പെരിങ്ങത്തൂരില്‍ ഇന്ന് രാവിലെ കിണറ്റിലേക്ക് വീണ പുള്ളിപ്പുലിയെ പുറത്തെടുത്തു. വലയിലാക്കി പകുതി ദൂരം ഉയര്‍ത്തിയ ശേഷം മയക്കുവെടി വയ്ക്കുകയായിരുന്നു. പിന്നീട് പുലിയെ സമീപം തയ്യാറാക്കിയ കൂട്ടിലേക്ക് മാറ്റി. അണിയാരം മാമക്കണ്ടി പീടികയില്‍ സുധിയുടെ നിര്‍മ്മാണത്തിലിരുന്ന വീടിന്റെ കിണറ്റിലാണ് ഇന്ന് പുലി വീണത്. രാവിലെ പത്ത് മണിയോടെയയിരുന്നു സംഭവം.

പുറത്തെടുത്ത പുലിയെ വയനാട്ടിലേക്ക് കൊണ്ടുപോകുമെന്നാണ് വിവരം. രണ്ടര കോല്‍ വെള്ളമുണ്ടായിരുന്ന കിണറ്റില്‍ നിന്ന് വെള്ളമെല്ലം വറ്റിച്ച ശേഷം മയക്കുവെടി വയ്ക്കാന്‍ ഡിഎഫ്ഒ ഉത്തരവിട്ടു. തുടര്‍ന്നാണ് പുലിയെ പുറത്തിറക്കിയത്. വയനാട്ടില്‍ നിന്നും വെറ്ററിനറി സര്‍ജന്‍ അജേഷ് മോഹന്‍ദാസിന്റെ നേതൃത്വത്തില്‍ മയക്കുവെടിവച്ചാണ് പുലിയെ പിടിച്ചത്. ജനവാസം ഏറിയ പെരിങ്ങത്തൂരില്‍ പുഴ വഴിയാകാം പുലിയുടെ വരവെന്ന് വനംവകുപ്പ് ഉദ്യോഗസ്ഥര്‍ സൂചിപ്പിച്ചു.