്ലും മുന്‍വശത്തെ ടയര്‍ഭാഗത്ത് കൊണ്ടിടാന്‍ മന്ത്രിയുടെ നിര്‍ദേശം. ഒടുവില്‍ ഫസ്റ്റിലിട്ട് നിഷ്പ്രയാസം മന്ത്രിതന്നെ മുന്നോട്ടു കയറ്റുകയായിരുന്നു. സാമൂഹികമാധ്യമത്തില്‍ സജി ചെറിയാന്‍ തന്റെ 'ൈഡ്രവിങ് സ്‌കില്‍' പോസ്റ്റിടുകയും ചെയ്തു.ഡ്രൈവിങ്ങിനും അപ്പുറം ഒരാൾക്ക് ഒരു പ്രതിസന്ധി നേരിട്ടപ്പോൾ മന്ത്രിയായിരുന്നിട്ടും നേരിട്ട് അതിലേക്ക് തുനിഞ്ഞിറങ്ങിയ പ്രിയ സഖാവേ താങ്കൾ കമ്മ്യൂണിസ്റ്റുകാർക്ക് എന്നും ഒരു മാതൃകയാണ് ഞങ്ങൾക്ക് അഭിമാനമാണ് ആവേശമാണ്...ഇതല്ല! ഇതിനപ്പുറം ഒടിച്ചു കയറിയവനാണ് ഞങളുടെ സഖാവ്...ചെങ്ങന്നൂരിൻ്റെ കരുണയും കരുതലും കേരളമാകെ കരുണ...നുമ്മ മന്ത്രി സൂപ്പറാണ് തുടങ്ങിയ രീതിയിലാണ് കമന്റുകൾ വരുന്നത്...ഏതായാലും വീഡിയോ സമൂഹ മാധ്യമങ്ങളിൽ വൈറലാണ്...